Една од најсреќните држави на светот, Данска, оваа недела го отплатила својот комплетен девизен долг по основа на обврзници, тежок 1,5 милијарди долари, ослободувајќи се прв пат во 183 години од сите должнички обврски во странска валута.
Како што пишува агенцијата Bloomberg, пред само четири децении кога била многу посиромашна, Данска се соочувала со девалвација и економско пропаѓање.

"Во раните 80-ти, Данска била таму каде што е сега Грција - во економска криза", рекол во телефонска изјава за Bloomberg Јенс Нервиг Педерсен, аналитичар во данската "A/S" банка, истакнувајќи дека "сега земјата е меѓу апсолутно најсилните со рекордно висок суфицит на тековната сметка и силни јавни финансии".

Од 19-от век, Данска се задолжувала во странство за да финансира сè - од војна против Германија, до изградба на железничка пруга. Дефицитот на државата растел толку брзо што во доцните 1970-ти и раните 1980-ти, Данска била принудена да ја девалвира националната валута, круната, за повторно да ја урамнотежи својата економија.

Официјален Копенхаген тогаш вовел режим на фиксен курс и преземал економски реформи со цел да ја преобрати Данска во бастион на стабилност со кредитен рејтинг "AAA", кој го држи и денес. Реформите опфатиле намалување на задолжувањето кај потрошувачите преку поскапување на цената на заемите.

Денес, Данска повеќе не мора да емитува должнички хартии во долари или евра, благодарение на своите огромни девизни резерви, кои ги користи за одбрана на вредноста на круната кон еврото. Нејзините девизни резерви од околу 467 милијарди круни (67 милијарди долари), сега се двојно поголеми отколку од пред 10 години.

Данската централна банка минатиот месец продала 4,7 милијарди круни за да ја ослабе домашната валута, откако политичките ризици поврзани со француските избори направиле странските инвеститори да побараат сигурност во данските активи.

"Nordea Bank AB" објавила дека политичките тензии во Франција би можеле да ја принудат Данска да посегне по уште поголеми интервенции од оние кои се преземени минатата година, за да се неутрализираат негативните влијанија од британското гласање за излегување од ЕУ.

Данската централна банка од март 2014-тата година нема потреба да се задолжува во странска валута, вели Ларс Мајланд Нилсен, шеф на канцеларијата за долг во централната банка, додавајќи дека државата во 2015-тата година се откажала од емисија на девизните обврзници и дека нема во план да излегува на девизниот пазар на долгот ни во 2016-тата година, пренесува Bloomberg.

Веќе ја објавивме листата на најбогати луѓе во светот, направена според Forbes. Интересно е тоа што 227 милијардери на листата се жени. Жените чинат 11% од оваа листа, а заедно заработуваат 852,8 милијарди долари.

Повеќето од најбогатите жени своите пари ги имаат наследено. Лилиен Бетенкорт е најбогата жена во светот со богатство од 39,5 милијарди долари. Втора е Алис Валтон, која има 33,8 милијарди долари, а по неа е Жаклин Марс, со богатство од 27 милијарди долари.

Жената која имала најголем успех во годината е Џина Рајнхарт, нејзиното богатство од 6,2 милијарди долари се зголеми на 15 милијарди, што ја направи најбогата личност во западна Австралија. Таа од банкрот ја доведе фирмата на татко ѝ до стабилна позиција.

Ова е листата на десетте најбогати жени во светот:

1. Лилиен Бетенкорт – 39,5 милијарди долари (L’Oreal)

2. Алис Волтон, 33,8 милијарди (Wal-Mart)

3. Жаклин Марс, 27 милијарди (Mars Inc чоколадите)

4. Нарија Франка Фисоло, 25,2 милијарди (Nutella)

5. Сузан Клејтен, 20,4 милијарди (BMW)

6. Лорен Пауел Џобс, 20 милијарди (Apple, Disney)

7. Џина Рајнхарт, 15 милиони (руда)

8. Абигејл Џонсон, 13,7 милијарди

9. Ајрис Финтбона, 13,7 милијарди (руда)

10. Беат Хејстер, 13,6 милијарди долари (супермаркети). 

Роамингот кои деновиве се вклучува на мобилните кај дел од граѓаните нема да ги зголеми нивните сметки уверуваат од АЕК. Причината за тоа е што со спојувањето на Оне и Вип дел од претплатниците се уште се на старата мрежа и додека да се префрлат на новата се ставени на национален роаминг.

Заклучно со третиот квартал лани  регистрирани се над 2 милиони активни претплатници во мобилната телефонија  3,6 отсто повеќе од претходниот квартал. Поголем дел од претплатниците користат припејд услуги отколку постпејт. Намален е и бројот  на испратени СМС пораки.

Од компанијата велат дека наскоро во Македонија со работа ќе почне нов четвр мобилен оператор.

Од АЕК велат дека изминатиов период намален е бројот на жалби и поплаки од граѓаните. Што се должи на зголемената едукација кај луѓето и контролите кои  од АЕК врз операторите.

Разговорите за работа набрзо може да изумрат. Еве со што големите компании ќе ги заменат
Оваа стратегија можно е да направи разговорот за работа да изумре во скоро време
Повеќето компании се потпираат на традиционалниот очи во очи разговор за работа како би донеле одлука за вработување на оние кои се пријавиле за работната позиција. Но ние сме тука да Ви кажеме дека разговорите за работа всушност не се добра алатка.

Еве зошто: 81% од луѓето лажат за време на разговорот за работа. Не е шега, 81%!
Едноставно кажано оваа бројка е толку висока поради нереалните очекувања од страна на работодавците. Тие всушност креираат ситуација кај луѓето кои бараат работа да бидат очајни со тоа што тие не се искрени во своите достигнувања, минати искуства и сл. За нив тоа е единственит начин за да добијат работа. Со други зборови, да речеме дека сте на разговор за работа. Доколку бидете прашани за некаква вештина која не ја поседувате, многу е јасно дека доколку признаете дека не ја поседувате таа вештина, Вие нема да ја добиете таа работа. Единствена опција која во моментот од кога ќе Ве прашаат е да зборувате околу темата, но тоа ќе остави погрешна слика за Вас.

Како нашиот мозок ни прави саботажа за време на разговорот за работа
Дури и ако добивате 100% искрени одговори од кандидатот за вработување, постои реална прашање за тоа дали ќе биде точно вашето оценување за лицето пред вас.
Луѓето несвесно имаат предрасуди кога ќе погледнат други луѓе и ги оценуваат нивните предности и вештини. Големи се шансите дека сте имале разговор за работа со атрактивна жена или маж. Еве што вели науката за вакви моменти:

1. Луѓето со подобар изглед имаат тенденција да бидат оценети како покомпетентни, интелегентни и квалификувани од нивните помалку атрактивни колеги, иако објективно не се подобри во ниту едно од овие работи.

2. Луѓето кои се повисоки имаат тенденција да бидат оценети како да имаат повеќе лидерски вештини за разлика од нивните покуси колеги. Истите резултати, исто така, се однесуваат и за жените, иако ефектот не е толку голем. Исто така, податоци собирани со децении покажуваат јасна врска помеѓу висината и платата на секоја возраст.

3. Луѓето кои зборуваат со подлабок глас се сметаат дека поседуваат поголема сила, интегритет и доверба.

Но, дали Вашиот мозок направи да поверувате во некоја од овие работи? Истражувањето сугерира дека ние не можеме а да не бидеме допрени од овие фактори, и тие влијаат на начинот на кој го водиме разговорот.

Да претпоставиме дека на разговорот за работа дојде екстровертна личност, тогаш ќе и поставите прашање од типот ”Кажете ми нешто за вашите лидерски способности?”, но да замислиме дека на разговорот дошла интровертна личност, тогаш би поставиле малку поинакво прашање, на пример ”Дали би можеле да водите група колеги?”

Иако и двете од овие прашања сепак водат кон истата тема, значајно е да се сфати дека работодавците ги креираат своите прашања различно, во зависност од нивното мислење за кандидатот за работа, што води до лажно потврдување на првиот впечаток или пак пристрасноста на оној кој што го води разговорот за работа, што е всушност многу погрешно.

Решение: Натпревар за работно место
Експертите велат дека процесот на одделот за човекови ресурси кој фаворизира разговори за работа во живо, треба да се замени со т.н. работни аудиции, т.е. вид на натпревар за работно место, релевантен за задачите за работната позиција.
Тоа е единственото нешто кое што има смисла. Музичари, пејачи и актери одат да аудиција. Луѓето кои ги вработуваат не седнуваат да ги прашуваат веќе подготвени прашања. Тие сакаат да ги видат како свират, пејат или пак глумат. Зарем нема смисла истото да се направи за перспективен работник за истата причина, пред да се потпише договор?
Пример, доколку барате да вработите трговски претставник, би требало да ја проверите неговата способност за оваа работа.
Доколку барате да вработите веб дизајнери, проверете ги нивните знаења така што ќе креираат почетна страна за вас.

Во секој случај, вашиот прв впечаток ќе биде основан на тоа како ќе видите дека кандидатот ја завршува својата работа, а не колку добро тие ги одговараат вашите претходно подготвени трик прашања. 
Додека традиционалните начини за разговор за работа не заминуваат во скоро време, фокусирајќи се на проби и аудиции на кандидатите ќе бидат од клучно значење во исполнувањето на вашата цел т.е. наоѓање на вистинскиот работник. Со ова исто така ќе се скрати времето на читање на резиме со цел да се вработи работник, што ќе допринесе вид заштита на компаниите од губење на продуктивноста, која резултира кога работниците се отпуштени од работа поради нивните добри ”актерски” способности.