KARIERA.mk најавува HR работилница на 19.5.2023 со Stefanie Wittenbecher, Head of Learning & Development во DHL, Germany.

Најдобрите HR практики директно од една од најмоќните компании во светот во Скопје!

Настан кој ќе опфати интересни теми за тоа како да се изгради победнички тим и идеи и начини за задржување на луѓето кои се потребни во секоја компанија!

Marriott Hotel, Скопје / 19.05.2023

Купете карти на https://kariera.mk/events, а за повеќе информации или групни карти контактирајте не на 077 888 722  или пак на [email protected]

Јавното претпријатие за државни патишта објави оглас за привремено вработување на работници за проектот за изградба на четирите автопати на изведувачот Бехтел и Енка на Коридорот 8 и 10д. Вработувањата ќе траат до завршувањето на проектот, како што пишува во огласот, до 22 јануари 2028.

Овие кандидати ќе ги вработува Јавното претпријатие за државни патишта, според нивниот правилник за систематизација, а интересно е тоа што, наспроти упорноста на власта за законски измени со кои ќе може конзорциумот да ангажира работници за 60 часа неделно, овие вработени ќе работат само 40 часа неделно.

Линк до огласот ТУКА

Сите заинтересирани за работа во Германија, како и оние кои веќе работат таму, во својот живот ќе дојдат до прашањето за пензиите во Германија. Според тамошните закони, можеш да се пензионираш на возраст од најмалку 61 година, со тоа што во тој случај се смета дека си се пензионирал предвреме и дека си уплатил пензиско осигурување минимум 5 години. Старосната граница за редовната пензија се поместува и во Германија, како и кај нас, а за неколку години треба да порасне на 67 години.

Висината на бенефициите за старост во Германија најмногу зависи од вашата плата. Секоја година ви се доделуваат поени, т.н Ентгелдпанк. Ако вашиот годишен приход е еднаков на германскиот просек за таа година, добивате 1 поен, а ако е поголем, логично, добивате повеќе поени.

Во Германија постои и фактор на „одбивка“ на пензија (Zugangsfaktor). За секој месец кога ќе се пензионирате предвреме, се одбиваат 0,3 проценти, но ако се пензионирате навреме, нема да имате одбитоци. Треба да се обрне внимание и на Rentenartfaktor, кој го претставува „типот“ на пензија. За старосна пензија Rentenartfaktor е 1,0, а за вдовици или вдовици е 0,55.

Aktueller Rentenwert е моменталната вредност на 1 Entgeldpunkt. Моментално е 36,02 евра во Западна Германија и 35,52 евра во Источна Германија.

Како да пресметате?

За да ја пресметате вашата идна пензија , треба да знаете колку Entgeldpunkt имате (можете сами да ја пресметате), кога планирате да се пензионирате (за секој месец пред вашиот 67-ми роденден одземете 0,3%) и која е вредноста на вашиот Entgeldpunkt (во зависност од без разлика дали живеете во западниот или источниот регион).

Формулата изгледа вака: Пензија = Износ на Entgeldpunkt x Zugangsfaktor x Rentenartfaktor x aktueller Rentenwert.

На пример, ако работите 30 години во Германија и се пензионирате на 68 години, во текот на работниот век сте собрале 34,12 Entgeldpunkt, а секој бод вреди 36,02 евра, тогаш вашата пензија ќе биде околу 1.229 евра.

Пензија за мајки (Mutterrente)

Пред 9 години, во Германија беше воведен закон кој на мајките им дава Entgeldpunkte додека ги воспитуваат децата. Така, мајките кои родиле деца пред 1992 година имаат право на 2 бода, а оние кои родиле по 1992 година имаат право на три, а пресметката на овие бодови е автоматска.

Која е просечната пензија во Германија?

Просечната пензија во Германија е 45 отсто од просечната бруто плата, а годинава е околу 1.600 евра.

Меѓутоа, во пракса е малку поинаку. Колку е тешко да се достигне просечната пензија се разликува меѓу мажите и жените, а колку е меѓу професиите, прочитајте овде .

Бидејќи се свесни дека нивната пензија нема да биде доволна за одржување на стандардите кои ги имале додека работеле, повеќето Германци се грижат за дополнителни приходи во староста. Значи, во просек старосната пензија сочинува 63% од приходот кога ќе се пензионирате.

Предвремено пензионирање во Германија

Ако сакате да се пензионирате предвреме во Германија, можете да го направите тоа со доброволно плаќање во вашиот пензиски фонд. Ова е овозможено со закон за сите кои имаат над 50 години, а износите што треба да се платат зависат од вас.

Сојузот на синдикатите на Македонија (ССМ) упати отворено писмо до пратениците за 60 часа прекувремена работа и недела неработен ден. 

Велат дека тие не биле консултирани ниту при носењето на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8. Потсетуваат дека лани ССМ заедно со Синдикатот за градежништво - СГИП покренаа иницијатива во врска со одредбата за работно време од 60 часа неделно за изградбата на Коридорот 8 , одредба која како неуставна и незаконита е укината од Уставниот суд,  односно се укина член 12 од Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8. 

Со оглед на фактот што Одлуките на Уставниот суд не се коментираат, како што е случајот со Одлуката на Уставниот суд со која се укинуваат член 4 од Законот за изменување и дополнување на Законот за плата и други надоместоци на избрани и именувани лица во Република Македонија, а пратениците се најповикани да ги почитуваат, крајно некоректно кон работниците е одредена група на пратеници знаејќи за Одлуките на Уставниот суд, со цел да се изигра ставот на Уставниот суд, предлага уредување на ваква одредба во Законот за работните односи, не водејќи сметка за Уставот, законите, колективните договори, одлуките на Уставниот суд, меѓународните трудови стандарди, конвенцијата за работното време, европските директиви и други меѓународни документи и директно го погазува пристојното работно време и пристојната работа како една од најголемите цивилизациски придобивки. Истовремено, ја користиме приликата да Ве потсетиме дека Уставниот суд не повел постапка за оценување на уставноста на Законот за изменување и дополнување на Законот за работните односи по однос на иницијативата на Стопанската комора на Северна Македонија и констатирал дека со Законот за работните односи, се пропишува поволно законско решение од битно влијание врз материјалната и социјалната положба во остварувањето на правата на работниците, како во однос на остварувањето на неработен ден во неделата и примање на надоместок на плата за работа во недела и на празници, со што се заштитуваат и промовираат правата и интересите на работниците, како од аспект на одмор во неработен ден, така и за надоместок на плата за работа во недела и празници, па сакајќи да се удоволи на еден работодавач за бизнис интереси наспроти животот и здравјето на работниците за синдикатите  нелогично, нечовечно и крајно непринципиелно и спротивно на интересите на работниците, наспроти барањата на странските работодавачи и конзорциум, додаваат од ССМ. 

Потсетуваат дека 1 мај се одбележува токму во знак на почит кон жртвите на штрајкот што се одржал од 1 до 4 мај 1886 година во Чикаго кој е организиран со цел воведување на осумчасовен работен ден, па со предлогот на Законот за изменување и дополнување на Законот за работните односи по скратена постапка, мала група на пратеници прави обид фундаменталното право на пристојно работно време и пристојна работа кое е изборено во 1886 година да го погази и Македонија и македонските работници да ги врати 137 години назад. 

Истовремено, ја користиме приликата да Ви укажеме дека работниците кои воедно се и Вашите гласачи, не Ви дале мандат и не ве избрале за народни пратеници за да се ставате во сервилна улога и да удоволувате на странски конзорцииуми и бизнис интереси на штета на животите и здравјето на работниците од чија пот ја земате пратеничката плата сега зголемена за 78 отсто, туку да се ставите во заштита на работниците и граѓаните и да не дозволите ничиј друг интерес пред нивното здравје, живот и егзистенција, зошто без работници, нема гласачи, а без гласачи нема ниту пратеници! Во името на солидарноста и човечноста, бараме од Вас веднаш да го отфрлите ваквиот нечовечки предлог поради тоа што работниците немаат резервен живот, немаат резервна татковина, ниту имаат уставна можност да се откажат од правото на дневен, неделен и годишен одмор поради тоа што ова е темелно уставно право кое работниците мораат да го уживаат, додаваат од ССМ. 

Од ССМ велат дека не смеат да дозволат некој да си игра со животот и здравјето на работниците, па од тука и ССМ и Синдикатот за градежништво – СГИП ќе ги искористат сите механизми кои им се на располагање за зачувување на овој столб на работничките права, а тоа е пристојното работно време да важи за македонските работниците исто како што важи за европските работници.  Велат дека не се работи само за работниците, туку за државата во целост се работи.