Најскап град за живот во Германија е Карлсфелд, а зад него следат Штутгарт, Лајнфелден-Ехтердинген, Гермеринг, Дахау па дури потоа метрополата Минхен, пишуваат од “Fenix magazine“.

Становите се најскапи во Карлсфелд каде што цената на квадратен метар е 10.86 евра.

Во Минхен и понатаму е речиси невозможна мисија да се најде стан, но ситуацијата е полоша во Штутгарт.

Тие податоци произлегуваат од овогодишното истражување на компанијата за истражување F+B.

Директорот на таа компанија Берт Леутнер изјавил дека во Штутгарт изнајмување на стан се плаќа во просек 10.41 евро по квадратен метар, додека пак во Минхен 9.47 евра по квадратен метар.

Ова е пописот од најскапите градови во Германија:

- Карлсфелд;
- Штутгарт; 
- Лајнфелден-Ехтердинген; 
- Гермеринг; 
- Дахау; 
- Минхен; 
- Тибинген; 
- Лудвигсбург; 
- Ердигин; 
- Дицинген; 
- Дармштат; 
- Конверстхајм; 
- Хамбург; 
- Еслинген ам Некар; 
- Фисбадем; 
- Фелбах;
- Констанц; 
- Дизелдорф; 
- Франкфурт; 
- Нордерстед; 
- Ремсек ам Некар; 
- Келн; 
- Мајнтал; 
- Ројтлинген; 
- Равенсбург; 
- Офенбах на Мајна; 
- Хајделберг; 
- Вајнштат;
- Битигхајм Бисинген

фото Википедија

А1 Македонија ја започнува најубавата новогодишна приказна и со задоволство ја најавува новогодишната промоција со која на своите корисници им овозможува да ја дочекаат новата 2020 година со многу интернет, нови смарт телефони и ТВ уреди по најповолни цени! Сега, сите нови и постоечки корисници кои ќе склучат нов или ќе го обноват договорот на 24 месеци на тарифите A1 Neo M и A1 Neon, ќе имаат можност да добијат вкупно 20GB мобилен интернет со активирање на дополнителниот интернет пакет преку апликацијата Мојот А1, кој потоа може да го користат секој месец.

Брендот A1 го градиме како силен, модерен, отворен и креативен бренд со кој создаваме нови приказни и отвораме нови светови. На корисниците им овозможуваме заедно да ги креираме искуствата според нивните потреби, што ќе придонесе и за поквалитетен начин на живеење во дигиталното време. Со новата промоција ја потврдуваме нашата визија, а тоа е поттикнување на дигиталниот начин на живот, да нудиме одлично корисничко искуство, најсовремени дигитални решенија, стабилен квалитет и поголема вредност за нашите корисници - изјави Мислав Галер, извршен директор на А1 Македонија.

Затоа што празниците се за дарување, овие празници постпејд корисниците можат да добијат 2 смартфони по цена од 1 и тоа Motorola One Macro и Motorola E6 Plus, за само 399 ден./месечно со A1 Neo M и A1 Neon.

Прилагодувајќи се на новите навики и потреби на корисниците, со новогодишната понуда овозможуваме уште повеќе интернет и повеќе забава. Со цел да придонесеме за уште поопуштена празнична атмосфера, подготвивме уште едно изненадување. Корисниците на А1 Combo добиваат интерактивна телевизија, интернет и мобилна линија за само 1299 ден./месечно и тоа без обврзувачки договор. Дополнително, имаат можност да изберат смарт андроид телевизор на 48 месечни рати, а преку апликацијата Мојот А1 ќе можат да изберат еден од трите дополнителни пакети (HBO, Digitalb или Pink) кој ќе може да го користат бесплатно во период од 3 месеци. Веруваме дека најновата промоција на А1 ќе придонесе за многу забава во семејствата на корисниците и сето тоа по најповолни услови – изјави Елена Панова, Директор на продажба и маркетинг за приватни корисници во А1 Македонија.

За новата понуда која е промотивна и ќе важи ограничен период, повеќе информации можат да се добијат на www.A1.mk и во Центарот за грижа за корисници 077 1234.

На вчерашната прес конференција потпаролот на Граѓанско Демократската Унија Дарко Попоски  се осврна на проблемите на  граѓаните со извршителите, тој наведе:

Внимателно ги следиме протестите на граѓаните кои го искажуваат нивното незадоволство од работата на извршителите и искрено не загрижува односот на надлежните институции, особено на Министерството за правда и министерката Рената Дескоска, бидејќи тие немаат слух за својот

обесправен и опљачкан народ и на секој можен начин гледаат да ја избегнат одговорноста или да ја префрлат на некоја друга институција или

државен орган.

Тој ги извести и сите заинтересирани и оштетени граѓани дека Граѓанско Демократската Унија со нејзиниот правен тим ќе овозможи бесплатна правна помош за сите граѓани кои имаат проблеми со незаконити постапки од страна на извршителите на целата територија на Република Македонија.

Едно четиричлено семејство во земјава, годишно просечно располага со 7.100 евра вкупен приход или со 591 евро месечно, а во просек троши  5.862 евра или 488 евра месечно. Ова го покажува Статистичкиот годишник за 2018 година, на Државниот завод за статистика, според кој, во однос на претходните години растат и парите со кои располага, но и кои ги употребува просечно домаќинство во земјава.

Но таква е состојбата статистички, во пракса граѓаните постојано се жалат дека состојбата со реалните финансии на едно домаќинство, со години како да не се поместила од мртва точка. Податоците откриваат како и колку Македонците заработуваат и што се им треба за да преживеат, барем статистички.

На располагање 7.100 евра годишно – 1.400 евра од пензиите на родителите

Од расположливите средства 7.100 евра со кои годишно раполага едно просечно четиричлено семејство, 6.965 евра се парични средства, а само 4.609 евра се од редовен работен однос. Статистиката покажува со што се македонците го полнат домашниот буџет, со цел да ги закрпат дупките со финансиите.  Така 11.878 денари годишно заработуваат надвор од работен однос, од хонорари или други активности од кои вонредно заработуваат. Од пензиите на родителите на располагање имаат  дури 85.914 денари годишно, од вујче од Америка пак им стигнуваат 5.359 денари, а од намалување на она што некогаш заштедиле земаат по 5.916 денари годишно.

Потрошиле по 5.200 евра, за храна по 188 евра месечно

Но за што се ги потрошиле парите и дали тоа им било доволно?! Податоците покажуваат дека од 7.100 евра, граѓаните трошеле во просек по 5.862 евра, од кои најголемиот дел 5,167 евра за лична потрошувачка, а само 2.266 евра за храна и безалкохолни пијалоци. Во просек едно четиричлено домаќинство во земјава за храна и безалкохолни пијалоци, односно за основната потрошувачка кошничка трошело по 188 евра месечно или околу 11.613 денари месечно, односно по член само 2.903 денари за месец, покажува статистиката.

Статистиката пресметала дека за алкохол и тутун, годишно во просек трошат по 14.328 денари, за облека и обувки 21.968 денари или секој член лани имал на располагање 5.492 денари годишно за облека и обувки, односно за да се поднови трошел по 457 денари месечно. За станарина  и режиските трошоци едно семејство плаќало 37.921 денари годишно, за здравје 15.021 денари севкупно за сите членови на семејството, а за комуникации 11.616 денари. Математиката покажува дека за рекреција и култура годишно оделе само 6.251 денари, а за образование минимални 1.510 денари или цело семејство трошело  само 377 денари месечно.  За разлика од ова пак за кафани и хотели, статистиката покажала дека завршиле во просек 15.600 по домаќинство, а на отплата на кредити 12.275 денари. Статистиката врз основа на анкетата која ја правела врз 2.646 домаќинства кои пак се репер за 567.006 домаќинства пресметала дека едно семејство вложувало 20.211 денари на штедење годишно, односно секој член штедел по 5.052 денари годишно или секој месец тргал на стреана по 421 денар.