Соседна Бугарија и Грција се двете земји со кои нема да имаме поевтини роаминг, но затоа пак тука се Албанија, Босна и Херцеговина, Косово, Србија и Црна Гора.

Во земјите од Западен Балкан од денес стартуваат евтините цени на роамингот а тоа значи дека 2,46 денари ќе плаќаме за дојдовните повици од Албанија, Босна и Херцеговина, Косово, Србија или Црна Гора за кои досега плаќавме 25 денари. 

Пораката наместо 14 денари имајте на ум дека ќе ја плаќаме 2,21 денар.

Ова е прво намалување на роамингот. Цените ќе паѓаат и догодина а до 2021 ќе плаќаме нула роаминг меѓу погоре спомнатите држави.

Нова цена по која ќе се точат нафтените деривати ќе биде соопштена денеска.

Околу еден месец Регулаторната комисија за енергетика ги крои цените на горивата по нова методологија.

Последниот пат за половина денар поскапеа бензините и дизелот а денес ќе знаеме дали од вторник ќе возиме по повисоки цени.

Од денеска (1 јули 2019) домаќинствата и малите претпријатија кои не излегоа на либералниот пазар на струја, добиваат електрична енергија од универзалниот снабдувач.

Станува збор за ЕВН Хоум, субјект кој произлезе од ЕВН Македонија, кој победи на тендерското поддавање што го организираше Регулаторна комисија за енергетика.

Инаку цената на струјата под овој снабдувач останува непроменета и останува истата како и до сега до 1 јули следната година.

Потрошувачите нема да потпишуваат никакви нови или дополнителни договори за снабдување и понатаму ќе добиваат една фактура зад која ќе стои ЕВН Хоум.

Компанијата ќе ги снабдува корисниците кои нема да излезат на отворениот пазар во наредниве пет години,а  анајвени се подобри услуги како кол центар достапен 24/7 на три јазици, електронско плаќање и друго.

Стартува новата апликација преку која граѓаните ќе може да прават поврат на ДДВ кое го платиле преку целата година.

Она што треба да го прават граѓаните е да ги собираат фискалните сметки од производите кои ги купиле и услугите кои ги добиле, а за кои платиле најмногу 30.000 денари.

Сепак уште пред да почне да се применува оваа апликација, кај корисниците на ајфон телефони истата не е достапна.

Во Apple store апликацијата „Мој ДДВ“ воопшто не постои, алудираат од утринава граѓанитеи покрај најавите дека апликацијата ќе биде достапна и за Google play store
и Apple store.

Имено, за денеска е закажана прес конференција на која од УЈП ќе ги презентираат техничките можности преку коишто граѓаните ќе може да го користат правото на поврат на 15% од износот на платениот ДДВ.

Апликацијата „Мој ДДВ“ може да ја преземете од овој линк.