Со растот на просечната плата во Македонија, автоматски порасна и минималниот износ за К-15, кој, оваа година ќе изнесува 13.672 денари.

Оваа бројка се добива кога ќе се земат предвид последните просечни месечни плати што ги објавил Државниот завод за статистика и кога од нив ќе се пресмета правото на регрес за годишен одмор во висина од најмалку 40 проценти.

Крајниот рок за исплата на регресот е 31 декември, а компаниите ќе добијат зелено светло за исплата уште на 1 јули годинава. Единствениот услов за работникот да добие К-15 е да биде најмалку 6 месеци вработен во фирмата и секако, да биде уредно пријавен на определено или на неопределено работно време.

Цените на угостителските услуги во мај годинава, во споредба со април, се зголемени за 1.2 %. Во однос на мај лани, пак, растот на цените е 13,4 %. Кумулативно, во периодот јануари − мај 2023, во споредба со истиот период од минатата година, цените на угостителските услуги се покаќени за 13.5 %, соопшти Државниот завод за статистика.

Споредено по групи на услуги, во мај во однос на април зголемување е забележано во групите Храна за 0.7 %, Алкохолни пијалаци за 0.1 %, Безалкохолни пијалаци за 0.9 % и Ноќевања за 3.7 %.

Министерот за внатрешни работи Оливер Спасовски извести дека денеска се исплаќа бонус плата за вработени во МВР коишто оствариле над 150 часа прекувремена работа на годишно ниво за 2022 година.

Откако го преземав раководењето со МВР, како приоритет се воспостави редовната исплата на бонус плати за над 150 изработени часови прекувремена работа на годишно ниво, како гарантирано право на вработените во МВР согласно Колективниот договор. Така, во периодот од 2017 до 2022 исплатени се бонус платите за 2017 и 2018, за коишто не беа обезбедени и исплатени средства од претходното раководство на МВР, а продолживме и со редовна исплата на бонус платите за 2019, 2020 и 2021 година, за што вкупно беа обезбедени и издвоени 561.773.133 денари или 9.060.857 евра, средства од Буџетот на МВР предвидени за остварување на ова право на вработените, вели Спасовски.Според него, благодарение на спроведените одговорни економски политики и како резултат на домаќинското работење, беше зголемена просечната плата, а со тоа растеше и поединечниот износ на бонус платите во МВР.

Колку за илустрација, ако бонус платата во 2017 година поединечно изнесуваше 22.928 денари, во 2023 година можеме да се пофалиме со бонус плата за 2022 година во поединечен износ од 31.859 денари, што претставува зголемување на износот од безмалку 40 отсто, истакна Спасовски, додавајќи дека за актуелното раководство на МВР императив е подобрувањето на статусот на вработените во МВР.

Зборувањето со колегите на работа е важно за инспирација на тимската работа и создавање здрава работна средина. Да можете да им дадете поддршка на другите на работа е еден од начините да изградите односи со вашите колеги и да бидете вреден член на тимот. Во оваа статија, ја објаснуваме важноста од помагањето и поддршката на колегите на работа, како можете да обезбедите поддршка и клучните придобивки од тоа.

Во продолжение неколку причини зошто е потребно да имате добра соработка со вашите колеги и кои се бенефитите од истите:

• Зајакнување на самодовербата

Дали некогаш сте пофалиле некој колега или вам ви го разубавиле денот? Можеби некој клиент ви дал пофалба дека правите добра работа? Најмалиот коментар може да има огромно влијание врз вашата самодоверба, но да не заборавите да им го дадете на другите истото зголемување на самодовербата.

• Подобра комуникација

Ако сте поддржувачи и пријателски настроени, луѓето природно ќе се чувствуваат повеќе склони да споделат работи со вас. Да се ​​биде пристапна личност има свои придобивки: луѓето имаат поголема веројатност да се чувствуваат поудобно околу вас, да бидат искрени со вас и да зборуваат кога имаат прашање - три аспекти кои можат многу да придонесат за зголемување на продуктивноста.

• Тимски дух

Поддршката несомнено создава подобра работна атмосфера. Тоа помага да се создаде чувство на заедница и тимски дух, што функционира како потсетник дека сите се стремат кон една единствена цел. Ова е концепт што може да се изгуби со текот на времето кога луѓето се фокусираат исклучиво на сопствените оптоварувања.

• Што давате тоа добивате

Нудењето на вашата поддршка, помош и експертиза не останува незабележано и ги тера луѓето да сакаат да ви го понудат истото за возврат. 

Секако постојат повеќе бенефити доколку соработувате и им помагате на вашите колеги во секојдневните обврски на работното место, сепак зависи од вас како ќе ги распределите своите обврски, сепак недолично е доколку секојдневно им ги префрлате вашите обврски и потребно е да ја задржите колегијалноста на највисоко ниво.