Службеник во книговодство, шминкер, масер и негувател на стари лица, се занимања кои се бараат на пазарот на труд, а за кои ќе се се обучат 220 млади лица, кои од денеска може да се пријавуваат во Агенцијата за вработување.

Ова го соопшти денеска на прес-конференција директорот на Агенцијата за вработување Влатко Попоски, кој истакна дека целна група се невработени лица до 29 години со завршено средно или високо образование, регистрирани како невработени лица, активни баратели на работа во АВРМ.

Ги повикувам сите млади лица кои се невработени, а имаат потреба од дополнителна обука за да дојдат до работно место или да се самовработат да се пријават на овие обуки - рече Попоски.

Обуките се спроведуваат во рамки на проектот „Поддршка за вработување на млади“ кој е трет директен грант финансиран од ЕУ во износ од 205.333 евра. Мерката треба да се импелментира во рок од една година. Обуките ќе траат четири месеци и за времетраење на обуката учесниците ќе добиваат месечен надомест од 6.261 денар со вклучен персонален данок на доход и осигурување во случај на несреќа при работа и професионално заболување. Сертификатот што ќе го добијат ќе може да го користат, како во Македонија така и во странство.

Преку овој проект досега се обучени вкупно 2.256 лица од кои 41 процент се вработени. Најави дека ќе следат и дополнителни 10 обуки за занимања за кои ќе се покаже потреба од истражувањето на пазарот на трудот.

Главната цел на оваа мерка е подобрена перспектива за вработување на младите, согласно потребите на пазарот на трудот, а воедно и намалување на невработеноста кај младите. 

Кинескиот милијардер и сопственик на компанијата „Алибаба“, Џек Ма предупреди дека војната ќе почне тогаш кога ќе престане трговската размена.

Говорејќи во Мелбурн на отворањето на седиштето на „Алибаба“ за Австралија и Нов Зеланд, Ма рече дека сите се загрижени поради „трговските војни“.

Доколку престане трговијата, почнува војната - нагласи кинескиот милијардер.

Ма, кој минатиот месец се состана со американскиот претседател Доналд Трамп  вети дека неговата комапнија ќе помогне во создавање на милион работни места во САД.

За неколку месеци доколку сон ви беше да патувате во Доха, ќе може да го исполните.

Имено, од 17 јули ќе може да патувате директно од Скопје до Доха, бидејќи авиопревозникот Катар ервејз ги потврди редовните летови на релација Скопје – Доха – Скопје. 

Според најавите на надлежните цените би биле поволни.

Министерот Владо Мисајловски потенцира дека остануваат на истиот курс, со иста политика, а тоа е привлекување на нови авиокомпании што ќе понудат нови дестинации со пристапни цени на билетите

Од ТАВ Македонија најавија преговори и со германската нискобуџетна авиокомпанија Еуровингс за воведување на две нови линии од аеродромот „Александар Велики“ при што се можни нови линии на релациите Скопје – Минхен – Скопје и Скопје – Дизелдорф – Скопје.

Град Скопје воведe бесплатен јавен превоз во сите автобуси на ЈСП Скопје и кај приватните превозници за сите граѓани на територија на Скопје се до моментот на намалување на аерозагадувањето.

Превозот, како што соопшти скопскиот градоначалник Коце Трајановски, ќе биде бесплатен се додека аерозагадувањето не се намали до дозволеното ниво. 

Град Скопје заедно со општините ќе ја интензивира контролата на градилиштата и  ЈП „Комунална хигиена“ ќе продолжи со интензивно миење на градските улици и булевари.

Овие мерки и препораките кои ги донесе Трајановски се во согласност со Законот за намалување на амбиенталниот воздух и во рамки на ингеренциите што ги има како градоначалник на Град Скопје.

Трајановски  апелира до вработените во Град Скопје да доаѓаат на работа со автобус и службените возила да ги користи исклучиво градскиот инспекторат.

Доколку дозволат временските услови Град Скопје ќе продолжи да ги прска градските улици со средството калциум магнезиум ацетат. 

Град Скопје и јавните градски претпријатија ќе ги ослободат од работа лицата над 60-годишна возраст, лицата со хронични заболувања и бремените жени.  

Скопскиот градоначалник побара од Министерството за внатрешни работи да ги зајакне контролите за почитување на забраната за движење тешки товарни возила чија крајна дестинација не е Град Скопје и да се упатуваат да ја користат скопската обиколница, во согласност со поставената сообраќајна сигнализација.

Овие мерки и препораки ќе важат се до надминување на настанатата ситуација со загадувањето на воздухот, односно до намалување на загадувањето под прагот на алармирање - нагласи Трајановски.