Македонија и понатаму останува на дното на листата на земји во Европа по издвоени пари за економска помош на стопанството поради корона-кризата. Ова го покажува анализата на Националната алијанса за локален економски развој (НАЛЕД) од Србија. Меѓу земјите во регионот најмногу тежи подршката од Србија и таа изнесува високи 11 проценти од бруто-домашниот производ, по неа е Бугарија до 9,9 проценти од БДП и Грција до 5 проценти. Хрватска и Босна со приближо исти одвојувања од 3 и 3 и пол проценти од БДП. Последна на листата е Македонија со 1,2 проценти, а пред нас се наоѓа Албанија со 1,3 проценти од БДП.

„Најголем процент од БДП имаат дадено Германија и Финска околу 20 проценти од нивниот бруто- домашен производ директна помош на стопанството поради коронавирусот. Србија со 11 проценти од својот БДП е број еден во Југосточна Европа.

Во истажувањето се земени вкупно 36 европски земји. Геманија издвоила 20,3% од БДП, а Франција 17. Според анализата, сите земји економските пакети ги креирале во насока на одложување и намалување на даноците, финансиска поддршка на комапаниите и одржување на ликвидноста на фирмите. Мерката за субвенционирана минимална плата е застапена кај 10 од 36 земји вкучувајќи нè и нас. Неколку развиени земји се одлучиле за надоместок за скратено работно време, мерка која ја користеше Герамнија во кризата во 2008 година.

Економскиот пакет на земјава според Владата тежи 200 милиони евра. Инаку, Македонија беше рангирана на дното во Европа според помошта за спас на економијата и според компаративната анализа со податоци од Меѓународниот монетарен фонд, Светската банка и Институтот за истражување на економијата „Сазадвеѓ“ од Унгарија.

Член 60 од Законот за работни односи вели дека при склучување на договор за вработување работникот и работодавачот можат да се договорат за пробна работа.

Во договорот за вработување покрај сите права и обврски од работен однос се утврдува висината на платата и времетраењето на пробната работа, кое не може да биде подолго од 6 месеца. Пробната работа може да се продолжи во случај на оправдано отсуство од работа (болест и слично).

За вршење на сезонска работа, пробната работа може да трае 3 работни дена.

Работодавачот може договорот за вработување со пробна работа за вршење на сезонска работа да го откаже во рок од 3 дена од денот на склучувањето на договорот за вработување со пробна работа.

Во времетраењето на пробната работа работникот може да го откаже договорот за вработување со отказен рок од 3 работни дена.

Врз основа на оцената за неуспешно завршената пробна работа работодавачот може по изминувањето на пробната работа да го откаже договорот за вработување.

По укинувањето на карантинот, и се отворат границите и авионите повторно ќе почнат да летаат, влегувањето во авионите заради медицинските прегледи би можело да трае и до четири часа, предупредуваат експертите.

Според британски Мирор, патниците би можеле да чекаат долго за да се качат, а се претпоставува дека ќе бидат потребни пет години се додека сè не се врати во нормала, како пред појавата на болеста. Воздухопловната индустрија претрпе најголема штета бидејќи сите комерцијални летови се суспендирани, а патниците ќе бидат принудени на „непријатни“ услови за патување по укинувањето на карантинот.

Патниците ќе треба да носат маски, а повеќето авиони ќе бидат исполнети со капацитет од 20 проценти. Според експертите, дури и ако вакцината се најде вечерва, ќе бидат потребни најмалку две години да се врати се во нормала.

Летовите ќе бидат ретки, неколку места на располагање, цените ќе бидат повисоки и ќе се патува под некомфорни услови поради носење заштитна опрема и социјална дистанца – велат експертите.

Бројот на Британци кои користат автомобили никогаш не бил поголем од избувнувањето на болеста, пишува „Мирор“, потсетувајќи дека владата соопштила дека мерките нема да бидат олеснети се додека не се увери дека нема да има втор бран.

И покрај апелот на Министерството за транспорт и врски граѓаните да се воздржат од купување авиобилети за патување во странство, авиокомпаниите кои летаат од македонските аеродроми веќе продаваат карти за најголем број од дестинациите до кои се лета од Скопје и Охрид. На веб-страниците на некои авиокомпании може да резервира билет за летови што би се реализира и на почетокот на мај, додека најголем дел од дестинациите се очекува да продолжат нормално да се одржуваат во јуни.

„Со оглед на настанатата состојба, во овој момент не може да се предвиди кога повторно ќе се воспостави и нормализира авионскиот сообраќај за превоз на патници. Се до донесувањето на нова Одлука од страна на Владата на Република Северна Македонија, апелираме до сите граѓани да се воздржат од резервации на билети, се со цел дополнително да не се изложуваат на финансиски трошоци“, велат од Министерството за транспорт и врски.

И покрај ваквиот апел, авиокомпаниите продаваат авиобилети за дестинациите што се опслужуваат од македонските аеродроми.

„Визер“ продава билети за летови за периодот по 17 мај, кои за некои дестинации се нудат и по цена од само 609 денари во еден правец. „Кроација ерлајнс“ продава авиобилети од Скопје за Загреб за летови по 1 јуни. „Ер Србија“ нуди авионски билети од Скопје за Белград за летови, за коишто смета дека ќе можат да се организираат по 9 мај. Авиобилети од Скопје за Виена преку интернет-страницата на „Остриан ерлајнс“ можат да се набават за периодот по 21 мај.

И додека авиокомпаниите се обидуваат час поскоро да почнат повторно со летови до и од аеродромите, голема недоумица за нив е новиот пакет правила за летање што ЕК треба да го донесе во мај, со кој ќе се бара социјално дистанцирање на аеродромите и во авионите. Овие правила ќе имаат големо влијание и врз дестинациите што се опслужуваат од македонските аеродроми, бидејќи правилата ќе важат за сите земји-членки на ЕУ.

Владата порачува: Граѓаните да се воздржат од резервации за авиобилети, на сила сѐ уште важи Одлуката за затворање на аеродромите