Најголемиот светски менаџер за управување со средствата на богатите, UBS Wealth Management, ги советува своите клиенти да му веруваат на еврото. 

Оттаму препорачуваат купување на еврото затоа што сметаат дека оваа валута е потценета во однос на доларот, како и поради забрзаната инфлација во евро зоната. Тие очекуваат дека еврото во наредните 6 месеци ќе зајакне за околу 7%, на 1,15 долари.

Еврото од почетокот на годината се зголеми за околу 2%  во однос на доларот, откако во последните три години, падна за повеќе од 20% во однос на доларот. Ова е поради полабавата монетарна политика на Европската централна банка и политичките кризи во регионот на еврозоната.

По Брегзит и референдумот во Италија, со потенцијано продолжена политичка нестабилност поради изборите на европската почва оваа година JPMorgan препоручуваат продажба на евра во корист на швајцарскиот франк како заштита од политички ризици, додека Goldman Sachs предвидува паритет на еврото во однос на доларот во наредните 12 месеци.

Во однос на паритетот на куповната моќ, соодветната цена на еврото е 1.25 долари, сметаат во „UBS Wealth Management”.

За еврото имаше одредени прогнози дека најмногу за 10 години ќе се укине. 

Владата на Словенија предложи износот на минималната плата во 2017 година да се зголеми на 630 од досегашните 604,35 евра.

Според усогласувањето на минималните плати со порастот на животните трошоци минатата година, тие би можеле да пораснат за само 0,5 отсто, но министерката за труд и социјална политика Ања Копач Мрак е подготвена да одобри поголемо зголемување, бидејќи минималните плати се причина за големото незадоволство меѓу синдикатите и работниците кои ги примаат.

Сведоци сме на брзите и чести промени на навиките на луѓето, особено кога станува збор за влијанието на технологијата и брзиот интернет врз луѓето. Во последно време често се прават разни истражувања и анализи за тоа како делуваат таквите текови врз одредени сегменти на секојдневниот живот.

Честопати овие анализи покажуваат резултати кои се доста по различни од нашата перцепција за реалноста, па затоа предизвикуваат дебата и размислувања. Понатака, секое поднебје ги има своите специфичности, и затоа нема универзални правила кои се секаде точни.

HR Тимот на KARIERA.mk ги следеше таквите анализи низ светот, и решивме дека најблиску до точните одговори ќе дојдеме доколку спроведеме една широка анкета во Македонија. Веруваме дека ваквите резултати ќе ни дадат насока за идни размислувања, а пред се ќе им помогне на нашите компании да увидат некои генерални почетни состојби.

Анкетата се спроведе на над 100.000 посетители кои го посетија сајтот grid.mk, од кои 2.734 одлучиле доброволно да одговорат на прашањата.

Од 2.734 добиени одговори, 36.8% одговориле Барам работа - невработен сум, додека 21.4 % искажале дека не бараат работа. Изненадувачки е најголемиот процент на одговори кои искажале дека Бараат подобра работа! – дури 41.8%. 

Високиот број на одговори на луѓе кои бараат подобра работа отвори доста дилеми за нас. Во која мера се тие незадоволни од својата сегашна работа? Имаат амбиции за поголеми достигнувања? Дали сите тие го даваат максимумот на сегашните позиции? Дали се доволно платени за тоа што го работат?

Секако ваквите одговори ќе треба да се третираат со дополнителни анализи за да се добијат по прецизни параметри за реалната ситуација.

Понатаму, сакавме да дознаеме повеќе за навиките на луѓето кои активно бараат работа. Нашиот заклучок е дека се повеќе луѓето се одлучуваат своето вработување да го побараат преку интернет. На прашањето: 

Дури 62% одговориле ДА! Меѓутоа, според нашата анализа, овој број би можело да биде уште повисок имајки предвид дека во Македонија достапноста на интернет е доста голема. 38% од испитаниците кои одговориле негативно може да се делумно скептични за таквиот начин на изнаоѓање работа или пак користат други начини кои сеуште се моќни.

KARIERA.mk ќе продолжи да спроведува слични кратки анкети, како и поопсежни анализи за кариерното развивање, и секако ќе бидат опфатени доста теми. 

Американската компанија App Annie која се бави со анализи во областа на мобилните апликации, објави податоци за маркетот на апликации за претходната година, во кој е видлив големиот раст во однос на 2015 година.

Мобилните апликации во текот на минатата година низ целиот свет и во сите продавници за апликации донеле вкупен приход од 89 милијарди американски долари. Од тоа, 35 милијарди одат на продажбата на апликации во службените продавници како App Store и Google Play, додека останатиот приход оди на огласување и останати извори на приходи. Тоа во принцип значи 40 отсто повеќе во однос на претходната година. Околу две третини од тој износ стигнал преку продавниците на Apple а една третина преку продавниците на Google.

Исто така, бројот на преземања на апликации во двете најголеми продавници на App Store и Google Play е во пораст. Во 2016 година се преземени вкупно 90 милијарди апликации, со годишен раст од 15 отсто. Во овој случај уделите се обратни, па така околу една третина од преземањата на апликации одат на App Store, а остатокот на Google Play продавницата.

Покрај тоа, се бележи и раст на вкупното време кое корисниците го поминале користејќи ги апликациите. Минатата година, корисниците од целиот свет со своите уреди потрошиле околу 900 милијарди часови што е околу 150 милијарди часови повеќе од претходната година.