Aвиокомпанијаta „Виз Ер“ најави отворање четири нови линии од Македонија кон Италија, Германија и Данска.

Новите дестинации до кои ќе лета „Виз Ер“ се од Скопје до Болоња и Торино во Италија, од Скопје до Билунд во Данска и од Охрид до Фридрихсхафен во Германија. Новите линии ќе започнат со сообраќај од декември оваа година.

Од авиокомпанијата велат дека новите линии ќе се надоврзат на оние кои веќе функционираат од аеродромите во Скопје и Охрид и со тоа „Виз Ер“ ќе ја потврди заложбата на македонските граѓани да им понуди разноврсни дестинации.

„Новите дестинации се уникатини поради нивната култура, природа и гостопримство. Позната по нејзините славни кули, цркви и долги тремови, Болоња е еден од најпопуларните градови во Италија. Градот има голема популација студенти што му дава космополитски карактер. Торино, од друга страна, е познат по префинетата архитектура и кујна. Билунд е дом на вториот најголем аеродром во Данска и е центар за забава во Европа, обезбедувајќи атракции за цели семејства, особено за младите поради славниот Леголенд. Фридрихсхафен пак е лоциран директно на бреговите на Езерото Констанца и природно е склон кон акција, околу и на вода“, стои во соопштението на „Виз Ер“.

Според официјалната страница на „Виз Ер“ летовите Скопје – Болоња ќе сообраќаат секоја недела и среда од 13:40 часот. Од Скопје до Торино ќе може да се лета секоја сабота и вторник од 06:45 часот, додека линијата Скопје – Билунд ќе полетува секоја недела и четврток од 18:15 часот. За линијата Охрид – Фридрихсхафен се уште нема податоци на сајтот на компанијата.

Од „Виз Ер“ советуваат граѓаните да ги проверат мерките за патување пред планирање на нивните летови.

Целосно автономната единица на Азбука, Вајмо е подготвена да понуди возење за патници во Сан Франциско, објави компанијата.

Веќе сега, жителите можат да аплицираат за да станат „Tестери“. Покрај поканата за програма, можете да ја користите апликацијата Vaymo One за да возите во возниот парк на возилата Јагуар I-Pace што Вајмо ќе ги има во градот.

Компанијата ја опиша програмата како „фокусирана на истражување“, дизајнирана да и помогне да собере повратни информации за возачкото искуство, со акцент на собирање информации поврзани со пристапноста.

Минатата недела, ја започнавме оваа програма со неколкумина избрани и сега ја прошируваме за сите заинтересирани граѓани на Сан Франциско, велат од компанијата.

Слично како и во Аризона, Вајмо нема да дозволи веднаш да возат автомобили без надзор. Компанијата ќе има свои вработени во автомобили за да се осигура дека нејзината 5-та генерација технологија Vaymo Driver нема да се изгуби на незгодните еднонасочни улици и ридови во Сан Франциско. Исто така, компанијата за Блумберг изјави дека патниците ќе возат бесплатно.

Асоцијацијата на спортски обложувачници на Македонија (АСОМ) информира дека со новите ковид-мерки, со кои за влез во спортска обложувачница се бара сертификат за вакцинација или потврда за прележан ковид-19 во последните 45 дена, драстично е опаднат прометот, според проценките на членките на АСОМ за речиси 50 отсто, што директно значи и намален приход во државниот буџет.

Обложувачниците сметаат дека со тоа е загрозен опстанокот на оваа стопанска гранка и во прашање се доведени работните места на повеќе од 3.500 директно вработени во спортските обложувачници и преку 50.000 вработени во други дејности коишто зависат од работењето на обложувачниците.

– Бараме Владата и Комисијата за заразни болести да направат итна промена на мерките за спортските обложувачници, односно тие да бидат изземени од објектите во кои при влез задолжително треба да се поседува и прикаже сертификат за вакцинација или тест за прележан ковид-19 во последните 45 дена. Во спротивно, бараме итно носење на економски мерки за помош со кои би се помогнало на спортските обложувачници, но и на сите други субјетки кои се соочуваат со истиот проблем, а во насока на поддршка за одржливост на бизнисот и зачувување на работните места – велат од АСОМ.

Нагласуваат дека целосно ги поддржуваат напорите на Владата за помасовна имунизација на населението, но до тогаш не смее да се дозволи решавајќи еден проблем, да се отворат низа други кои дополнително ја дестабилизираат економијата и бизнисот.

Обложувачниците апелираат до Владата и итно да овозможи онлајн игри на среќа преку домашните лиценцирани приредувачи кое дополнително ќе придонесе кон поголема безбедност за играчите и ќе помогне во одржување на дејноста која има силен социо-економски придонес во државната економија. Секоја година од индустријата на игри на среќа во државниот и локалните буџети се слеваат повеќе од 250 милиони евра. Тука се вклучени директни и индиректни приходи, придонеси и даноци за плати, закуп на деловен простор.

Европската Унија (ЕУ) повторно ќе ја стави Македонија на „црната листа“ за патување, откако вчера најави чекори за враќање на патните ограничувања поради растот на новозаразени од Ковид-19 за САД и уште пет други држави, меѓу кои е и Македонија, објави Дојче веле.

Меѓу земјите за кои ќе се вратат ограничувањата се и САД, Косово, Израел, Црна Гора и Либан. Процедурата за одлуката почнала денеска, а се очекува да биде потврдена во понеделник, доколку ниту една земја-членка на ЕУ не ја блокира.

За македонските граѓани одлуката ќе значи дека повторно ќе се соочуваат со големи ограничувања при туристички, односно т. н . неесенцијални патувања во ЕУ. Некои земји можат целосно тоа да го забранат, а некои можат да наложат обврзувачки карантин при пристигнувањето.

Таканаречената „листа на безбедни земји“ на која се најде и Македонија беше усвоена од ЕУ на 15 јули годинава и на неа имаше 23 држави.

Критериумите според кои се одредува дали граѓаните на некоја земја ќе можат туристички да патуваат во ЕУ ја опфаќаат актуелната епидемиолошка состојба и генералното справување со Ковид-19, како и квалитетот на информациите и изворите на податоци.

Дополнително, како во случајот на САД, фактор е и реципроцитетот, имајќи предвид дека жителите на ЕУ сѐ уште не можат да патуваат во САД.