Секој потрошувач од среда ќе има можност во супермаркет да купува по означена цена која нема да може да се зголемува воопшто, а утре на седница на Влада ќе бидат избрани производите односно 25 категории на производи кои ќе бидат намалени за 10% во однос на цената која ја имале на 1 август.

Утре на седницата на Владата ќе биде доставена листата на цени, а од среда ќе почнат засилени контроли на ДПИ каде што ќе бидат вклучени и членови од Владата. Би сакал да ги повикам сите чинители во нашата држава, производителите и трговците, чии производи не се на листата, да се јават во министерството за да се прошири опсегот на поевтинети производи. Денеска ќе имам состанок и со производителите на пијалоци и со дистрибутерите, со цел следната одлука да бидат вклучени и тие во одлуката за намалување на цените до 30 ноември – рече Бектеши.

Бектеши откри дека ќе се намали цената на одреден производ без разлика кој го произведува, увезува или дистрибуира, а не само на одреден вид на производ.

Ако се намалува цена на шпагети, ќе се намалат сите видови на шпагети, не само од еден производител. Се работи за 25 категории на основни производи, а според бројот и видов на производи, се работи за повеќе од 50 – додаде тој.

На листата се речиси сите прехранбени производи од пекарската, месната и млечната индустрија, а таа е преземен од Државниот завод за статистика и нивната методологија според тоа кои производи се трошат најмногу во нашата земја.

Турскиот претседател Реџеп Таип Ердоган го покани извршниот директор на Tesla, Илон Маск, да изгради фабрика за Tesla во Турција, објави Anadolu Agency на Твитер.

Ердоган му го дал предлогот на Маск за време на состанокот во Турската куќа, облакодер во близина на Обединетите нации во Њујорк, објави синоќа турската државна новинска агенција. Турскиот претседател е во САД за да присуствува на 78-та сесија на Генералното собрание на Обединетите нации.

Маск денеска во Калифорнија треба да се сретне и со израелскиот премиер Бенјамин Нетанјаху, а како што реќе, нивните разговори ќе се фокусираат на технологијата за вештачка интелигенција.

Маск ја најави осмата фабрика

Во август, Тесла изрази интерес за изградба на фабрика во Индија за производство на евтини електрични возила.

Тесла има шест фабрики и ја гради седмата во Мексико, во северната држава Нуево Леон, како дел од напорите на производителот на електрични автомобили да го прошири своето глобално присуство. Маск во мај изјави дека производителот на автомобили најверојатно ќе избере локација за новата фабрика до крајот на оваа година.

ФОТО: YouTube Print Screen/AA

Во рамки на Европската недела на мобилност која традиционално се одбележува во текот на месец септември, Општина Аеродром објави јавен повик за надоместување на дел од трошоците за набавка на нови велосипеди и електрични тротинети.

И оваа година, општината ќе покрива средства во износ од 50% од вредноста на велосипедот, но не повеќе од 3.000 денари, како и 30% од вредноста на електричниот тротинет, но не повеќе од 5.000 денари по лице.

Повеќе информации за јавниот повик и барањето кое треба да се пополни при аплицирање, може да се прочитаат на следниот линк: http://bit.ly/3NpZeeu.

Доделувањето на субвенциите ќе биде според принципот „прв дојден - прв услужен“, a можат да аплицираат жителите на Општина Аеродром што купиле велосипед во 2023 година, заклучно со 17 Октомври, односно денот кога истекува јавниот повик.

Чиста, зелена и европска општина со многу велосипеди и тротинети, како алтернативен начин за транспорт. На овој начин, Општина Аеродром промовира мобилност и поттикнува здрав живот, велат од општина Аеродром. 

Патарините на германските автопатишта од 1 декември 2023 година ќе се зголемат и до 40% за постарите камиони, поточно за оние со мотори со емисии со Еуро 5 и пониски. Според најновото известување на Toll Collect, за новите возила патарините ќе бидат пониски, на пример ќе има зголемување од 3,8% на патарината за камион со еуро 6 од 18 тони, додека пак, операторите на камиони од класата еуро 5 ќе се соочат со просечно зголемување од 27,5% на патарината. Во цената на патарината се вклучува ЦО2 класата на издувните гасови на возилото, како и неговата вкупна маса (масата на возилото заедно со впишаната носивост).

Патарините на германските автопатишта од 1 декември 2023 година ќе се зголемат и до 40 проценти за постарите камиони, поточно за оние со мотори со емисии со еуро 5 и пониски. Според најновото известување на Toll Collect, за новите возила патарините ќе бидат пониски, на пример ќе има зголемување од 3,8% на патарината за камион со еуро 6 од 18 тони, додека пак, операторите на камиони од класата еуро 5 ќе се соочат со просечно зголемување од 27,5% на патарината.

Најавеното покачување на патарините во Германија е поради промена на пресметката на надоместокот за користење на патната инфраструктура, имено во цената на патарината се вклучува ЦО2 класата на издувните гасови на возилото, како и неговата вкупна маса (масата на возилото заедно со впишаната носивост).

Поради промената на системот на пресметка на патарината Toll Collect испрати информативен допис до своите корисници, со што дава можност за проверка на евидентираните податоци и нивна можна корекција ако се утврди неточност во евидентираните податоци во нивниот Kunden-Portal/сервис за членки/и секој поединечно да изврши проверка на запишаниот еуро стандард на своите возила – објаснуваат од Макам-транс, Асоцијација на здруженија на работодавачите на превозните трговски друштва на Република Македонија.

Од Toll Collect наведуваат дека од 01.12.2023 година признавањето на повисок еуро стандард на возилото со дополнително вграден филтер на партикули, за плаќање на патарина (пример од возило со Еуро 3 стандард според сертификат за сообразност од производителот бил одреден за возило со Еуро стандард 4), нема повеќе да се третираат како возила со повисок еуростандард туку ќе бидат третирани и сместени во класата на ЦО2 издувни гасови која возилата ја имале кога биле произведени.

Возилата кои имаат плински погон од 01.01.2024 година подлежат исто така на плаќање на патарина, а возилата на електро и хибриден погон во системот за наплата на патарина влегуваат од крајот на 2025 година. Започнувајќи од 1.7.2024 година, границата за плаќање на патарина за возила со носивост од 7 тони и повеќе се заменува со обврска за плаќање на патарина со носивост од 3,5 тони и повеќе и возилата со алтернативен погон, различен од горенаведените и вкупна маса до 4,25 тони се ослободени од плаќање на патарина.

Toll Collect во овој преоден период изработува табеларно распоредување на возилата според ЦО2 класата на издувни гасови (еуро стандард) како и вкупната маса на возилата се со цел патарината која ќе треба да се плати да биде точно пресметана. На линкот https://www.tollcollect.de/hr/toll_collect/rund_um_die_maut/erweiterung_lkw_maut/p1745_co2.html има видео упатства за начинот за поднесување на барање или корекција на грешните податоци.

Проверките, промената или дополнувањата до средината на ноември е обврска на секој евидентиран член во Toll Collect, при што ако се утврди грешка во внесените податоци треба да се поднесе барање со прилог на докази (сообраќајна книшка, CoC документ, сертификат за сообразност заверен од производител или од него овластено лице и др.) за да може да се направи корекција на запишаните податоци за конкретен превозник – потсетуваат од „Макам-транс“.   

Во Германија во моментов за повеќето моторни возила не се плаќа патарина, освен за камиони со бруто тежина од повеќе од 7,5 тони. Од Toll Collect информираат дека патарината ќе се плаќа преку електронска вињета и возачите ќе можат да ја купат онлајн, преку мобилна апликација или во близина на германската граница. Има вињета за десет дена, два месеци и една година. Десетдневните цртани ќе чинат од 2,50 до 25 евра, а двомесечните од 7 до 50 евра. Годишна вињета ќе чини до 130 евра. Возачите на дизел возилата дополнително ќе плаќаат за вињетата, а на цената ќе влијаат и обемот и класата на емисија. Мотоциклите, електричните возила, ЦНГ и ЛПГ ќе можат бесплатно да ги користат германските автопат. Како и луѓе со ЗТП и ЗТП/П картички.

Патарините за камиони со бруто тежина од повеќе од 7,5 тони се плаќаат автоматски преку ОБУ или со претплата за избраната рута на терминалот, мобилната апликација или Toll Collect.

Од Toll Collect потсетуваат и на казните ако се направи сообраќаен прекршок во Германија. Така, ако се помине на црвено светло казната е до 360 евра (и можност за забрана за возење од 1 месец), за некористење појас (30 €), опасно претекнување на автопат (до 250 евра), прекршување на забраната за мобилни телефони (60 €), возење под дејство на алкохол помеѓу 0,5 и 1,09 промили (500 евра и можност за забрана за возење од еден месец), како и казни за други прекршоци.