Во Македонија, најновите статистички податоци покажуваат дека недвижнините поскапуваат со висока стапка од 20,6 отсто. Најверојатната причина за сегашниот раст е тоа што од 2020 година земјата веќе е во формални преговори за влез во ЕУ и дури сега се забележува како место за инвестирање. Истото важи и за Албанија, која е следна во рангирањето по поскапување.

Денешното издание на бугарски „24 Часа“ потсетува дека, покрај становите во Скопје, атрактивни за купување се и градежните парцели во Охрид, иако не се покрај езерскиот брег.

Како што објави истражувањето на 24 Часа, најголем раст на цените на недвижнини на годишно ниво во регионот има Македонија - 20,6, по што следуваат Албанија (17,6), БИХ (17,0), Грција (13,4), Бугарија (9,2), Црна Гора (9,0),Србија (6,5), Романија (6,49),Хрватска (3,5).

Во Албанија, трендовите првенствено се водени од имотите за одмор и од можностите за купување дом на Јадранот. Ообено во Саранда. Локалниот пазар главно привлекува странци од скандинавските земји кои купуваат викендици. Фактор е и географската локација - Крф, на пример, е многу блиску до Саранда, а оттаму лесно и брзо се стигнува до популарните дестинации како што се Хрватска и Црна Гора.

На албанските сајтови за недвижнини, често може да видите понуди за станови со поглед на море во Саранда или Валона со цени од 100-150 илјади евра за 80-100, па дури и 120 квадратни метри Згора на тоа, особено во Саранда е преполно со новоизградени отворени и затворени станбени комплекси.

Сосема поинаква е причината за поскапувањето на недвижностите во Босна и Херцеговина, каде минатата година растот беше 17 отсто.

„Извештајот на Светска банка од пред две години покажа дека пазарот за недвижнини во оваа држава се развива со високо темпо пред се поради масовните купувања на домови и канцеларии канцеларии од странци од Блискиот Исток и Турција“, пишува 24 Часа.

Во Црна Гора поскапувањето на недвижнините на годишно ниво е 9 отсто. Има просперитетен туристички сектор и се стреми да привлече побогати туристи. Зделките за имоти за одмор се зголемија за 10 во секоја од последните неколку години, но исто така и другите недвижнини се со голема побарувачка.

По главниот град Подгорица, најголем интерес има за Будва, Херцег Нови, Котор, Тиват и воопшто градовите на јадранскиот брег. Но, и покрај уникатната природа, просечната вредност на станбените имоти во Црна Гора е 1500 евра по квадратен метар.

Во Србија (поскапување од 6,5 отсто) работите се сменија по Берлинскиот процес, во кој ЕУ ги вклучи земјите од Западен Балкан во серија проекти за изградба на инфраструктура за зајакнување на економскиот развој и стабилност во целиот регион. Така, од 2018 година, изградбата и цените на куќите се зголемија, а исто така и кредитирањето.

Централната банка толку ги заостри условите за одобрување кредити што каматната стапка на становите, која до средината на 2023 година изнесуваше околу 6 отсто, а сега е 8 проценти. Според извештајот на Здружението на банки во Србија за 2023 година, бројот на повлечени кредити драстично е намален.

Просечната цена на станбениот имот во Србија до почетокот на 2023 година изнесуваше околу 1.700 евра за метар квадратен. Оттогаш почна нагло зголемување и моментално е близу 2 илјади евра.

Претстојниот месец април има еден неработен ден за сите граѓани во земјава. 

Согласно календарот на неработни денови, 10 април (среда), Рамазан Бајрам, првиот ден на Рамазан Бајрам ќе биде неработен за сите граѓани. 

По април, во месец мај неработни денови за сите се:

• 1 мај (среда), Ден на трудот
•  6 мај (понеделник), Велигден, вториот ден на Велигден според православниот календар
• 24 мај (петок) „Св. Кирил и Методиј“ Ден на сесловенските просветители

Први април (понеделник), Велигден, вториот ден на Велигден ќе биде неработен за припадниците на католичната вероисповед во земјава. 

Осми април (понеделник), кога се одбележува Меѓународниот ден на Ромите ќе биде неработен за припадниците на ромската заедница во земјава. 

Вработениот треба да го почитуваме пред се како личност  како особа која има свои потреби и нормално другото после останува плата и се што следува со работниот однос така да секогаш мотивира вниманнието и наградата. Рептил е компанија која што сега брои 25 продавници со 300 вработени. Рептил не стана компанија со 80 продавници и со илјадници вработени, а зошто, затоа што нашиот фокус беше на условите што ги имам со сопствени средства да направиме задоволни вработени. Со тоа нашата компанија покажува проток на вработените, значи ние имаме над 60% вработени кој што се над 20 години кај нас значи лојалноста е најголемиот успех за нас лојалноста и стабилноста значи. - вели Даница Личанин Блажеска - Сопственик на Рептил Маркети

Со ваков проблем се соочуваат илјадници наши сограѓани кои остануваат без работа. Веднаш откако едно лице ќе остане без работа логичниот заклучок е да се упати кон Агенцијата за вработување се со цел да се пријави како невработен за да може да добие бесплатно здравствено осигурување кои следува по закон. Е тука веќе почнува изненадувањето.

До пред некоја година со самото пријавување во АВРМ податоците беа по автоматизам пренасочувани до Фондот за здравствено осигурување каде невработеното лице веднаш можеше да се лекува низ државните здравствени институции во државава. Но тоа не повеќе така. Откако ќе отидете да се пријавите за невработени ве чека изненадување, ќе мора да отидете дополнително до фондот за здравствено осигурување. Ова ни го кажаа некои од лицата кои биле затекнати од ваквото решение на институциите

„Ова е катастрофа, она што ми треба во моментов е здравствено осигурување. Јас значи треба дополнително да се мачам да одам до Фондот каде треба да поднесам таму документи за да можам да си го остварам првото на лекување“ ни кажа едно од лицата на кои итно им треба здравствено осигурување.

Е сега откако ќе се помирите со ваквата одлука, ве чека изненадување и на шатрерите на Фондот за здравствено осигурување. Нема да наидете на гужва, ама нема ни да завршите работа. Со оглед дека никој ве нема известено дека потребни се документи за да можете да го остварите вашето право на здравствено осигурување. Она што ви го бараат на шалтерите во Фондот е извод од матична книга на родени не постар од 6 месеци, односно она што речиси 90 отсто од македонските граѓани го немаат. И тука останувате зачудени и изреволтирани зошто не само што сте го изгубиле денот туку и нема да ја завршите работата по која сте дојдени.

Она што ви останува на располагање се две работи. Едната е да отидете веднаш до Управата за водење на матични книги каде 100 % ќе се изначекате додека да стигнете на ред да поднесете барање за издавање на извод од матична книга на родени и да платите за тоа, а другата е да го поднесете барањето електронски. За помладите лица ова не би требало да е проблем, но што правиме со повозрасните кои не се навикнати да ги користат електронските услуги што ги нуди системот на Управата за водење матични книги.

И сето ова малтретирање е за да можете да си го остварите вашето право на здравствена заштита. Во овој случај а и во многу други државата наместо да им го олеснува животот на нејзините граѓани го отежнува во секоја можна смисла. Таа толку зборена дигитализација и поврзување на институциите во овој случај речеиси и да не постојат. Она што ни преостанува е да се надеваме дека ќе можеме да стигнеме до документите што е можно побрзо и да се молиме дека нема да се разболиме во меѓувреме.