По примерот на Финска, и Холандија ќе дава надомест на невработени лица без ништо да работат. 

Експериментот во текот на 2017 година ќе биде тестиран и во неколку градови во оваа земја. 

Мислењата за овој проект се поделени. Оние кои го поддржуваат моделот истакнуваат дека сиромашните и невработените на овој начин ќе бидат позаштитени, додека оние кои се против наведуваат дека поради овој модел никој од невработените нема да биде мотивиран да побара работа.

Во Финска започна исплата на основната месечна плата од 560 евра, како дел од социјален експеримент, со цел да се намали државната бирократија и сиромаштијата и да се зголеми вработеноста.

Овој пилот проект ќе трае две години, а Финска е прва земја во Европа која ја воведе оваа новина. 

Минатата недела 2.000 случајно избрани невработени Финци веќе добија 560 евра, а во тек е исплатата и на останатите кои немаат работа. 

Директорката на програмата кажа дека сите невработени ќе добијат пари без оглед на се`.

Може да останат дома и да не прават ништо доколку им е доволен овој основен приход. Но, може и да имаат работа со скратено работно време или да започнат бизнис - рече таа.

Се работи  за проект кој Финците го претставија лани во склоп на кампањата на владата која се залага сите граѓани да имаат основен приход кој во Финска изнесува 560 евра. 

Новоизбраниот американски претседател Доналд Трамп ќе биде инаугуриран како 45-от американски претседател.

Инаугурациониот маратон, како го опишува АП, ќе почне со утринска посета на црква, а ќе биде завршен со полагање на заклетва во „последниот танц на вечерата“. Во Белата куќа Трамп ќе влезе исто како што влезе во претседателската трка - пркосен, сосема сигурен во својата политика и без робување на традицијата, оценува агенцијата.

Во текот на десет недели откако на изненадување на многумина е избран за претседател Трамп го прекршил дипломатскиот протокол воспоставен со децении, ги тестирал долгогодишните етички правила и продолжил со воено -борбениот стил одговарајќи на секој личен напад -на Твитер или во живо.

Меѓу занимливостите на инаугурациониот ден се издвојува тоа што според Уставот за положување на заклетва се дозволени 35 збора, но некои претседатели тоа го зголемуваат на 39 додавајќи: „Така да ми помогне Бог“.

Кога се работи за самиот говор, се поставува прашањето дали Трамп ќе испрати вообичаена порака за единство на нацијата, да ја земе улогата на оној кој создава неред во уредниот систем или ќе ги измиксира двете.

Помошниците на Трамп тврдат дека тој доста време посветил на тој говор, дека вежбал во кулата на Трамп и дека може да се очекува говорот да трае околу 20 минути.

Од 20 јануари до 3 февруари посетителите на Skopje City Mall ќе можат да купуваат по есктремно ниски, замрзнати цени. По празничните акции и промоции, закупците во нашиот најголем трговски центар ќе ги понудат нивните зимски колекции со последните попусти, последни за оваа сезона.

Свесни сме дека во периодот по празниците, купувањето подароци и прославите, сите ние внимаваме на буџетот додека да се вратиме повторно во нормала. Но, потребите на луѓето се присутни како и во останатиот период од годината, па затоа одлучивме да обезбедиме уште една акција со попусти која ќе им овозможи на нашите посетители да купат сè што им е потребно по пониски цени – објаснуваат од Skopje City Mall.

Акцијата „Замрзнати цени“ е последна акција во која ќе можат да се купат производи од зимските колекции по пониски цени, а во неа ќе учествуваат речиси сите продавници.

Што се случува кога нашиот мозок е лишен од стимулација?

Каков ефект има изолацијата и отсеченоста од надворешниот свет на човекот? Каков ефект би имало тоа на мене, затворен/a во просторија без прозорци во комплетна изолација 3 денови.
Погледнете го ова спектакуларно истражување за тоа како нашето тело и ум реагираат на комплетна изолација.

Дали после се човекот е најпрво социјално животно а потоа и се друго?