Дисплејот на најмалку една верзија од новите ајфони на Apple's ќе биде со некаква кривина, ако може да се верува на тврдењата дека Apple нарачал 70 милиони OLED дисплеи од Samsung што се заоблени или свитливи на некој начин.

Nikkei Asian Review, кој прв ја објави веста денес, наведувајќи извори блиски до синџирот за набавка на Apple, не даде повеќе детали за нарачката, но тврди дека екраните ќе бидат употребени за смартфон.

Се шират гласини дека Аpple ќе лансира три нови ајфони есенва: два со регуларен LCD дисплеј и една „premium“ варијанта што ќе има заоблен или свитлив ОLED дисплеј.

Според обемот на наводната нарачка, Apple очекува оваа верзија, што наводно ќе биде и поскапа од вообичаениот iPhone, да се продава прилично добро.

Nikkei Asian Review исто така објави дека новите ајфони ќе имаат бежично полнење и сите три ќе бидат водоотпорни. ИСто така, најмалку еден модел наводно ќе има 3D сензор со вграден софтвер за препознавање лица.

Во однос на големината, Nikkei Asian Review тврди дека  двата ајфони со LCD дисплеј ќе бидат со димензии од 4,7 и 5,5 инчи (како iPhone 7 и iPhone 7 Plus), а премиум варијантата ќе има OLED дисплеј од 5,2 инчи.

Aмериканскиот претседател Доналд Трамп ги донираше првите три месечни плати, во висина од 78 333 долари, на службата за национални паркови, која е во надлежност на секретаријатот за внатрешни работи.

Портпаролот на Белата куќа Шон Спајсер му предаде чек на секретарот Рајан Зинкеу, кој наведува дека е воодушевен со одлуката на Трамп.

Според неговите зборови, парите ќе се вложат во инфраструктурата во националните паркови.

Трамп, откако е избран за претседател, вети дека ќе се откаже од претседателската плата во висона од 400 000 долари, но бидејќи според законот мора да биде платен, тие пари ќе ги донира.

Во изминатите 15 години бројот на вработени во весниците во САД е намален за повеќе од половина, при што најголемиот број од овие лица преминале во интернет медиумите, покажуваат податоците  на американското Биро за вработување.

Според овие податоци, бројот на вработени во весниците во САД од околу 412.000 во 200, се намалил на 174.000 во 2016 година.

Од друга страна, бројот на вработени во порталите и останатите интернет медиуми од 67.000 во 2007 година се зголемил на над 206.000 во текот на минатата година.

Според аналитичарите, ваквите бројки укажуваат на голем пресврт во медиумскиот сектор во САД, кој полека од печатените изданија преминува на онлајн медиумите.

Доказ за ваквата констатација е и фактот што бројот на весници во САД се намалил од 9.310 во 2001 на 7.623 во 2016 година, што претставува пад за 18 проценти.

Наспроти ова, бројот на интернет медиуми од 150 во 2007 пораснал на 13.924 во текот на минатата година.

Освен кај дневните весници, намалувањето на бројот се бележи и кај магазините и периодичните изданија, кои својот врв во САД го достигнале во 2008 година кога биле печатени 9.232 вакви изданија, а лани нивната бројка е сведена на 7.566.

Ви се допаѓаат британското кралско семејство? Секогаш сте се запрашале што ли е кралицата Елизабета II да ви е шефот? Сакате интересна и различна работа? Ако одговорот на овие прашања кај вас е потврден, имаме добра вест – кралското семејство често пушта прогласи за вработени во различни сфери, а често платите се повеќе од пристојни.

Без разлика дали имате искуство како батлер, или специјалист за социјални мрежи, дали сакате да работите во палатата “Виндзор”, во Бакингемската или во “Сент Џејмс”, многу веројатно е да имате позиција која се вклопува како на можностите и вештини, така и на финансиските потреби. Сите тие се бараат секогаш на сајтот The Royal Household, но треба да се следи редовно, бидејќи кандидатите секогаш се многу. Сепак, пред да се аплицира за работа кај нејзиното Височество, важно е да знаеме кои се најубавите работни места кај неа и евентуално да ги следиме и да дејствува брзо, ако бидат објавени слични на сајтот.

Ви претставуваме 14 од нив, цитирани од London Evening Standard:

1. приправник-батлер – 15.000 фунти годишно

2. миење на садови, кој да живее во палатата – 17.000 фунти годишно

3. Помошник градинар – 18.000 фунти годишно

4. чешлање, правата грижи за коњите на Кралицата – 20.000 фунти годишно

5. Системски администратор – 20-22,000 фунти годишно

6. тапацир / кројачи на завеси / специјалист селекција на дивани – 22.000 фунти годишно

7. Асистент-секретар – 24.000 фунти годишно

8. специјалист  за дигитални комуникации – 30.000 фунти годишно

9. Менаџер за развој на бизнисот и комуникации – 30-32,000 фунти годишно

10. Специалист  за социјални мрежи – 50.000 фунти годишно

11. Регулатор на Канцеларијата на Лорд Чембрлен – 116,000 фунти годишно

12. Гувернер на домаќинства – 122,000 фунти годишно

13. Личен секретар на кралицата Елизабета II – 146,000 фунти годишно

14. Финансиски советник на домаќинства – 180.000 фунти годишно