Уште колку продолжени викенди ќе имаме до крајот на годинава? Да се надеваме дека се уште ќе имаме можност да ги искористиме безгрижно.

02 август, Денот на Републиката паѓа во понеделник, што значи ќе биде неработен ден, тоа значи дека ќе може да се спои еден супер викенд од сабота до понеделник.

И за 11ти октомври Денот на народното востание продолжен викенд бидејќи празникот се паѓа во понеделник.

Испланирајте ги слободните денови со пријателите, семејството и блиските затоа што имаме уште два продолжени викенди да најдеме можност да го избегнеме работното биро или да заминеме некаде на патување.

Но иако два продолжени викенди до крајот на годинава се чини малку, 2021- ва ветува денови за одмор среде работна недела.

За Александар Горгиевски од Штип само едно големо „браво“. Вака ќе го започнеме овој текст. Овој млад човек повторно на дело, а не само на тестатура, како многу други, ја покажа својата хуманост.

Хуманитарецот Александар откако ќе ја заврши акцијата во Ерџелија, негов следен подвиг беше градење дом за баба Мирјана и малата Мишела од Куманово, девојчето кое живее со својата баба без покрив над главата, девојчето кое си легнуваше гладно, но не и кажуваше на својата баба за да не ја нервира…

Со тешка механизација ја срушија старата куќа, а на нејзиното место се фрлија темелите за новата куќа, токму на нејзиниот роденден. Благодарение на овој ангел Мишела го доби најубавиот поклон, кров над главата, а сите заеднички го прославија со парче торта. Мишела доби и подароци се разбира.

Преземено од: 

https://shilomagazine.com.au

Патарини на автопатите се плаќаат за да имаме модерни патишта, да можеме да ги одржуваме, при зимски услови да ги исчистиме од снежни наноси и почесто да ги реконструираме, за да бидат во добра кондиција, порача денеска министерот за транспорт и врски Благој Бочварски.

– Токму поради наплатата на патарините и токму поради тоа што развојот на инфраструктурата во државата ни е еден од клучните приоритети веќе работиме на целосна реконструкција и проширување на автопатот  Тетово – Гостивар. Се работи на проектирање на новата траса Тетово – Гостивар која што ќе биде траса за едниот правец, а постојната ќе остане за другиот правец. Владата има во план целосна реконструкција на овој автопат којшто ќе биде и покомотен и побезбеден - рече Бочварски во одговор на прашање при денешниот увид  во реконструкцијата на улицата „Гоце Делчев“ во Тетово.

Заради тоа, додаде тој, важно е да се плаќаат патарините заради тоа што во овие четири години реконструиравме, рехабилитиравме и изградивме преку илјада километри патишта во државата.

Извор: https://sitel.com.mk/bochvarski-patarini-se-plakjaat-za-da-imame-moderni-patishta

Луѓето што одбиваат да се вакцинираат во просек имаат пониски когнитивни способности, односно понизок коефициент на интелигенција, според големото истражување објавено во списанието „Брејн, бихејвиор енд имјунити“.

На пример „Пју рисрч“ открива интересна корелација помеѓу различни фактори и неподготвеноста што владее меѓу Американците во однос на вакцинирањето. Во истражувањето на „Пју рисрч“ било откриено дека на двоумењето влијаат возраста (помладите луѓе повеќе се двоумат од оние што се над 65 години), етничката припадност (Азијците најмалку се двоумат, а црнците најмногу), религиозноста (атеистите најмалку се двоумат, а евангелистичките протестанти најмногу), политичката припадност (конзервативците повеќе се двоумат, а либералите помалку).

Во друго истражување „Пју рисрч“ откри дека постои силна врска меѓу недовербата кон вакцините и недовербата кон владата, и дека двоумењето значително зависи од нивото на образование.

Колку е помала когнитивната способност, толку е поголем скептицизмот кон вакцината. Тоа и се очекува затоа што постои корелација помеѓу коефициентот на интелигенција и степенот на образование, и тоа во двете насоки. Имено, не само што луѓето со повисоки когнитивни способности во просек постигнуваат повисоки академски достигнувања, туку истражувањата покажаа дека секоја година образованието го зголемува IQ за околу три поени. Поинтелигентните се помалку збунети и помалку заведени од лажните вести.

Се разбира, треба да се има предвид дека врз двоумењето влијаат многу фактори, а не само интелигенцијата, и дека резултатите треба да се разберат како индикатори за статистичка поврзаност.

Извор: fakulteti.mk

https://www.fakulteti.mk/news/15072021/lugjeto-shto-odbivaat-da-se-vakciniraat-imaat-ponizok-iq-pokazhalo-golemo-istrazhuvanje?fbclid=IwAR3Q_7fKUW6HbBdbiyQn_Laiqj2sqrYOHiU1PJXanwQk77sFxYETvkkXvbQ