Сумата на вашата плата е важен дел од работењето и игра голема улога во тоа колку ќе заштедите во месецот. Ова се неколку начини како да ја договорите вашата плата на интервјуто за работа кое ви следува:

1. Истражете

Најдобро е пред да одите на интервју, да бидете целосно запознаени за каква компанија станува збор. Распрашајте се во кои рамки се движат платите на вработените и колку се задоволни истите. Во меѓувреме, добро е да направите мини истражување за тоа како се движат платите за вашата професија во вашиот регион и странство.

2. Најпрво разговарајте за обврските

Кога веќе го направивте мини истражувањето за компанијата, ќе се чувствувате многу подобро и похрабро пред работодавецот. Секогаш најпрво разговарајте за она што ќе се очекува од вас и какви ќе бидат вашите обврски. Задолжително детално разговарајте за временските рамки во кои би биле задолжени и каков тип на обврски ќе ви бидат доделени. Дури по ваков разговор ќе може добро да се подготвите и да предложите сума која се однесува на плата.

3. Секогаш истакни ги твоите специфични знаења и особини

Кога се разговара за плата, најпрво најдобро е да понудите што ќе покажете за да бидете соодветно платени. Јасно наведете ги способностите и вештините кои ги имате а истите ретко се среќаваат кај други луѓе - на овој начин ќе ја стекнете довербата кај работодавецот од прв момент.

4. Не е само платата, разговарајте и за другите бенефити кои ви следуваат

Многупати, се заборава да се поразговара за другите бенефити кои ќе ги имате кога ќе ја добиете новата работна позиција. Не заборавајте дека платата може да зависи и од она што го добивате дополнително. На пример некои компании ќе понудат нешто пониска плата, меѓутоа за сметка на тоа ќе ви овозможат флексибилно работно време, повеќе слободни денови во текот на годината, користење на службен автомобил и слично. Вреди да се размисли и на овие аспекти, зар не?

Директорот на Microsoft Сатја Надела му одговори на новоизбраниот преседател на САД, Доналд Трамп во врска со повикот до локалните компании за задржување на работата во таа земја.

Тој порача дека софтверска компанија би можела да ја продолжи својата визија без никакво влијание на домашната работна сила. Говорејќи на DLD технолошката конференција во Минхен, Надела објасни дека Microsoft е веќе еден од најголемите работодавци во САД, па така нема потреба да се грижат поради промените кои Трамп вети дека ќе ги воведе.

Ние сме компанија со седиште во САД која вработува во целиот свет, а нашата доминантна вработеност е токму во САД. Ние веќе создадовме голем број на високо платени работни места во САД. Ако ништо друго, допринесуваме за она што секогаш сме го сметале за цел, а тоа е да бидеме одговорна американска компанија која одговорно работи во САД, но исто така и мултинационална компанија, која придонесува за секоја земја во која работи  - вели Надела.

Во серијата твитови кои Трамп ги постави на 15-ти јануари, тој ја повтори својата намера во врска со убедувањето на американските компании да ги задржат своите работни места во земјата и помалку да се фокусираат на странските активности.

Сепак природата одлучи против врнежи на парадата на Доналд Трамп, но, што ќе се случеше ако истуреше? Дали беше спремен план Б за друга локација?

Зошто новиот претседател положи свечена заклетва со раката на две библии? Зошто Меланија Трамп одлучи да и донесе подарок на Мишел Обама кога двете двојки се состанаа во Белата куќа во петокот и што имаше во сината кутија?
Имаме одговори на овие и на неколку други прашања кои го заинтересираа светот.

1. Што ќе се случеше доколку почнеше да врне посилно?

Во минатото сите инаугурации се одржани во јануари. Во престолнината на Соединетите Американски Држави овој месец е врнежлив и со ниски температури. Само Роналд Реган на втората инаугурација беше приморан да ја даде заклетвата во затворена просторија. Сепак Доналд Трамп го направи тоа на отворено иако во некои моменти росеше. Еден ден пред церемонијата Трамп се пошегува дека не се плаши од дождот и дека дождот само може да покаже дека неговата коса не е перика.

2. Зошто трамп се заколна со раката на две библии?

На почетокот на оваа недела Трамп објави дека на неговата свечена изјава ќе има две библии.

Едната, е библијата над која се заколнал Абрахам Линколн во 1961, а втората, негов личен подарок од 1955 кој му бил даден од неговата мајка пред тој да наполни 9 години.

3. Што ќе се случи со официјалниот Twitter кој го користеше Обама додека беше на власт?

Официјалниот профил @POTUS припаѓа на претседателот. Со ова Трамп го наследи и 2 часа по неговото прогласување за претседател ја објави и првата слика со наслов #InaugurationDay Speech.

4. Каде замина Обама со својата фамилија?

Официјлано фамилијата Обама се повторно нормални граѓани. Порашниот претседател и првата дама се качија на хеликоптер од САД Капитол до следната дестинација. Пилотот на хеликоптер според традицијата им овозможи последен поглед кон Белата куќа пред да се упати кон базата Andrews во Мериленд.

Семејството Обама потоа се упати кон Palm Springs, Калифорнија, на одмор со своите ќерки, Саша, 15, и Малија, 18. Семејството, сепак по краток одмор ќе се врати во Вашингтон и ќе живее во градот барем уште една година, за да може Саша да го заврши средното училиште.

5. Што беше на мени на ручекот по инаугурацијата?

Трамп јавно изјави љубов кон McDonald's и Kentucky Fried Chicken, но менито за ручек по неговото инаугуративно обраќање беше на малку повисоко ниво. Новиот претседател ручаше со околу 200 високи функционери на традиционалниот ручек организиран од страна на Јoint Congressional Committee on Inaugural Ceremonies, кој ја планираше церемонијата на давањето заклетва за претседател и потпретседател.

Ручекот беше одржан во U.S. Capitol's Statuary Hall и беше составен од три оброка, кој започна со јастог и ракчиња со шафран сос од кикирики, скара од говедско месо со темно чоколадо и сок од смрека, а за десерт, гостите беа послужени со  чоколадно суфле и сладолед од цреша и ванила.

6. Што имаше во светло сината кутија која и ја донесе Меланија на Мишел?

Многу прашина се дигна околу чудниот подарок кој го донесе Меланија Трамп во петокот наутро во Белата куќа. Сината кутија навистина ја изненади Мишел и таа само му ја подаде на Барак кој потоа ја даде на човек од обезбедувањето. Подарокот изненадување подигна прашалници низ целиот свет. Сепак, засега само Доналд, Меланија, Барак и Мишел знаат што имаше во кутијата.

Ирскиот министер за финансии Мајкл Нунан изјави дека Република Ирска ќе претрпи штета од британското напуштање на ЕУ, затоа што домашната економија ке загуби околу 40 илјади работни места.

Министерот Нунан во разговор за британската телевизија Скај , предупреди на „бројните тешкотии“ што ќе настанат со оваа операција, а посебно тешко ќе биде кога ќе дојде време да се преговара за пост-Брегзит договорот за трговија со Велика Британија.

Сигурно е само дека тие преговори со Британците ќе бидат долги и тешки -  рече Нунан за Скај.

Изјавата на ирскиот министер доаѓа по излагањето на британскиот премиер Тереза Меј на економскиот форум во Давос, во кој таа рече дека веќе разговарала со политичките лидери од многу земји околу договорите за трговија што ќе ги прави Велика Британија по Брегзит.

Според ирските медиуми, станува збор за Австралија, Нов Зеланд и Индија, кои се членки на Комонвелтот, како и Кина, Бразил и земјите од Персискиот Залив.

Австралискиот министер за финансии Матијас Кроман, претходно, потврди дека имало „прелиминарни разговори“ додека новозеланскиот премиер Бил Инглиш смета оти трговските разговори може да почнат „што е можно побрзо“ но Велика Британија не може да преговара со никого и да прави договори за трговија, се додека целосно не излезе од ЕУ.

Тоа би можело да се случи по постигнување на договорот за раздружување меѓу Брисел и Лондон, што би требало да произлезе од преговорите за Брегзит, што треба да почнат на почетокот од април и да траат најмалку две години.