За подобро информирање на учесниците во сообраќајот, од РСБСП пристигна појаснување за најновите измени во Законот за Безбедност на Сообраќајот на Патиштата, кои се веќе стапени на сила.

Во прв план, Законот за безбедност на сообраќајот на патиштата се усогласува со Законот за прекршоци со што во голем дел се намалува висината на предвидените парични санкции за сторен сообраќаен прекршок.

Притоа, важно е да се потенцира дека за оние сообраќајни прекршоци кои спаѓаат во групата на животозагрозувачки, (возење под дејство на алкохол, непочитување на правилата за ограничување на брзината, итн.) висината на предвидените парични санкции за сторен прекршок останува непроменета. Согласно тоа, освен наведените прекршоци дефинирани како животозагрозувачи, за останатите прекршоци, највисока парична санкција за физичко лице, за сторен сообраќаен прекршок, изнесува 250 евра во денарска противвредност.

Новина во делот на санкционирањето е и тоа што се укинуваат таканаречените „негативни поени“ кои досега се впишуваа како замена за изречена парична санкција за сторен сообраќаен прекршок.

Покрај тоа, измените на ЗБСП предвидуваат и низа други новини од кои посебно се издвојува тоа што се регулира учеството во сообраќај со електричен тротинет. Како поважни одредби со кои се регулира учеството во сообраќај со електричен тротинет се издвојуваат:

• Возачот на електричен тротинет е должен да го управува тротинетот по велосипедска патека или велосипедска лента, а доколку истите не се изградени, по пешачка патека, односно друга површина наменета за движење на пешаци. Се забранува возење на електричен тротинет на коловозна лента.
• Возачот на електричен тротинет, не смее да се движи по велосипедска патека односно лента со брзина поголема од 25 km/h., додека по тротоар, пешачка патека или друга површина наменета за движење на пешаци, не смее да се движи со брзина поголема од 6 km/h.
• Електричен тротинет може да управува лице кое навршило 14 години возраст.
• Возачот на електричен тротинет треба да носи заштитен шлем на главата за време на управувањето на возилото. За неносење не е предвидена санкција.
• Возачот на електричен тротинет, од првиот самрак до потполно разденување, како и во услови на намалена видливост, е должен да носи рефлектирачки елек за време на управувањето на возилото.
• На електричниот тротинет задолжително треба да има светло во бела боја на предната страна и светло со црвена боја на задната страна.
• Друга новина во ЗБСП е тоа што возрасната граница за издавање на возачи дозволи изнесува 75 години, наместо 70 како што беше досега со тоа што возач на моторно возило кој наполнил 75 години возраст, задолжително подлежи на контролен здравствен преглед во временски интервали кои не можат да бидат подолги од пет години.
• Исто така, Законот предвидува и можност за одземање на возилото до 90 дена. Според измените на ЗБСП, полициски службеник може да исклучи возило од сообраќај и привремено да го одземе возилото, до утврдување на техничка исправност, но не подолго од три работни дена. Доколку биде утврдена техничка неисправност на возилото која се однесува на предизвикување на голема бучава или во случај кога сообраќајната дозвола за возилото е со изминат рок на важност од шест или повеќе месеци, возилото се одзема во времетраење од 90 дена.
• Друга важна новина е тоа што според измените на ЗБСП, доколку возачот во период од една година, откако му е изречена санкција – забрана за управување на моторно возило од определена категорија, стори друг сообраќаен прекршок за кој е предвидена прекршочна санкција – забрана на управување со моторно возило, тогаш ќе му биде изречена прекршочна санкција – престанок на важење на возачката дозвола за истата категоријата за која му била изречена прекршочната санкција – забрана за управување.
• Со други зборови доколку еден возач за иста категорија на возачка дозвола, за период од една година од изречувањето на првата санкција, стори друг прекршок за кој е предвидена санкција забрана за управување на моторно возило, тогаш на тој возач трајно му се одзема возачката дозвола за таа категорија. Санкцијата забрана за управување на моторно возило се однесува за сторени потешки сообраќајни прекршоци – возење под дејство на алкохол и психотропни супстанции, возење во населено место со брзина поголема од 30 километри на час над дозволената, итн.

Извор: Републички Совет за Безбедност на Сообраќајот на Патиштата

Тим експерти од Светската здравствена организација денеска влегоа во Вухан, од каде почна да се шири коронавирусот. Целта на нивната посета на овој кинески град е испитување на потеклото на вирусот. Официјален Пекинг ја оспори намерата на СЗО да го испрати својот тим во Вухан, но со многу перипетии, тој тим на експерти сепак доби зелено светло.

Веста за влезот на тимот на СЗО во Вухан ја објави кинеската државна телевизија. Тимот ќе помине околу еден месец во тој град, вклучително и две недели во карантин.

Петр Бен Ембарек, водечки експерт на СЗО за болести на животни кои се шират и на други видови, води тим од 10 независни експерти. Виетнамскиот биолог Хунг Нгуен, кој е дел од тимот, за Ројтерс изјави дека не очекува ограничувања на работата на групата во Кина.

По завршувањето на карантинот, тимот ќе помине две недели испитувајќи луѓе од истражувачки институти, болници и пазари на морски плодови во Вухан, каде се верува дека се појави нов патоген, додаде Хунг.

Единствено нешто што ќе се случи во однос на рестриктивните мерки е тоа што сигурно на 21 јануари, односно следната недела, кафулињата, рестораните и останатите угостителски објеќти ќе работа до 21 часотр, истакна Министерот за здравство Венко Филипче по неговата посета на Институтот за судска медицина.

Вели дека во моментов во земјава имаме стабилна епидемиолошка слика, и како што рече, се намалува бројот на хоспитализираните пациенти, во моментов нема пациенти на болничко лекување во модуларната болница на Клиниката за инфективни болести. Ваквата состојба според него овозможува угостителските објекти да може да имаат продолжено работно време од три часа, односно да работат до 21 часот.

Од 21 јануари сигурно е дека угостителските објекти ќе работат до 21 часот. Тоа е единствената мерка која ќе биде олабавена. Во меѓувреме ќе ја следиме состојбата и согласно тоа можеме да го разгледаме и нивното барање да работат до 23 часот. Но, се останато останува исто. На сила остануваат сите остѕанати мерки, истакна министерот Филипче. 

26 возила биле одземени од страна на полицијата откако стапи во сила новиот Закон за безбедност во сообраќајот. Станува збор  за нерегистрирани, стари возила кои ја нарушуваат безбедноста, но и возила кои испуштале чад и ја загадувале околината.

Со новиот Закон полицијата ваквите возила ќе може да ги задржи максимум до три дена.

-Секое возило кое што создава прекумерна бучава или кое што испушта очигледни издувни гасови што ја загадуваат животната средина може да биде одземено или исклучено од сообраќај и да се утврди преку вештачење кои проблеми ги има тие возило и дали понатаму ќе може да продолжи, вели министерот за внатрешни работи, Оливер Спасовски.

Министерот појаснува дека најважно е што ќе се одземаат нерегистрираните возила кои всушност се и најголема опасност во сообраќајот.

Во последните неколку месеци полицијата спроведува засилени акциски контроли во сообраќајот, па во билтените на МВР често може да се види висок број на пропишани казни. Надлежните велат дека во минатата година за 40 отсто е намален бројот на сообраќајки кои резултирале со смрт. Сепак, мора да се има предвид дека речиси цела година поради пандемијата од Ковид во сила се рестриктивни мерки, а пролетта ограничено беше и движењето низ цела Македонија.