Цените на становите во Скопје во вториот квартал годинава бележат раст од 1,6 проценти на квартално, а од 12,9 проценти на годишно ниво, соопштија од Народната банка.

Во првиот квартал годинава цените на становите забалежале раст од 18,8 проценти на годишно ниво, а од 1,3 отсто на квартално ниво.

Во првиот квартал лани недвижностите поскапеле за 12,4 отсто на годишно ниво, по што следел раст, од 16,6 отсто во вториот квартал, од 21,2 отсто во третиот и од 20,6 проценти во четвртиот квартал.

Народната банка го подготвува индексот на цените на становите за територијата на Скопје, врз основа на податоци кои се однесуваат на огласите за продажба објавени од агенциите коишто се занимаваат со промет со недвижности.

Дискриминацијата на работното место се случува кога некое лице или група луѓе се третираат неправедно или нееднакво поради специфични карактеристики. Овие заштитени карактеристики вклучуваат раса, етничка припадност, родов идентитет, возраст, попреченост, сексуална ориентација, религиозни убедувања или национално потекло. Дискриминација на работното место може да се случи помеѓу соработниците, со кандидатите за работа или меѓу вработените и нивните работодавци. Без разлика дали намерно или случајно, дискриминацијата, без разлика на намерата, е незаконска.

Како да се справите со мобинг на работно место?

• Водете евиденција
• Не влегувајте и вие во улога на насилник, но спротивставете се кога тоа е потребно
• Консултирајте ги надредените или професионалците за оваа проблематика

Дискриминацијата, стереотипите и пристрасноста не се прашања што исчезнуваат наскоро. Тие се истрајни, но не и несовладливи. Малтретирањето од било кој вид не смее да биде застапено никаде, па ни на работното место. Тоа е јасно и не треба да се дискутира. Вработените имаат одговорност да создадат здрава и безбедна средина за сите вработени. Деструктивното однесување може да се намали преку негување на фер и љубезна комуникација, како и преку тренинзи и работилници за здрава работна атмосфера и позитивна комуникација на работното место.

Мобилните телефони, таблетите и паметните часовници ќе бидат во голема мера забранети во училниците во Холандија од 1 јануари 2024 година, објави денеска холандската Влада, која настојува да го ограничи се она што им го одвлекува вниманието на учениците за време на наставата.

Уредите ќе бидат дозволени само доколку се неопходни, на пример за време на час по дигитални вештини, од медицински причини или во случај на лица со инвалидитет, објави Ројтерс.

Иако мобилните телефони се сеприсутни во нашите животи, тие не припаѓаат во училниците. На учениците мора да им се овозможи целосна концентрација за време на часовите и треба да им се даде можност да стекнат квалитетно знаење. Научните истражувања покажаа дека мобилните телефони го одвлекуваат вниманието во училниците и мораме да ги заштитиме од тоа, изјави министерот за образование Роберт Дијкграф.

Забраната е резултат на договор меѓу Министерството, училиштата и сродните организации. Училиштата ќе можат да ја спроведат забраната на начин што најмногу им одговара, рече Дијкграф, додавајќи дека ќе следат законски правила доколку мерката не ги добие очекуваните резултати до летото 2024 година.

Денеска не се знае дали е потешко да се најде работник или да се задржи. Огласот на кој порано одговараа 30 луѓе, денес не се јавува ниту еден, се потешко е да се „задоволат“ работниците, а работодавците велат дека клучни се платата, независноста во работата и напредувањето. Колкава треба да му биде платата на работникот за да не помисли да ја напушти фирмата и да се мирни и тој и работодавачот?

Многу поволности, како платена рекреација, грижа за семејството на компанијата, плаќање на разни осигурувања, се значајни, но суштината е сепак во заработката, неофицијално тврдат многу приватни лица, кои официјално би раскажале поинаква приказна. Оценката е дека зголемување на платата од најмалку 200 до 300 евра е граница за оние просечни плати кои, како што ни велат, се „во ред“.

Дека слоганот „ако не сакаш да работиш има што ќе има“ дефинитивно веќе не важи кај нас, веќе потврдија домашните работодавачи кои „кубураат“ наоѓајќи работници.

Дај му уште 300 евра, и тој нема да си оди- ова е само еден од коментарите на производствените работници на оваа тема.

На работниците денеска им е многу важно во какви услови работат и  можноста за напредување во компанијата станала многу важна. Во таква ситуација, експертите велат, се подготвени да „почнат“ и од послабо платено место доколку знаат дека наскоро ќе напредуваат и ќе земат поголема плата. Но, имајќи ги предвид цените и трошоците за живот, во овој случај пресудно би било зголемувањето за околу 10.000 динари.

-Денес ако ги погледнеме цените, гледаме дека се поскапело, па затоа е многу тешко да се живее со плата од 20.000. Човек со таков приход сигурно мора да работи барем уште една работа, особено ако има повеќе членови. Во тие околности и до 5.000 денари не би имале големо значење, но 10.000  би биле адекватна сума за задржување на работникот - велат експертите.

Тие објаснуваат дека и таа сума не е доволна за „пристоен“ живот, особено ако од неа се плаќаат киријата и сметките и дека некоја минимална сума што би го задржала работникот би била од 40.000 до 50.000 денари.

Кога станува збор за повисоко платени позиции, 45.000 и 70.000 денари, нашиот соговорник вели дека важат различни правила, во зависност од тоа колку се личните трошоци на работникот, со колку членови живее и какви се неговите планови. И тука вели дека неколку илјади денари не би влијаеле на одлуката за останување во компанијата, но би имале значење над 10.000 и уште повеќе.

Денешната плата е најважната ставка за секој вработен и одлучувачки фактор за останување во компанијата. Но тоа е случај само кога е задоволен во оваа работа, секоја друга поволност што ја нуди работодавачот ја намалува шансата работникот да сака да го напушти.

Добрата плата е она што ќе го задржи работникот денес. Ниту една корист не може да го замени тоа. Само кога ќе му обезбедиш приход од кој е задоволен, тогаш можеш да му дадеш тим билдинг, и уште неколку дена одмор, или подоцна да дојде на работа, а тоа само ќе му даде дополнителен ентузијазам за работа и нема да има причина за заминување - вели соговорникот.