Венко Филипче, министерот за здравство, објави дека е исполнет критериумот за имунизација кој го препорачува Светската здравствена организација кога станува збор за вакцинирањето против морбили.

Стапката на вакцинација во целата држава изнесува 98%. Во градот Скопје изнесува 99%, а во останатиот дел од државата 97%, со што исполнета е препораката на Светската здравствена организација.

Досега, вакцинирани се 35.870 лица со МРП вакцина на возраст до 14 годишна возраст. Во Скопје вакцинирани се 16.732, а во останатиот дел од државата вакцинирани се 19.138 лица, напиша Филипче на својот профил на Фејсбук.

Министерот пред стартот на новата училишна година ги предупреди родителите дека сите деца треба да бидат вакцинирани.

Родителите ги послушаа препораките на Министерството за здравство и ја препознаа важноста за навремено вакцинирање на децата со МРП вакцина. Сите деца што се невакцинирани, за да се заштитат од заболувањето, треба веднаш да се вакцинираат., додаде Филипче.

Една недела пред почетокот на учебна 2019-2020 година, Синдикатот за образование (СОНК) се заканува со штрајк.

Наставниците се незадоволни од најавеното зголемување на платите од пет отсто. Претседателот на СОНК, Јаким Неделковски, ѝ дава рок на Владата од уште една недела и бара Синдикатот да биде активен учесник во креирањето на буџетот за образованието за 2020 година.

До 1 септември ќе преговараат, а ако нема договор наставниците и професорите на 2 септември, кога треба да почне новата учебна година, ќе стапат во предупредувачки штрајк.

Општа констатација е дека членството на СОНК од дејноста образование е апсолутно незадоволно од висината на зголемување на платите. За таа цел ние денеска разговаравме со министерот. Се надеваме дека ќе ги прифати забелешките – рече Неделков.

Министерот за образование и наука Арбр Адеми вели дека платите во образованието се зголемени за повеќе од 10 проценти и смета дека во буџетот за следната година ќе има дополнително покачување.

– Штрајк се организира кога нема решение. Ние нудиме решение. Кога ќе имаме јасни параметри за буџетот ќе објавиме ново покачување на платите. Досега имаме пораст на плата од по пет проценти во 2018 година и во 2019 година и ова е зголемување од над 10 отсто во однос на платите што ги добија наставниците во август минатата година – изјави Адеми.

Тој вели дека Министерството за образование е заинтересирано за квалитетен социјален дијалог со Синдикатот и со сите други вработени во образовниот сектор.

Фокус.мк

На социјалните мрежи многу граѓани го поставуваат прашањето дали фискалната сметка која е издадена за фирма може да се искористи преку апликацијата Мој ДДВ и на свое лично конто да се запише повратот на ДДВ, а одоговорот е дека тоа е казниво по закон.

На пример фискалната сметка од точење на гориво за потребите на автомобилите во сопственост на компанијата, не смее да се скенира.

Доколку сте го направиле ова, грешката може да се поправи бидејќи веб апликацијата ќе им нуди на граѓаните неколку нови можности. Освен детален увид, секој корисник ќе може и да избрише сметка доколку ја скенирал по грешка, јавува Курир.

Од УЈП потенцираат дека оваа опција е особено важна бидејќи може да се случи по грешка корисникот да скенирал фискална сметка, за која што веќе е издадена сметкопотврда која гласи на фирма. Тоа не е дозволено и за да не се случи да се изрекуваат казни, веб апликацијата нуди техничка можност да се брише грешно скенираната сметка.

Од денеска со почеток во 07.00 часот започна со работа наплатната станица Гевгелија на автопатската делница на коридорот 10, инаку рампа која ќе важи како најскапа за плаќање патарина во Македонија. Се очекува на патарината „Смоквица“ да се наплаќа по 100 денари за патничко возило.

На патарината кај Смоквица ќе има 10 наплатни рампи, пет кон Гевгелија и соседна Грција и исто толку кон Скопје. 

Ставањето во функција на ова патарина се случува откако ЈП „Државни патишта“ го изгради споредниот пат до Гевгелија за жителите од околните села.