Еве неколку совети како успешно да барате нова работа додека сте на работа.

Може да ја сакате вашата работа или не, може да не ви се допаѓа поради вашиот шеф. Без оглед на причината вие сте одлучиле дека е време за нов работен предизвик во вашиот живот. Во совршениот свет, можете едноставно да дадете отказ и да заминете на одмор на Хаваи чекајќи ја работата од соништата. Но во реалноста работите се поинакви.

Самата потрага по ново работно место е стресна и одзема време, па за да најдете баланс помеѓу овие две работи искористете ги следниве совети:

Не зборувајте во јавност. Можеби чувствувате одговорност да го известите вашиот шеф дека сте во потрага по нова работа, но тој може да ви најде замена пред да го добиете новото работно место.

Не ја занемарувајте моменталната работа. Потрагата по нова работа одзема многу време и енергија, а тоа може лошо да се рефлектира на вашата сегашна работа. Затоа внимавајте како се однесувате доколку не сакате предвреме да добиете отказ.

Побарајте дискреција. Кога сте во потрага по нова работа побарајте дискреција од потенцијалниот работодавец, колку и да звучи чудно тие ќе ве разберат.

Останете позитивни. Не им давајте причина на луѓето да се сомневаат, а тоа подразбира да не обавувате телефонски разговори додека сте на работа, да не се облекувате премногу формално, ниту пак да користите долги паузи за ручек со цел да одите на закажаното интервју.

Не го користете работното време и ресурсите на компанијата. Потрагата по нова работа на работното место е непочитување на вашиот работодавец.Обезбедете се со пребарување за работни места пред и после работа, за време на викендот или за време на пауза.

Останете професионални. Информирањето на вашиот шеф и колеги може да биде најтешкиот дел од процесот. Тие може да се чувствуваат тажно или предадени, но како ќе се справите со објавувањето на веста ќе направи разлика помеѓу напуштање во висок стил и затворена врата засекогаш.

Понудете се да помогнете во наоѓање на вашата замена и доколку е потребно и нејзино обучување.

Со ова може нема да ги усреќите премногу ,но ќе го почитуваат вашиот професионализам.

Во рамките на Националната кампања „Информирај се СЕГА!“ Коалиција СЕГА со  Младинските Информативни и Советодавни центри ИНФО СЕГА од Прилеп и Кавадарци во соработка со Агенцијата за Млади и Спорт (АМС) и со Факултетот за Информатички Науки и Компјутерско Инженерство организираат натпревар за изработка на мобилна апликација за веб страната www.mladi.ams.mk .

Наградниот Фонд за најдобрата апликација изнесува 500 евра во денарска противвредност, и право на учество имаат тимови со максимум 3 членови - сите студенти на еден од државните или приватните универзитети во Р. Македонија.

Тимовите ќе имаат за задача да подготват мобилна апликација која ќе ги прикажува содржините кои се наоѓаат на сајтот www.mladi.ams.mk и која ќе работи минимум на Андроид платформа.

Критериуми за учество:

• Тимови од максимум 3 студенти на возраст од 18 до 25 години.
• Сите членови на тимот мора да се студенти на еден од државните или приватните Универзитети во Р. Македонија.

Пријавете го Вашиот тим најдоцна до 19 декември 2016 година до 16.00 часот на следниов линк.

Коалиција СЕГА во соработка со АМС и ФИНКИ ќе организираат претставување на на натпреварот во Амфитеатарот на ФИНКИ на ден 21.12.2016 година за сите пријавени тимови. На презентацијата тимовите за учество на натпреварот ќе добијат повеќе информации за барањата, критериумите и условите за учество, како и за основните функционалности на постоечкиот сајт  mladi.ams.mk.

Организаторот ќе ги обезбеди потребните сервиси од кои мобилната апликација ќе ги вчитува информациите.

Апликациите на учесниците на натпреварот ќе ги евалуира стручно жири составено од тројца професори на ФИНКИ,  еден вработен во АМС и еден од Коалиција СЕГА.

Критериумите за евалуацијата се:

• Функционалност на апликацијата - да интегрира што повеќе функции што веќе постојат на www.mladi.ams.mk
• Да работи минимум на Андроид платформа
• Да биде лесно екстензибилна
• Добар визуелен изглед на мобилната апликација
• Перформанси на апликацијата

Презентацијата на сите апликации и прогласувањето на најдобрата ќе се одржи во Амфитеатарот на ФИНКИ во текот на месец февруари 2017 година, со дополнително известување за точниот термин.

Сите прашања поврзани со натпреварот може да ги поставите на следнава e-mail адреса: [email protected] или [email protected] .

Кампањата „Информирај се СЕГА!“ ја спроведуваат Коалиција СЕГА со Младинските Информативни и Советодавни центри ИНФО СЕГА од Прилеп и Кавадарци во соработка со Агенција за млади и спорт и има за цел да им овозможи на младите луѓе безбедно да дојдат до квалитетни интернет информации кои им се потребни, и да бидат целосно описменети како дигитални учесници во денешното информатичко општество. 

Кампањата „Информирај се СЕГА!“ се реализира со поддршка на Програмата за децентрализирана соработка помеѓу Република Македонија и Регионот од Долна Нормандија од Франција.

Еврото денеска се стабилизира, откако вчера достигна најниско ниво за последните 21 месеци, по референдумот во Италија, пренесува Ројтерс.

Светските финансиски пазари експресно реагираа на исходот од референдумското изјаснување во Италија и најавената оставка на премиерот Матео Ренци.

Во текот на вчерашниот ден еврото беше 1,0507 американски долари. Од друга страна, индексот на доларот, што ја покажува вредноста на американската во однос на други шест најважни светски валути, утрово порасна за 0,7 проценти, односно на 101,49 бодови, па повторно тргна кон 102 бода, т.е. најблиску до највисокото ниво од 2003 година.

Аналитичарите укажуваат дека инвеститорите треба да бидат претпазливи, но сепак не и да креваат паника, иако уште сега многумина сметаат дека во Италија ќе следуваат нови избори на кои може да победи опозицијата, во која има партии кои најавуваат дека сакаат да излезат од ЕУ или барем од еврозоната.

На почетокот на неделава, на пазарите вообичаено владее зголемена нервоза, иако не дојде до поголем пад на акциите. Или берзите станале имуни на политичката нестабилност, или пак сметаат дека ситуацијата во Италија сепак ќе се расчистува во подолг период – дури и ако претседателот, односно новиот мандатар не успее да формира влада, ќе има 70 дена за да се обиде, и тоа во оваа фаза сега изгледа прилично далеку“, појаснува Кејтлин Брукс, директорка на истражувањата во City Index Direct, што го пренесува Би Би Си.

Експертите предупредуваат дека изгледите за стабилноста на европската валута се загрозени поради претстојните избори во Холандија, Франција и Германија во следната година.

Новоизбраниот американски претседател Доналд Трамп се закани со казнување на американските компании што ќе го преселат својот бизнис некаде во странство.

Трамп најави „екстра данок“ од 35 отсто за производите што ќе се продаваат во САД, што се произведени од американски компании, во нивните капацитети и погони во разни земји низ светот.

Ние ќе ги намалиме даноците и ќе ја олесниме регулацијата за бизнисот, но секој што својот бизнис ќе го пресели од САД во странство, градејќи таму фабрики или погони, за да ги продава тие производи на домашниот пазар, греши доколку мисли дека тоа нема да помине без никакви последици„, напиша Трамп на Твитер.

Американските медиуми пренесуваат дека бил посочен примерот на корпорацијата „Рекснорд“, која најави дека дел од својот бизнис, еден погон од сојузната држава Индијана ќе го пресели во Мексико. Затворањето на погонот во Индијана би предизвикало затворање на 300 работни места во САД.

Новоизбраниот претседател вели дека вакви примери има многу низ САД, но дека тоа „ сега ќе биде запрено“.

Правни експерти и бизнисмени објаснуваат дека ваквите најави нема лесно да поминат, затоа што Трамп и неговата администрација ќе се соочат со правни предизвици и дека тоа не ќе може едноставно да се изведе.

Казнувањето на бизнисот со „екстра данок“ би донело прекршување на повеќе сегашни закони и прописи, па тоа не може да профункционира без согласност на Конгресот, изјавиле за американските медиуми правни експерти.