Независниот синдикат за образование и наука (НСОН) денеска ја поздрави одлуката на Владата и Министерството за труд и социјална политика да ја зголемат платата на вработените во градинките. Сметаат дека платите на просветните работници се под просекот на просечната плата во државата. Бараат од Владата и од Министерството за образование и наука зголемувањето на платите на просветните работници да биде слично или исто како зголемувањето на вработените во градинките, пренесе МИА.

Знаеме дека подолг временски период платите на наставниците стојат во место, освен едно мало зголемување што имаше претходната година од пет отсто. Во изминатиот период такви зголемувања речиси не постоеја, изјави потпретседателот на НСОН, Енвер Ајдини пред просториите на Министерството за образование и наука.

Додаде дека најавеното зголемување на платите од пет отсто на просветните работници не е решение на проблемите во образованието. Тој посочи дека наставниците се на маргините на егзистенцијата и нивната мотивација во работата се намалува. Наместо наставникот да се насочи кон својот професионален и кариерен развој, како што рече, тој повеќе е насочен на тоа како да ги подмири сметките.

Ние како наставници не можеме да ги мотивираме идните генерации да студираат и да станат наставници. Поради овој факт во последно време имаме недостиг на кадри, особено по предметите математика, хемија, физика итн. Во повеќе училишта поради недостиг на кадри се намалуваат работните часови по овие предмети, а можеби во некои училишта овие предмети и ќе се укинат зошто нема кој да предава, рече Ајдини.

Информира дека НСОН е член на Конфедерацијата на синдикални организации и заедно со нив ги планираат идните чекори. Најави дека ќе пратат барање за средби во ресорното Министерство и со ресорниот министер. 

Еден НАСА астронаут може да заработи околу 155.000 долари годишно, изјави бившиот астонаут на НАСА, Скот Кели.

Астронаутите на НАСА можат максимално да се сместат во категоријата на федерален службеник GS-15, што во војската е еквивалентно на позицијата генерал – полковник или капетан на воена подморница. Годишната плата се движи околу 155.000 долари – кажа Скот.

Кели објасни дека кога тој се придружил на астронаутскиот одред на НАСА, војниците остануваат во воена служба, поради што добиваат иста плата како во војската. Во суштина, еден астронаут добива малку поголема плата од неговите цивилни колеги, бидејќи дел од нивните приходи не се оданочуваат.

Онлајн кражбите и измами со криптовалути ги уриваат сите претходни рекорди.Во првите шест месеци од оваа година украдени се 4,26 милијарди американски долари преку криптовалути, објави CipherTrace во редовниот извештај цитиран од „Форбс“. За споредба, вкупните кибер-кражби во 2018 година изнесуваа 1,2 милијарди американски долари.

Огромниот раст оваа година се должи на зголемените вештини на хакерите, нагласува CipherTrace. Тие почнуваат да користат се пософистицирани тактики за заобиколување на заштитата на криптовалути, виртуелни паричници и други услуги што се некако поврзани со криптовалути или криптоактиви.

Бројот на компромитирани системи исто така се зголеми како резултат на инсајдерска помош.

Кражбите од класичните хакерски напади се исто така во пораст. Тие се 287 милиони долари за првите шест месеци од годината.

Анализата исто така покажува дека Биткоин е „најпосакувана“ криптовалута од страна на криминалците – 76 отсто од трансакциите на црните онлајн пазари. Таа криптовалута е искористена во 98 отсто од напади со крипто-вируси кои шифрираат компјутерски податоци и бараат откуп за дешифрирање.

Онлајн кражбите и измами со криптовалути ги уриваат сите претходни рекорди.Во првите шест месеци од оваа година украдени се 4,26 милијарди американски долари преку криптовалути, објави CipherTrace во редовниот извештај цитиран од „Форбс“. За споредба, вкупните кибер-кражби во 2018 година изнесуваа 1,2 милијарди американски долари.

Огромниот раст оваа година се должи на зголемените вештини на хакерите, нагласува CipherTrace. Тие почнуваат да користат се пософистицирани тактики за заобиколување на заштитата на криптовалути, виртуелни паричници и други услуги што се некако поврзани со криптовалути или криптоактиви.

Бројот на компромитирани системи исто така се зголеми како резултат на инсајдерска помош.

Кражбите од класичните хакерски напади се исто така во пораст. Тие се 287 милиони долари за првите шест месеци од годината.

Анализата исто така покажува дека Биткоин е „најпосакувана“ криптовалута од страна на криминалците – 76 отсто од трансакциите на црните онлајн пазари. Таа криптовалута е искористена во 98 отсто од напади со крипто-вируси кои шифрираат компјутерски податоци и бараат откуп за дешифрирање.