Покрај скапите туристички аражмани за летување во странство, дополнителен трошок за оние граѓани кој ќе патуваат надвор од земјава со сопствен автомобил се трошоците за зелен картон и меѓународна возачка дозвола. Македонските возачи плаќаат најскап зелен картон во регионот, па затоа го вадат само кога мораат, односно кога патуваат во странство. Кај нас ова осигурување со важност од еден месец чини 30 евра, a за една година 60 евра. Во поголемиот дел од земјите од регионот неговата цена е околу 10 евра, со тоа што е споен со домашното автоосигурување и се добива при самата регистрација на возилото.

Иако долго време се најавуваше дека и оваа варијанта ќе се воведе и кај нас, сепак не дојде до конечна реализација бидејќи тоа ќе го поскапеше основното автоосигурување, а со тоа и регистрацијата на возилата за сите граѓани, а не само за тие што патуваат во странство.

Според информациите, македонските осигурителни компании годишно издаваат од 100.000 до 130.000 зелени осигурителни картони. Овој документ се издава врз основа на полисата за осигурување од автомобилска одговорност и е замена за полисата за осигурување од автомобилска одговорност издадена за матичната земја со важност за сите земји- членки наведени во полисата. Зелениот картон е еден вид проширување на важноста на задолжителното осигурување од автомобилска одговорност и ги покриваат евентуалните штети кои ќе се причинат на трети лица со управување на моторните возила при патување во странство односно во земјите членки на системот на зелена карта.

Цената на зелен картон на патничко возило до 66 киловати на годишно ниво е 3.690 денари, а за над 66 киловати за една година е 5.536 денари. Цена за патничко возило до 66 киловати за месечно ниво е 1.850 денари, а за возило над 66 киловати e 3.075 денари. За влечните и специјалните возила, мотоциклите, приклучни и работни возила цената е 5.536 денари. Цената за товарните возила и за автобусите е 17.222 денари. Важност на годишната зелена карта е во рамките на времетраењето на полисата за автомобилска одговорност, односно истекува со регистрацијата.

Тагови: зелен картон

Невниманието, туткањето по џебови - наместо да се носат во паричник, се чести причини банкнотите да останат без еден свој дел - да се излитат и оштетат.

Дуканџиите, кафанџиите, хотелиерите не ги примаат оштетените банкноти, а и често ги подметнуваат, се жалат граѓаните. Но признаваат, и тие самите понекогаш знаат некому да подметнат.

Имало прилика. Ако реагираш веднаш ќе ја вратат, ако не веќе кога ќе излезеш не ја признаваат, вели еден скопјанец.

Некои од банките земаат провизија за да ги заменат оштетените банкноти.

За оштетени се сметаат книжните пари чија преостаната површина изнесува повеќе од 60% и имаат барем една неоштетена нумеричка ознака. Во листата се вбројуваат и оние кои имаат една или повеќе дупки. Коишто се полиени со мастило, боја, маснотија или хемикалија. Листата понатаму продолжува и со оние кои се изгорени, а јагленосаниот дел е помалку од 40% од површината на книжната пара.

Инаку, Народната банка ги менува ваквите пари, без притоа да наплати провизија. 

Народната банка ги прима и ги заменува книжните и кованите пари што станале непогодни за промет од банките основани во Република Македонија и филијалите на странските банки во Република Македонија.

За излитени пари се сметаат книжните пари кои што со текот на употребата се дотраени, истенчени, испревиткани заради што станале меки и непогодни за промет, оние кои значително се избледени, извалкани, намален им е квалитетот на хартијата и бојата заради што некои од нивните основни карактеристики (апоен, мотиви на банкнотата, елементи на заштита) се слабо видливи и се несоодветни за понатамошна употреба.

За оштетени пари се сметаат книжните пари на кои преостаната површина изнесува повеќе од 60 проценти и имаат барем една неоштетена (видлива) нумеричка ознака (сериски број на банкнотата), оние кои се поткинати и залепени со леплива лента, скинати на повеќе делови и залепени со леплива лента а со споредбата на сериските броеви може да се утврди дека неспорно станува збор за иста банкнота, банкнотите кои се закинати повеќе од 5 мм, имаат една или повеќе дупки, на кои е пишувано, цртано, коишто се нагризени, изгниени, избледени заради перење, исчадени, стуткани со повеќекратни набори, коишто се полиени со мастило, боја, маснотија, хемикалија, коишто се изгорени, а јагленосаниот дел е помалку од 40% од површината на банкнотата, коишто се обоени со јака боја со која се врши хемиска заштита на банкнотите во транспорт, односно кога банкнотите се обојуваат при насилно отворање на пакување со банкноти.

Банките се должни да вршат обработка на готовината, а книжните пари што ги идентификувале како непогодни за промет при обработката и согласно утврдените критериуми, ги отстрануваат од прометот, ги пакуваат и ги доставуваат до Народната банка за замена.

Банките преку своите организациски делови примаат и вршат замена на книжни пари што станале непогодни за промет доставени од физички и правни лица.

Веб страницата “Jakub Marian” објави мапа на која е прикажан бројот на милијардери кои живеат во земјите Европа. Најмногу милијардери, односно 101 од нив живеат во Русија, додека пак останатите земји можат да се пофалат со значително помал број.

Во Русија живее дури 101 милијардер со руско државјанство, во Франција 40, а  во Германија 123.

Во најмалите земји од Европа има барем по еден милијардер, па така во Монако живеат 4, додека пак само 1 во Лихтенштајн.

Но, во земјите како Македонија, Србија, БиХ, Црна Гора, Хрватска и Словенија нема милијардери.

Градоначалникот на Град Скопје, Петре Шилегов ги посети кандидатите кои ја посетуваат обуката за оџачари во средното училиште ГУЦ „Здравко Цветковски“ што ја организира Градот Скопје во соработка со Министерството за труд и социјална политика и Агенцијата за вработување на Република Македонија. За времетраењето на обуката, бесплатно ќе бидат исчистени 100 оџаци, а заинтересираните домаќинства можат да се пријават во Инфо-центарот на Град Скопје.

Градот Скопје побара сојузници во борбата против загадувањето во Скопје и сакам да ви се заблагодарам што со учеството во оваа обука вие станувате дел од таа борба. Обуката за оџачари ќе трае три месеци, а за времетраењето на обуката секој учесник ќе добива надомест од по 9.000 денари месечно. По завршувањето, секој од вас, покрај сертификат, ќе добие основни материјали за отворање сопствен бизнис и извесно вработување имајќи предвид дека чистењето на оџаците ќе биде субвенционирано од Градот. Оваа година со ребалансот на буџетот предвидуваме средства за субвенции за чистење на оџаците кои ќе се реализираат по успешно спроведената обука на новите оџачари, при што очекуваме илјадници оџаци во Скопје да бидат исчистени до почетокот на идната грејна сезона – рече градоначалникот Шилегов.