Интернет гигантот Yahoo престанува официјално да постои. Новото име на компанијата ќе биде Altaba, a досегашната извршна директорка Мариса Маер поднесува оставка.

Одлуката за заминување на Yahoo во историјата е потврдена во извештајот на компанијата кој таа го испрати до американските регулатори.

Во извештајот се наведуваат точните планови како Verizon ќе го преземе Yahoo. Да се потсетиме, Yahoo беше продаден за 4,8 милијарди долари. А кога ќе се заврши целиот процес на преземање, кога ќе биде предаден, мејлот, веб страните, мобилните апликации и рекламните алатки, компанијата ќе го добие новото име – Altaba.

Новото име претставува одраз на трансформацијата на Yahoo во холинг компанија зa инвестирање во кинескиот лидер во елeктронска трговија, Alibaba Group, и компанијата Yahoo Japan, кои заедно вредат повеќе од 40 милијарди долари.

Исто така се наведува дека досегашната шефица на Yahoo, Мариса Маер, ќе ја напушти таа функција по спојувањето.

Покрај Мариса, од компанијата ќе заминат уште неколку долгогодишни директори – коосновачот на „Yahoo“, Давид Фило и уште четири директори кои во моментов се во Управниот одбор.

Причините за заминувањето, како што изјавија, немаат врска со несогласувањата во самата компаниja или некоја нејзина филијала.

Американскиот синџир за брза храна McDonald’s ќе го продаде контролниот уред од својот бизнис во Кина и во Хонгконг за 2,08 милијарди долари на кинеско-американски конзорциум.

Конзорциумот е составен од државната компанија Citic и американскиот инвестициски фонд Carlyle, кои ќе купат 80% од уделот, додека McDonald’s ќе задржи една петтина од сопственоста. Планот вклучува и отворање повеќе од 1.500 ресторани во текот на идните години во помали кинески градови.

Citic, Citic Capital Holdings, Carleyle групацијата и McDonald’s ќе основаат компанија која ќе работи како франшиза на синџирот во континтентална Кина и во Хонгконг во текот на наредните 20 години. Договорот е дел од планот на McDonald’s да го промени начинот на работа на странските пазари со оглед на тоа дека компанијата се соочува со забавен раст.Се наведува дека целта на оваа купопродажба е зајакнување на присуството меѓу кинеските потрошувачи, „кои треба да станат главен двигател на кинеската економија во годините коишто следуваат“.

Сопственикот на фирмата КМН од Чачак, Србија Милоје Стевановиќ во 90-те предвидел дека многу фирми ќе се распаднат и затоа решил да основа свој бизнис. 

Одлучив во склад со моите скромни средства да основам трговска фирма во 16.5 квадрати со околу 200 артикли. Тогаш во нашето семејство бевме четири членови и почетните букви од имињата беа КМН. Сопругата е Нада, а ќерките се Катерина и Марија. Тоа К ми е графички дуплирано заради мене - вели тој. 

Тој и сопругата работеле макотрпно. Цели 12 години работеле во 3 смени и не го затворале дуќанот, дури и за време на бомбардирањето тие работеле. Од мала продавница почнале и прераснале во маркет со 12.000 артикли. 

Потоа купивме стара куќа во центарот на Чачак и полека ја претворавме во нов дуќан, но и место за производство. Дојдовме на идеја на нашите презафатени клиенти да им понудиме исхрана на автохтон начин. Почнавме да отвораме работилници во кои подготвувавме храна како што тоа го правеле нашите стари за празници и слави. Без адитиви, без конзерванси, без хемија,  без лага и измама. Тоа луѓето го препознаа и почна да оди како алва - објаснува Стевановиќ. 

Потоа почнале да работат и во месарска работилница, правеле салати, топли предјадења. 

Секој ден правеле по 400 видови јадења. 

Околу 500 селски домаќинства за нив прават врвна храна. 

На Стевановиќ му успеа тоа што на други не им успеа во Србија, да направи фирма во која 3 генерација ја учи работата. 

Во Белград отвориле продавница - ресторан каде за 10 часа купуваат 1.000 купувачи. 

Во последните 5-6 години фирмата многу им напреднала, со вложен труд на неговите деца, сопругата и зетовците. 

Стевановиќ објаснува дека за бизнис не е пресуден капиталот, туку знаењето и волјата за работа. 

На другите им порачува ако имаат идеја, да не се откажуваат и никогаш не е доцна. 

Словенија спаѓа меѓу државите од Европската унија со најголем раст на трговијата на мало, покажуваат податоците на агенцијата на ЕУ за статистика Еуростат.

Обемот на трговија на мало се намалил во ноември на подрачјето на еврозоната во однос на октомври за 0,4 проценти, а во цела ЕУ за 0,1 проценти.

Според податоците на Еуростат, продажбата во однос на минатогодишниот ноември во државите на еврозоната зајакнала за 2,3 проценти, а во ЕУ за 3,4 проценти.

Словенија на месечно ниво забележала раст на продажбата на мало за 1,4 проценти, а годишниот раст изнесувал 11,3 проценти.

Меѓу членките на ЕУ Еуростат наведува дека најголемиот месечен пад на обемот на трговија на мало бил забележан во Германија, Австрија, Португалија и Данска, а најмал во Луксембург, Естонија, Романија, Словачка и Словенија.

На годишно ниво најголем раст на трговијата е забележан во Луксембург, Словенија и Романија, додека најголем пад на продражбата бил забележан во Белгија.