Од први февруари сегашните електронски билетите од 150 денари со пет гратис возења ќе се купуваат по иста цена но ќе имаат две возења. Од здружението слобода превоз ги советуваат граѓаните кои немаат купено ваков билет да го направат тоа, затоа што од идниот месец ќе добијат три возења помалку. Од здружението велат ваквиот систем е современ и модерен, но важно е како ќе биде менаџиран. Иако е рано да се процени како функционира, сметаат дека има мали пропусти во делот на наплатата и дека дел од граѓаните не се доволно информирани околу користењето. За патниците проблем е тоа што повеќе не се продава билет за едно возење.

Има забелешки од граѓаните и сите тие треба да се земат во предвид како препораки за подобрување на системот. Како најголем проблем ги посочија картичките од 150 денари кои се побарувани и поради тоа во некој билетари и автобуси ги нема.  Исто така граѓаните треба да знаат дека кога ќе ја купат картичката и кога ќе ја потрошат да не ја фрлаат зошто таа се надополнува - рече  Ленил Јовановски- директор на здружението Слобода Превоз.

И од ЈСП потврдија дека има голема побарувачка за електронските картички. По три пати во денот се врши достава и се користат сите капацитети за да се одговори на потребите.

Количините кои беа на залиха  и предвидени за месец јануари беа потрошени за пет дена. ЈСП со целиот свој  капацитет работи да ја исполни побарувачката и да одржи континуитет на наплата.  Доставата се врши во три смени.  Досега вкупно се издадени околу 155000 персонализирано и над 180000 неперсонализирани картички, се вели во дописот на ЈСП Скопје.

Само кога првиот пат се купува картичката се плаќаат 150 денари. Кога целосно ќе се искористи граѓаните ја надоплнуваат со колку сакаат возења и тоа само во билетарниците. Може да се плаќа и со мобилен телефон.

Така цената за едно возење чини 40 денари, а на вечерниот билет 50 денари. За повозрасните овој начин на плаќање е сложен.
Новиот систем за наплата во автобусите се воведе на почетокот на годинава.

Од вчера, официјално Соединетите Американски држави имаат нов претседател. Доналд Трамп се заколна дека ќе и служи на државата и народот и дека ќе ја направи Америка повторно прекрасна - што и беше неговото главно мото во текот на неговата кампања.

Првиот танц на новиот претседател и првата дама е традиција која постои од многу оддамна. Трамп ја одбра историската My way од Frank Sinatra. Погледнете како изгледаше сцената овојпат, со 45-тиот претседател на Соединетите Американски Држави, неговата прекрасна сопруга, најблискиот соработник и фамилијаta Трамп.

Во четвртиот квартал од 2016 година според најновиот извештај на Агенцијата за аудио и аудиовизуелни медиумски услуги, сите регионални и лoкални ТВ канали заедно остваруваат вкупен дневен досег од 16% од вкупната популација.

Регионалните и локалните телевизиски канали најмногу се гледаат во радиодифузните региони Д7 Стогово - 25%, Д6 Мали Влај - 22% и во Д8 Попова Шапка - 21% од популацијата, дoдека најмалку во радиодифузните региони Д1 Скопје и Д2 Срацин.

Помеѓу регионалните ТВ канали, најголем неделен досег во својот радиодифузен регион во првиот квартал од 2016 година остварува КТВ (17,6% од популацијата во регион Д1 Велес), К Три (15,3% од популацијата во регион Д2 Страцин), Стар ТВ (15,9% од популацијата во регион Д3 Туртел), ТВ Вис (19,5% од популацијата во регион Д4 Боскија), ТВ Тера (16,1% од популацијата во регион Д5 Пелистер), ТВ О2 (17,4% од популацијата во регион Д6 Мали Влај), ТВ Канал Три (27,5% од популацијата во регион Д7 Стогово), ТВ Коха (32,2% од популацијата во регион Д8 Попова Шапка), и ТВ Едо (9,8% од популацијата во регион Д1 Скопје).

Истражувањето го спроведе Market Vision.

Барак Обама издејствува голема победа врз невработеноста во Америка

Според извештаите, во времето на Роналд Реган биле отворени 15.9 милиони работни места а додека Бил Клинтон отворил дури 22.9 милиони позиции. Според статистиките Обама го стигнал Буш кој остварил само 2.1 милион работни места за време на неговиот мандат.

Сепак има голема разлика во ситуацијата во која Обама седна на претседателското столче и она што сега тој му го предава на Трамп - Вели Марк Хамрик, економски аналитичар

Обама започна во 2009та, кога рецесијата беше водечка, ова беше период кога Америка ја доживеа својата најголема економска дупка после големата економска криза во триесетите години од минатиот век.

Во времето на Обама беа забележани скратени даночни обврски и се изнвестираше во грaдење на патишта низ државата. Сепак, една од најголемите идеи на Обама, беше да овозможи зголемен број на отворени работни места. Според анализите, 2014та и 2015та биле најдобрите години за вработување во Америка долго по последните години од деведесетите.