Најбогатите семејства ќе имаат најголем ќар од мерката поврат на 15% од платениот данок на додадена вредност. Тие што годишно трошат по 20.000 евра ќе успеат да вратат нешто помалку од просечната плата, односно 22.238 денари, покажува анализата на Институтот за економски истражувања Фајнанс Тинк.

Според нивните пресметки, најсиромашните ќе добијат назад само 738 денари.

Средната класа во земјава преку повратот на ДДВ ќе добие меѓу 50 и 100 евра годишно.

Од Министерството за финансии велат дека сите детали ќе ги објават по  изборите, но уверуваат  дека се подготвени за спроведување на мерката.

“Според програмата на Владата предвиден е поврат на 15% од платениот ДДВ за граѓаните. Во тек се подготовките и мерката, како што беше најавено, ќе почне во јули годинава.
Мерката има 2 главни цели: првата е поврат на средства кај граѓаните кои одговорно го плаќаат данокот на додадена вредност, додека втората е намалување на даночното затајување.
Односно на граѓаните откако ќе побараат фискална сметка и ќе ја внесат во системот за истата ќе им биде пресметан поврат на 15% од платениот ДДВ.
Министерството за финансии ќе излезе со сите детали и анализи за повратот на ДДВ навремено, како и за секоја мерка досега”, пишува во соопштението од Министерството за финансии.

Неодамна премиерот Заев најави дека секое лице со важечка лична карта ќе може да врши поврат на ДДВ преку телефон.

Оваа мерка беше предизборно ветување на сегашната Влада. Тогаш Заев изјави дека повратот на 15% ДДВ ќе обезбеди годишно 30.000 денари, уште една плата повеќе во секое семејство.

Од денеска нискобуџетната авиокомпанијата „Визер“ од охридскиот аеродром почнува да оперира и со редовна линија кон италијанскиот град Милано.

Новите директни линии ќе сообраќаат во текот на целата година, со две неделни фреквенции.

Министерот Сугарески најави дека за периодот до 2020 година за финансиска подршка за нови авио линии кои ќе овозможат развој на туризмот се предвидени 312 милиони денари.

Со додавањето на Малме и Милано, како нови дестинации, сега од Аеродромот Св. Апостол Павле – Охрид има 5 редовни линии, Виена, Базел, Цирих, Малме и Милано, како и 8 сезонски дестинации.

Велосипедист или возач на мотоцикл за време додека управува со возилото не смее да води животни со себе, во спротивно ќе биде казнет со 50 евра. 

Освен оваа мерка Законот предвидува и глоба од 50 евра ако возач на велосипед со помошен мотор, мопед, се движи по велосипедска патека, односно лента со брзина над 25км/час.

Исто толкава глоба ќе заработи и велосипедистот или мотоциклистот ако ги симне рацете од управувачот, се придржува за друго возило или влече предмети. Казна од 50 евра ќе заработи детето до 14-годишна возраст и неговиот родител поради превезување на други лица на велосипедот. Задолжителен е шлемот на глава, рефлектирачки елек во ноќни услови, а глобата е исто така 50 евра.

Велосипедистите коишто, особено кога е потопло времето, сакаат да ги растрчаат своите миленичиња возејќи истовремено велосипед велат дека никому не пречат со тоа што го носат кучето со себе.

Моќна алатка за поддршка на процесите во компаниите.

Со цел засилување на процесот на дигиталната трансформација во општеството, телекомуникациската компанија Vip оди чекор понапред и своето портфолио го збогатува со дигитална платформа преку која сите деловни корисници добиваат можност за уште понапредни дигитални решенија за уште поуспешен бизнис. 

Дигиталната платформа во моментов ги нуди Microsoft Office 365 и Ikarus Cloud Security со кои корисниците добиваат современи решенија за продуктивност, комуникација, соработка и безбедност на компаниите. Деловните корисници со дигиталната платформа сега можат самостојно да управуваат со нивната сметка за дигитални услуги која вклучува активација и деактивација на услуги и лиценци, конфигурирање на сервисни параметри, доделувње на лиценци на поединечни корисници, детален преглед на претходни нарачки и надоместоци за нарачаните услуги, можност за промена на бројот на активни лиценци (активирање и деактивирање на поединечни лиценци) и многу други можности.

Office 365 решението на Microsoft кое е наменетo за сите компании од која било дејност им овозможува на вработените пристап до корпоративните апликации, податоци и ресурси од кое било место и од кој било уред со што работата е едноставна и ефикасна, а при тоа компаниите заштедуваат време и може да ги намалат своите трошоци.

Преку Vip, деловните корисници добиваат продукт кој содржи повеќе Office апликации и други Microsoft услуги кои најчесто се користат во канцелариско опкружување, достапни во секое време, на сите уреди и зависно од лиценцата можат да се инсталираат на до 5 PC компјутери, 5 таблети и 5 смарт телефони како и целосна 24-часовна техничка поддршка.  За месечен надомест од 249 денари, корисниците добиваат Веб-верзии на Outlook, Word, Excel и PowerPoint, Вклучени cloud услуги (Exchange, SharePoint, OneDrive, Skype for Business, Microsoft Teams, Yammer), како и  Е-мејл хостинг со 50GB простор во сандаче и прилагоден домен за е-мејл адреса,  1 TB простор на OneDrive за чување и споделување.

Втората алатка во дигиталната платформа на Vip е Ikarus Cloud Security помага целосно во заштита на компаниските е-мејл сандачиња, веб сурфање и сите компјутери и лаптопи од крадење на податоци и несакани ситуации.

Во портфолиото на Vip има три продукти на Ikarus Cloud Security. IKARUS web.security кој го филтрира интернет сообраќајот од несакани комуникации, потенцијално опасни сајтови, хакерски напади, и други интернет закани. IKARUS mail.security кој ги скенира сите пораки за вируси и спам со што секоја е-мејл адреса поминува низ бројни проверки и врз основа на конфигурацијата, безбедните пораки се доставуваат без забележливо одложување. IKARUS anti.virus кој открива нови и постојни закани од секаков вид ги штити личните податоци и компјутер од сите видови на малициозен софтвер, спам и малициозни е-мејл пораки.

Во иднина, портфолиото на дигитални услуги достапни на дигиталната платформа ќе се прошири со додавање на нови услуги и нови типови на лиценци при што сите ќе бидат достапни преку иста корисничка сметка на платформата.