Со големо задоволство Вип ја најавува новата услуга HBO GO со која корисниците имаат можност да ги гледаат омилените филмови и серии каде и да се низ Македонија. Оваа услуга овозможува следење на содржините преку интернет, и тоа преку компјутер/лаптоп, смартфон, таблет или smart TV на најмногу 5 уреди, но корисникот ќе може да биде најавен само на 2 уреда истовремено.

Услугата HBO GO е достапна со пакетот HBO Premium, кој покрај услугата HBO GO ги вклучува и телевизиските канали HBO, HBO2 и HBO3. Пакетот HBO Premium е достапен за сите корисници на Vip Комбо, Vip Комбо Lite, Vip TV и Vip TV Lite, со месечна претплата од 299 денари.

Промотивно, HBO Premium пакетот е достапен без претплата во првите 3 месеци, за сите нови или обновени корисници на Vip Комбо и Vip Комбо Lite. Промоцијата важи ограничен период.

Услугата HBO GO е исто така достапна за активација како самостојна услуга, за следење на содржините преку интернет, за сите корисници на Vip Комбо и Vip Комбо Lite, за корисниците на други фиксни услуги, како и за Vip Постпејд корисниците (со Vip SIM-картичка), со претплата од 249 денари/месечно.

Повеќе информации за новата услуга можете да добиете на www.vip.mk или со јавување во Контакт центарот на Вип на  077 1234. 

Модерниот бизнис свет е брзо поле каде се повеќе ги забораваме нашите најблиски. Тука спаѓаат луѓето со кои треба да го поминеме целиот наш живот - животниот партнер и нашите деца, нашите родители, браќа и сестри. Впрочем се почесто се случува да заборавиме да се дружиме и до нашите најдобри пријатели и тие стануваат пријатели од минатото.

Овој синдром на одалечување е многу познат кај светските психолози и го нарекуваат синдром на модерното живеење.

Прочитајте како да најдете време за луѓето кои ви значат иако сте внесени длабоко во брзиот модерен бизнис свет.

Издвојте ги вашите вредности и интереси

Компаниите ги дефинираат нивните основни вредности, бидејќи тие обезбедуваат одлична рамка за изработка на сите видови на одлуки. На исти принцип добро е и вие да ја применувате оваа тактика. Добро е секој од нас да знае кои му се главните карактеристики и кон што се стреми - самостојно и како фамилија заедничи. Дали тоа е спорт, уметност, здрав живот или пак електроника од најмодерен тип - секое семејство

Издвојте ги вашите приоритети

Дали оваа недела е најважно да направите зголемена продажба а вашето дете има температура? Секако не, или пак еден од вашите родители има тешка болест, успорете го вашето темпо и посветете внимание на овие на кои најмногу им требате - секако направете приоритети, вашиот бизнис е еден од нив меѓутоа не заборавајте што всушност е животот.

Не избрзувајте со вашите одлуки

Оваа недела ќе работам 12 часови дневно - и тоа го кажувате пред целиот ваш тим. Не избрзувајте - договорете се сам со себе и направете план за работа - без контрола на вашите мисли се е потешко. Сконцентрирајте се и завршете го смисленото навреме.

Работете додека вашите семејни челнови спијат

Вака ќе заштедите на време - Вие ќе ја завршите вашата работа а вашето семејство ќе се одмори. Пото заедно ќе можете да го поминете остатокот од денот.- секако ова не го правете во доцните часови туку во текот на денот, секако и за вас е навистина важно да сте одморени.

Користете ја современата технологија

Со многу обврски се случува да заборавиме на обврските од нашиот живот - наместете потсетници за родендени во семејството, важни семејни собири или пак вечери. Исто така годишницата со вашата сопруга или сопруг. На сите нас ни се случило да заборавиме некој важен датум меѓутоа модерната технологија сега може да ни помогне.

Цената на новата Нокиа 3310 сепак ќе биде поголема од најавената.

Од следната недела, на европскиот пазар ќе се најде во продажба популарниот телефон Нокиа 3310 (2017). Се работи за новата верзија на телефонот кој многумина го сметаат за најдобриот модел во историјата на телефоните.  

Нокиа 3310 (2017) беше претставен на овогодинешниот конгрес во Барселона MWC, на кој беше објавено дека овој мобилен телефон ќе биде 10 пати побрз, ќе ја има популарната игра Snake и дека ќе ѕвони во неговиот препознатлив рингтон. 

Иако за цената сè уште нема информации, претходно беше објавено дека цената би можела да се движи од 49 евра па нагоре, но според најавата на трговците се очекува новата Нокиа да биде нешто поскапа од тоа.

Медиумите пишуваат дека купувачите во Австрија и Германија ќе мораат да издвојат од 53 до 58 евра за овој 2G телефон, додека во Шведска би требало да се појави и 3G верзија по цена од 93 евра.

Нокиа 3310 (2017) ќе има долготрајна променлива батерија и апликации кои се во склад со модерното време, дисплеј во боја, а играта Snake ќе биде достапна и во склоп на Facebook Messenger за сите корисници.

Служењето на воениот рок во Македонија не е задолжително веќе десетина години, односно последната генерација што задолжително мораше да служи воен рок беше во 2006 година.   

Но од 2011 година граѓаните што ги исполнуваат условите поставени од АРМ можат да се пријават за доброволно служење на воениот рок. Притоа, кандидатите мора да имаат наполнето 18 години, но и да не бидат постари од 26 години.

Но после толку време денес постојано се поставува прашањето - дали треба да се врати задолжителното служење на воениот рок?

Кај населението мислењата по ова прашање се поделени, едните велат дека не треба да има задолжително служење воен рок, други велат дека мора да повторно да се врати, а дел велат дека треба да има каква било обука со цел младите да се оспособат за ракување со оружје.

Телеграф.мк направи анкета во нашиот главен град и ги прашавме случајните минувачи: „Дали треба да се врати служењето на воениот рок?“

Нивните одговори мора да признаеме дека нѐ изненадија. Погледнете ја анкетата: 

Инаку, досега АРМ организираше и повеќе презентации во средните училишта во земјава, а со цел да им покаже на младите што значи да се биде дел од армијата.

Презентациите се фокусираат на детални објаснувања за обуката во АРМ, за начинот на кој е организиран животот на регрутите, тренинзите низ кои поминуваат, како и можностите за едукација и напредок со градење кариера во рамките на војската.

Право за доброволно служење воен рок во АРМ имаат и машки и женски. Барањето за доброволно служење воен рок во АРМ се поднесува лично до Министерството за одбрана.

Доколку некој од вас има интерес да се пријави за доброволно служење воен рок, подетални информации може да најдете на следниот ЛИНК.

Извор - Телеграф