Една тиктокерка станала вистински хит на социјалните мрежи откако го прикажала својот работен ден додека доставува за Амазон Флекс. Луѓето се враќаат на стариот начин на купување, а со тоа онлајн продажбата опаѓа. Поради тоа, доставувачите на Амазон останале без пакети за испорака.

Тиктокерката Дунам – Нелсон вели дека заработува 28 долари на час преку Амазон Флекс, програма која им овозможува на работниците да ги користат своите превозни средства за испорака.

Добра вест е што ќе земете плата. Сега можете слободно да си одите, изјавила Нелсон.

Во коментарите на нејзиното видео многумина напишале дека сакаат да заработуваат пари без да работат речиси ништо. Други ги споделиле своите искуства со програмата.

Дунам – Нелсон во делот наменет за коментари напишала „Убер за пакети“, а многумина покажале љубомора поради нејзината способност да работи за програмата, бидејќи биле на листата на чекање на Амазон „со години“.

Според Амазон, Флекс е достапен во преку 50 американски градови со „ограничени места“ за возачи во секој од нив.

Новиот сопственик на Твитер, Илон Маск соопшти дека профилот на поранешниот американски претседател Доналд Трамп е вратен, бидејќи корисниците на социјалната платформа го поддржаа потегот преку анкетата што ја иницираше.

Народот кажа, напиша Маск на Твитер, информирајќи дека 51,8 отсто од над 15 милиони корисници на Твитер гласале за враќање на профилот.

Поранешниот американски претседател, сепак, можеби нема да се врати на платформата бидејќи рече дека „не гледа причина за тоа“.

Неговиот профил беше суспендиран во 2021 година поради ризик од поттикнување насилство.

Претходниот менаџмент на Твитер го избриша профилот на Трамп неколку дена по нападот врз американскиот Капитол во Вашингтон на 6 јануари, додека Конгресот се обидуваше да ја потврди победата на Џозеф Бајден на претседателските избори.

Во немирите што се случија за време на рацијата во просториите загинаа четворица цивили и еден полицаец.

После тоа, беа суспендирани профилите на Доналд Трамп на Фејсбук, Инстаграм и Јутјуб, кои имаа десетици милиони следбеници.

Неколку месеци подоцна, Трамп л ансираше сопствена платформа Truth Social.

Намалување од најмалку 10 отсто на цените на основните прехранбени производи, најави денеска премиерот Димитар Ковачевски кој е во работна посета на охридско-струшкиот регион.

Како што рече Ковачевски по посетата на фабриките „Подгорка” во Струга и „Органска буковка ДОО” во Охрид, со последните владини мерки се овозможува многу поевтина струја и за компаниите од прехранбената индустрија.

Со последните мерки обезбедуваме многукратно поевтина струја за компаниите од прехранбената индустрија. Очекувам намалување на цените на основните прехрабнеи производи најмалку 10 отсто. Поевитнувањето кај некои производи почна, тоа ќе следува и кај другите, истакна Ковачевски.

Премиерот повтори дека со антикризните мерки не е изоставен никој.

Ќе го чуваме стандардот, но ќе ги зачуваме и компаниите ликвидни, порача Ковачевски.

Илон Маск има ново барање. 

Тој вчера објави анкета на Twitter во која ги праша корисниците дали сакаат да го видат екс американскиот претседател Доналд Трамп вратен на Twitter. Неговиот Twitter профил е трајно суспендиран на почетокот на 2021 година по, како што ги нарече компанијата обиди за поттикнување насилство за време на немирите на Капитол Хил.

Прелиминарните резултати покажуваат дека 53 отсто од корисниците на Твитер би сакале да го видат Трамп незабранет, а 46 отсто против. На анкетата која се очекува да трае до недела досега гласале повеќе од 7 милиони луѓе.

Во мај, пред да го купи Twitter, Маск ја осуди забраната на Трамп како „глупава“. 

Инаку, актуелно во оваа компанија е тоа што многу луѓе си заминаа, си дадоа отказ. 

Еден работник ги сними последните минути на своето работно место и неговото видео стана вирално.