Засега не се предвидуваат никакви дополнителни превентивни мерки, освен оние што се актуелни и во сила – за болниците, јавниот превоз, аптеките и за домовите за стари лица. Конкретно за училиштата, засега нема, изјави за МИА д-р Злате Мехмедовиќ, портпарол на Комисијата за заразни болести.

За учениците од второ и од петто одделение има нови наставни програми според Концепцијата за основно образование која од лани се спроведува етапно.

За овие ученици, како и за тие од прво и четврто, учебниците ќе доцнат поради измената на наставните програми кои се во различни фази на одобрување.

Министерството за образование наука соопшти дека за да се задржи континуитетот, заедно со Бирото за развој на образованието има подготвено соодветни наставни материјали за овие ученици од кои ќе учат на почетокот на учебната година.За останатите одделенија, за кои важат старите наставни програми, како и за средното образование, учебниците ќе бидат навреме доставени. Учебниците од четврто и погорните одделенија освен во печатен, ќе бидат достапни и во дигитален формат на порталот e-ucebnici.mon.gov.mk.

Турскиот милијардер Фарук Фатих Озер, кој се бараше со меѓународна потерница за измама со криптовалути, денеска е уапсен од албанската полиција. Според изворите на А2 Си-Ен-Ен, тој избегал од Турција измамувајќи десетици илјади Турци, кои своите пари ги вложиле во турската виртуелна валута „Тодекс“.

Компанијата преку која работеше Озер прогласи банкрот, а во меѓувреме тој е фатен од полицијата во градот Елбасан. Фарук Фатих Озер на 20 април побегна од Турција со 108 милиони долари и се сомнева дека одреден период престојувал и во Албанија. 

По него беше распишана потерница од турските власти, откако беше обвинет за измама вредна 2 милијарди долари со виртуелни криптовалути.

Пак пропадна камион во фонтаната на Плоштадот Макадонија во Скопје. Од утрово, на Плоштадот се поставува бина и шатори за фестивалот на пивото „Пиволенд“ кој го организира Град Скопје. Еден од камионите кој носеше опрема пропадна и фонтаната сега повторно е искршена и оштетена, пренесува „СДК“.

Пропаднатиот камион не успеа да го крене ни пајакот кој дојде да го извлече.

Ова е трет пат да пропаѓа камион на Плоштад. Во 2017 пропадна камион додека се подготвуваше пречек на ракометарите на Вардар по освоената шампионска титула. 

Фото: СДК

На 21.5.2022 за прв пат се одржа долгоочекуваниот TEDx настан во Македонската Филхармонија во Скопје. TEDx е меѓународна американска платформа која здружува луѓе од регионот кои имаат желба да бидат мотивирани и да добијат многу нови идеи во еден ден во Македонската Филхармонија, во Скопје на 21.5.2022. KARIERA.mk ја имаше честа да донесе одлични говорници од META, Google, Al Jazeera, European commission, UNDP, Global Woman Magazine и регионални ѕвезди кои ќе мотивираат и инспирираат преку нивните говори на најразлични теми!

Во ова видео јавен говор одржува Enzo Maria Le Fevre кој е професор на еден од врвните италијански универзитети. Тој зборува за повеќекратните ризици и предизвици што треба да се решат при користењето на вештачката интелигенција, од друга страна, тој нагласува дека тоа е одлична можност да се хуманизираат работните места, да се подобри одржливиот развој и да се оптимизираат правата на луѓето. Професорот Enzo Maria Le Fevre отсекогаш негувал две страсти: иновации и меѓународни односи. Неговата разновидност го натера да работи во многу различни сектори, од дипломатија до вештачка интелигенција, Тој е проект-менаџер во Европската комисија, но и член на Одборот на Фондацијата Адријано Оливети и помошен професор на Универзитетот LUISS Guido Carli.