Словенeчкиот парламент без ниту еден глас против ги усвоил измените во Законот за пензиско и инвалидско осигурување. Минималната пензија ќе биде 500 евра.

Според овие измени, пензионерите со полни услови за старосна пензија ќе имаат гарантирана пензија од 500 евра, пренесе агенцијата Хина.

Се наведува дека целта на законот е да осигура дека минималните целосни пензии ќе бидат барем толкави да сиромашните пензионери не треба да бараат од државата заштитен додаток.

Mинималната пензија од 500 евра би ја примале, според податоци на владата, околу 45 200 пензионери. Според податоците на пензиското осигурување, во почетокот на оваа година месечна пензија помала од 500 евра примале 98 200 пензионери, а сите тие со полн работен стаж и потребни години на живот отишле во пензија.

Законот вчера е прифатен едногласно без глас против, и покрај тоа што владиниот предлог опозиционите партии најпрво го оценуваа како популистички потег наменет за привлекување на избирачи, во последната година од мандатот на сегашната влада.

Прозорците не се менуваат често како мебелот или апаратите за домаќинство. Рокот на траење во просек е 30 години. Замената на прозорците отвора и други трошоци  како што се разрушување на ѕидовите, изнесување шут, опшивка на ѕидовите после монтажа, така што замената не е едноставна.

Главната улога на ПВЦ прозорот е да штеди енергија за затоплување и ладење. Uw= 1.0 W/m2K е бројка која означува коефициент на спроводливост на топлина и истата е најважна карактеристика што треба да се земе предвид кога се купуваат ПВЦ прозори. Профилот може да биде рамен, заоблен или полу заоблен, не е важно од кој  германски производител е, туку изведувачот на работата да биде од сериозна фирма со искуство во ПВЦ. Изведувачот е должен  да обезбеди многугодишна функционалност и писмена гаранција за прозорецот, а пресудно за негов избор треба да биде понудата со подобар однос изолација во однос на цена.

Добар избор на прозорци може да најдете во компанијата Проспера. Таму покрај стандардните бели ПВЦ прозори, имаат и добар избор на ПВЦ прозори со имитација на дрво или прозорци од масивно дрво кои ќе му дадат топлина на просторот.

Недоволно информираните се со мислење дека доколку се купи прозорец составен со познат Германски профил дека се загарантирани потребните својства: изолација, функционалност и гаранција. Често прозорот се именува по бренд на профилот кој е само еден од составните елементи на прозорот, на пример: Трокал, Комерлинг, Саламандер, Рехау, Века и слично. Профилот не е единствениот составен елемент што го дефинира прозорот, од голема важност се сите останати елементи:

Термопанот завзема поголема површина од профилот (околу 80% од прозорот отпаѓа на стаклото) и има најголем удел во изолацијата на целиот прозор. Стаклото задолжително треба да биде нискоемисионо или 4 сезони, пожелно е полнењето помеѓу стаклата да биде со аргон. Трослоен термопан има поголеми изолациски својства од двослоен термопан. Исто така поголем простор помеѓу стаклата има удел во изолациските својства на термопанот, трослоен термопан од 36 мм и трослоен термопан од 50мм немаат исти изолациски својства.

Во Проспера може да се најдат трослојни термопани со ширина 50мм, нискоемисиони и 4 сезони стакла, со исполна помеѓу стакла аргон, и топли дистанционери наместо ладни алуминиумски дистанционери. Ваков термопан има коефициент на спроводливост на топлина Ug=0.5 W/m2K (за споредба стандарден термопан 24мм со 2 флот стакла има коефициент на спроводливост на топлина Ug=2.7 W/m2K или 5 пати послаба изолација). Во Проспера сите нискоемисиони и 4 Сезони стакла се со меко покритие (нова генерација на нискоемисиони стакла кои имаат подобри изолациски својства за разлика од старите типови на нискоемисиони стакла со тврдо покритие).  Стаклата се произведени од Guardian, Американска компанија која е светски лидер во производство на специјални стакла, со свои фабрики во 25 држави на 5 континенти.

Железо во ПВЦ профил се става за да ја зголеми цврстината и стабилноста на ПВЦ профилот. Без железо внатре прозорот би се кривел и не би функционирал исправно. Во Проспера во секој прозор поголем од 50цм ставаме железо со дебелина од 1,2 до 2мм зависно од димензијата на прозорот.

Оковот има најголемо влијание во функционалноста и безедноста на прозорот. Во Проспера сите прозори се со оковот winkhaus  acivepilot, последна класа на оков од брендот winkhaus, произведен во Германија, кој овозможува висока класа на сигурност против провали RC2/WK2.

За да прозорот функционира беспрекорно сите елементите треба да се изберени правилно и прецизно склопени, поставениот оков да ја има потребната носивост, во профилот да се постави железо со дебелина според димензија на прозор. Прозорите од понудата на Проспера се склопени со докажани профили, окови и термопани.  Склопени се на најсовремени CNC машини со минимално учество на човечки фактор со што грешките се минимизирани. 

Монтажата мора да биде изведена стручно. Прозорите треба да се постават и нивелираат правилно, да се анкерисуваат по пропишани стандарди за да ја добиеме очекуваната функционалност, правилно и целосно пополнувањето околу прозорите со пур пена е важно за изолацијата, правилната опшивка околу прозорците има влијание во изолацијата и спречување на влага. Затоа е важно монтажата да ја прават лица со големо искуство во монтажа на ПВЦ столарија. Проспера има сопствени монтажери кои само во текот на 2016 година имаат монтирано над 10.000 м2 прозорци.

Во турбулентно време како во моментот, кога секојдневно се отвораат и затвораат фирми, а функционираат преку 500 фирми кои се бават со продажба и монтажа на ПВЦ прозори, од особена важност е на кого ќе ја дадеме довербата, и ќе бидеме сигурни дека и после многу години изведувачот ќе биде уште присутен на пазарот за да може да ни ја обезбеди гарацијата и да ни ги сервисира прозорите доколку има потреба. 

Сојузот на стопански комори денеска заедно со претставници од Програмата за зголемување на пазарната вработливост (ИМЕ) ќе ги презентираат можностите за полесен пристап до финансии за компаниите раководени од жени.

На настанот најавено е присуство на жени менаџерки кои со помош на оваа програма користат средства од различни извори на финансирање и ја унапредиле својата дејност.

Од ССК посочуваат дека искуствата укажуваат оти за поуспешно водење бизнис во македонските компании и за нивна поголема конкуретност потребна е поголема информираност и експертиза, но и пристап до финансии.

Швајцарската Народна Банка ја доби престижната награда „Банкнота на годината“ за 2016 година, што веќе дванаесет години по ред ја доделува International Bank Note Society. Во конкуренција беа 120 нови банкноти издадени во светот минатата година, а повеќе од половина беа доволно добри за да се квалификуваат за номинација. Меѓу нив беше и македонската банкнота од 2.000 денари, која котираше доста високо меѓу жирито.

Швајцарската банкнота од 50 франци во најтесна конкуренција ги победи Малдиви, Аргентина и Шкотска.

На победничката банкнота од Швајцарија има дизајни од ветер и глуварче, планина и параглајдер, а беше промовирана лани во април, како прва во новата серија на која има сегменти од природата наместо ликови од познати жени и мажи. Швајцарија подготвува и нова банкнота од 20 франци, која ќе ја пушти во оптек следниот месец.

Претходната, 2015 година, на изборот на „Банкнота на годината“ победи Нов Зеланд со банкнота од 5 долари. 

2 илјадарката ретко кој ја видел

Македонската 2.000-ка ја номинирал членот на ИБНС, Овен Линцмајер.  Носечки мотив на предната страна е претстава на македонска невестинска носија од Прилепско Поле. На истата страна, во централното лево поле е претставен приврзок во форма на афионова чашка којшто е откриен во Сува Река, Гевгелија и претставува артефакт датиран во VII век пр.н.е што му припаѓа на познатата група пајонско-македонски бронзи.

Што се однесува до задната страна на банкнотата, на неа е прикажана декорацијата на внатрешната страна на позлатен сад, којшто потекнува од XVI век и во чиешто централно поле се наоѓаат два афронтирани пауна покрај „изворот на животот” обиколени со раскошна флорална декорација.

Банкотата од 2.000 денари, заедно со таа од 200 денари беа пуштени во оптек на 15 декември минатата година.

ИБНС е формирана во 1961 година и е непрофитна организација која има за цел да го унапредува знаењето за валутите и хартиите од вредност во светот. Има повеќе од 2000 членови. Изборот на Банкнота на годината почна во 2005 година.

Наградите ги добива онаа банкнота што најдобро ги има компонирано уметноста и безбедноста во тој лист хартија.

Британците бараат повлекување на фунти бидејќи содржат животинска маст

Интересни информации се поврзани со новата банкнота од 5 фунти, за која на крајот на минатата година беше откриено дека содржи животинско масло.

Ова предизвика бес кај вегетаријанците поради користење на животински масти и Банката на Англија сега бара начин да ги смири критиките и да најде друго решение.

Се размислува како замена за животинска маст да користи масло од палма, но тогаш би имало реакции од еколозите дека ја уништува природата и се сечат шумите, како и дека се врши злоупотреба на детскиот труд.

За повлекување на банкнотата и запирање на нејзино производство досега на петицијата се потпишаа 130.000 луѓе. Банката на Англија се спротивстави и одби да ја повлече банкнотата, а дури и најави нова од 10 фунти во септември годинава. Но Централната банка сепак побара да се најдат алтернативни материјали за изработка.

Извор - Фактор