Италија воведе единствен данок за богатите странци за да конкурира на сличните иницијативи во Велика Британија и Шпанија.

Владата на Италија се обидува да го следи примерот на овие земји кои успешно привлекуваат многу богати фудбалери и забавувачи.

Така сите странци кои како место за престој за потребите за даночење на приходите остварени било каде во светот, ќе ја изберат Италија во иднина ќе плаќаат 100.000 евра данок годишно.

По 20 успешни години традиција и оваа година, во ново руво АИЕСЕК Скопје и Економски факултет УКИМ Скопје го претставуваат настанот којшто на своите делегати им донесе безброј контакти, вештини и алатки и обезбеди простор за соединување на очекувањата меѓу студентите и компаниите, Денови на Кариера.

Во екот на пролетта, на 17 март во просториите на Економскиот факултет, ќе се обидеме повторно да ги задоволиме потребите на движечката сила на иднината, студентите и корпоративниот сектор, компаниите. Делегатите оваа година ќе имаат уникатна можност со учеството, да заминат од настанот со пракса или пак понуда за вработување.

Како ќе го сториме тоа?

На агендата тој петок, покрај одгатнување на прашањето „Како до поголема вредност на студентот пред работодавците?“ коешто е тема на панел дискусијата, додадовме и  компаниски презентации и работилници од истите , составени со цел создавање средина каде што делегатите ќе имаат можност нешто ново да научат, но и да ги покажат своите способности и да бидат препознаени од компаниите. На овие работилници студентите би имале шанса да се запознаат со успешни приказни од македонската бизнис сфера и да бидат регрутирани од страна на компанијата како практинакт или вработен. Компаниите пак, имаат шанса да допрат до потенцијалот на македонскиот студент, а воедно и да го развијат и инкорпорираат во својот состав.

Зошто да аплицирате веднаш?

АИЕСЕК како организација верува дека лидерството е основното решение за сите глобални и локални проблеми. Според ова, ние веруваме дека секој проблем што го засега нашето општество може лесно да се реши доколку на македонската младина ѝ се овозможи да стане лидер за позитивна промена. Но, за да се реализира оваа цел она што ѝ треба на младината не е само теоретско, туку и практично знаење и искуство, а со овој настан – Денови на Кариера 2017, го обезбедуваме токму тоа.

Каде? Како? Кога?

Котизацијата за настанот чини 300 денари и истата ви овозможува незаборавно искуство во текот на целиот ден. Сè што треба вие да направите е да викнете друштво, аплицирате на следниов ЛИНК, да дојдете на 17ти март на Економскиот факултет при УКИМ во Скопје и да се впуштите во мрежата од можности што ги нуди Денови на Кариера 2017!

Вања Лазарова ќе остане запаметена како голем уметник и еден од најдобрите изведувачи на изворни народни песни. „Со маки сум се родила“, „Петро Петроленко“, „Многу ми го фалат бабо“, „Параходот ми замина“, „Легнала Ѓурѓа на рамно гумно“, „Во ливаѓе ладен извор има“ се само некои од песните кои ги има отпеано и снимено.

Доајенот на македонската народна музика Вања Лазарова почина на 86-годишна возраст.

Таа ќе остане запаметена како голем уметник и еден од најдобрите изведувачи на изворни народни песни. 

Вања Лазарова - Димитрова беше родена на 27 април 1930 во село Страцин, Кратовско. Извесно време работела во Операта при МНТ, а била член и на Државниот ансамбл на народни игри и песни „Танец“.

Има испеано стотина македонски изворни народни песни, од кои најголемиот дел се снимени во продукцијата на МРТ. Има настапувано на голем број концерти на повеќе континенти. Пеела во Алберт Хол во Лондон пред британската кралица Елизабета II и премиерот Винстон Черчил.

Посебен придонес има во соработката со групата „Анастасија“ при создавањето на музиката за филмот „Пред дождот“ на Милчо Манчевски. Нејзиниот вокал е особено податлив за синтезите во етномузиката.

Вања Лазарова пеела со различни фолклорни ансамбли. Била член на ансамблот на Македонската радиотелевизија, а има настапувано и со Македонската филхармонија. Таа е првата македонска пејачка која има снимено плочи за најголемите издавачки куќи Полиграм и Филипс. Добитник е на повеќе меѓународни музички награди.   

Голем е нејзиниот придонес во музиката од филмот „Пред дождот“ на Милчо Манчевски кој доби награда „Златен лав“ на фестивалот во Венеција во 1994 година.

Продуцентската куќа „Трето уво“ ги издаде нејзините први три албуми: „Македонски традиционални љубовни песни“ - кој е дистрибуиран во Европа, Америка и Јапонија, „Ритмистика“ — во соработка со водечки македонски музички имиња и „Лулка“ - во соработка со американскиот гитарист Мирослав Тадиќ. Нејзиниот последен албум „Генофонија“ е во соработка со групата Нав.

„Со маки сум се родила“, „Петро Петроленко“, „Многу ми го фалат бабо“, „Параходот ми замина“, „Легнала Ѓурѓа на рамно гумно“, „Во ливаѓе ладен извор има“ се само некои од песните кои ги има отпеано и снимено.

Вања Лазарова е добитник е на наградата „11 Октомври“ за култура и уметност во 2014 година.

Мајка ѝ е од Скопје, а татко ѝ од Хонг. Оваа млада жена направи меѓународна кариера во телевизиското новинарство.
Во полето на телевизиското новинарство Зија Тонг, порасната во Канада, направи кариера на меѓународната сцена, работејќи на разни наградени и познати ТВ-шоуа. Она што ја прави интересна за нас е дека зад ликот на оваа кинеска жена не се препознаваат корените во Македонија, но се факт.

Родена сум во Лондон и пораснав во Хонгконг. Моето семејство се пресели во Канада кога имав 11 години. Мајка ми е од Скопје, а татко ми од Хонгконг“, објаснува Тонг. Прашана кои се културните разлики меѓу кинеското и македонското потекло на родителите и кои се сличностите, таа многу интересно објаснува: „Луѓето од македонската страна на моето семејство се весели, енергични и многу поврзани. Времето го поминуваме смеејќи се и пиејќи турско кафе заедно. Кинеската страна на моето семејство е на некој начин поофицијална. Мојот дедо беше патријархален, многу мудар и честопати зборуваше со поговорки, а јас го обожавав. Тоа е како да имате свој личен Конфучие. И двете страни од моето семејство се доста големи. Имам многу братучеди низ светот и сите сме во контакт, вели Тонг.

Во моментов Зија живее во Торонто и е актуелна како водителка и продуцент на најпопуларната емисија „Daily Planet” на „Discovery Channel”.Науката и технологијата оттогаш се силен дел од мојот поглед кон светот. Во смисла на емитувањето на научни емисии, мојата страст почна на 21-годишна возраст кога првпат ја посетив Африка. Пораснав гледајќи го Дејвид Атенборо и отсекогаш сонував да станам презентер на научни емисии, обожавам како е тој способен да инспирира и да ја дели стравопочитта кон природниот свет со ТВ-гледачите дома“, објаснува таа. Запрашана дали нејзината кариера ќе ја врати на некој начин во Македонија, таа вели: „Сигурна сум дека ќе се вратам во Македонија наскоро во посета, бидејќи голем дел од моето семејство се’ уште живее таму. Мојата тетка, Лиле Корубин, исто така, работи во телевизијата и мојот чичко, Рубенс Корубин е професор и сликар.