Регулаторната комисија за енергетика (РКЕ) донесе Одлука со која се врши зголемување на малопродажните цени на нафтените деривати во просек за 0,61 oтсто во однос на одлуката од 3 февруари.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,437%, кај дизелот за 0,769%, кај екстра лесното масло зголемувањето е за 1,295% и кај мазутот зголемувањето е за 3,476%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,5531%.

Од 6.2.2025 година од 00:01 часот максималните цени на нафтените деривати ќе изнесуваат:

• Моторен бензин ЕУРОСУПЕР БС – 95 79,00 (денари/литар)
• Моторен бензин ЕУРОСУПЕР БС – 98 81,50 (денари/литар)
• Дизел гориво ЕУРОДИЗЕЛ БС (Д-Е V) 73,00 (денари/литар)
• Масло за горење Екстра лесно 1 (ЕЛ-1) 72,00 (денари/литар)
• Мазут М-1 НС 46,025 (денари/килограм)
• Малопродажната цена на Мазутот М-1 НС се зголемува за 1,353 ден/кг и сега ќе изнесува 46,025 ден/кг

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.

Напоменуваме дека ова се максималните цени на нафтените деривати од 00:01 часот на 6.2.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени. 

Работните места што не бараат искуство може да изгледаат како одлична можност за оние што штотуку влегуваат на пазарот на трудот, но и тие често се тешки за добивање.

Еве неколку причини зошто:

1. Голема конкуренција

Бидејќи овие позиции не бараат искуство, привлекуваат многу кандидати – студенти, нови дипломци, па дури и луѓе што сакаат да направат кариерна промена. Поради тоа, работодавците имаат многу избор и можат да бидат пребирливи.

2. Работодавците бараат „потенцијал“, а не само квалификации

Дури и кога не е потребно искуство, работодавците сакаат кандидати што покажуваат одредени вештини, како комуникација, тимска работа или организациски способности. Ако кандидатот не знае како да ги истакне своите вештини, може да биде одбиен.

3. Скриени барања

Иако огласот наведува дека не е потребно искуство, често има „неофицијални“ барања, како одредени вештини, познавање софтвер или основно разбирање на индустријата.

4. Работодавците сакаат да минимизираат ризици

Вработувањето некого без искуство носи одреден ризик за компаниите. Работодавците можеби претпочитаат кандидати со барем некаква релевантна пракса, волонтерско искуство или сертификати.

5. Некои позиции се пополнуваат преку внатрешни препораки

Многу компании претпочитаат да вработуваат преку препораки наместо од јавни конкурси, што значи дека позициите што изгледаат „отворени“ можеби веќе имаат кандидати во предност.

Како да ги зголемите шансите за вработување?

• Нагласете преносливи вештини – Организација, работа во тим, лидерство (од факултетски проекти, хобија, волонтерство).
• Прилагодете ја биографијата – Дури и без официјално работно искуство, важно е да ја истакнете вашата мотивација и релевантни вештини.
• Создадете контакти – Вмрежувањето (networking) може да ви отвори врати кон можности што не се достапни преку стандардни апликации.
• Стеќете искуство преку пракса или волонтирање – Дури и краткорочно искуство може да направи разлика.

Иако е тешко, со стратегија и трпение, можете да најдете и добиете работа што не бара искуство!

Која е главната причина за често менување работни позиции? Парите.

Дури 45% од работниците во САД изјавиле дека им е потребен поголем приход. Податоците од Федералните резерви покажуваат дека оние што ја менуваат работата побрзо ги зголемуваат своите примања во споредба со оние што остануваат на исто работно место. Сепак, експертите за вработување советуваат дека стратегијата е клучна при носење на вакви одлуки. Погледнете го видеото погоре за да дознаете кога е вистинското време за промена и како да го водите вашето барање работа паметно.

Уставниот суд денеска треба да донесе конечна одлука за предметот во кој е оспорен Законот за данок за солидарност. Постапката за оценување на уставноста на оспорениот закон беше поведена на 20 ноември минатата година. Данокот на солидарност беше воведен како еднократна, вонредна јавна давачка за 2023 година.

Овој данок го плаќаа компаниите кои во 2022 година оствариле вкупен приход поголем од 615 милиони денари (околу 10 милиони евра).

Целта беше да се соберат средства за ублажување на последиците од кризата и да се придонесе за јавните расходи на солидарен начин. Подносители на иницијативите се Финмак ДОО, Скопје (У. бр.179/2023), Стопанска комора на Република Северна Македонија (У. бр. 183/2023), ДТУ ЕТМТ ЕНЕРЏИ ДООЕЛ Скопје (У. бр. 187/2023), Стопанска комора на Северо-Западна Македонија Скопје (У. бр.190/2023) и Друштво за консалтинг Лански, Ганзгер, Зеќири + Партнер ДОО (У. бр. 197/2023).

Дополнително, на истата седница Уставниот суд ќе разгледува и четири барања за заштита на слободите и правата и тоа барање од Фатмир Мемедов за дискриминација врз основа на национално потекло, барањето на Сојузот на синдикати на Македонија (ССМ) за повреда на правото на здружување и недискриминација, предметот во врска со разрешувањето на Еролд Муслиу од директор на Агенцијата за разузнавање, како и барањето на поранешниот уставен судија и актуелен пратеник Сали Мурати за заштита на слободата на јавното изразување на мислата и правото на политичко дејствување.

На дневен ред на првата седница на Уставен за годинава се и шест иницијативи за оценување на уставноста и законитоста меѓу кои Законот за изменување и дополнување на Законот за урбанистичко планирање од страна на Хелсиншкиот комитет за човекови права од Скопје, член од Законот за Академија за судии и јавни обвинители од страна на Игорчо Точев, одредби од Законот за воздухопловство од страна на Петар Димитров, одредби од Законот за земјоделство и рурален развој и Уредбите за директни плаќања од Земјоделски комбинат „Пелагонија” АД Битола, оспорување на правила за снабдување со топлинска енергија од Вера Георгиева и оспорување на одлука за применување на Правилникот за урбанистичко планирање во Општина Ѓорче Петров од Сања Маринковиќ.