Инфлацијата во еврозоната на ЕУ се зголеми на рекордни 5,1 отсто во јануари, главно поради растот на цените на енергијата, објави денеска Евростат.

Статистичката агенција на ЕУ нема регистрирано толку високо ниво на инфлација откако почна да собира податоци за 19-те земји кои го користат еврото во 1997 година. Претходниот рекорд беше поставен во декември, кога инфлацијата во еврозоната беше 5,0 проценти. 

Како дел од активностите за зголемување на безбедноста за сите учесници во сообраќајот, Град Скопје и ЈП „Улици и патишта“ вршат реконструкција на постојната и поставување на нова хоризонтална и вертикална сообраќајна сигнализација, соопштија од Град Скопје.

Од Град Скопје информираат дека во употреба се пуштени нови семафори за најава на пешаци на крстосница на улица „Скупи“ со улицата која води кон населбата Бардовци. Поставен е и нов семафорски столб на крстосница помеѓу булевар „8 Септември“ и улица „Скупи“, а на повеќе крстосници со булеварот „Христијан Тодоровски Карпош“ се поставени бројчаници на семафорите.

Дополнително, екипите на ЈП „Улици и патишта“ монтираа нови лантерни на семафорите на крстосницата булевар „Србија“ со булевар „Трета македонска бригада“, а извршија и санација на оштетените светлосни заштитни столпчиња по должината на улицата „Никола Карев“, се вели во соопштението.

Од Град Скопје додаваат дека е санирана и заштитната ограда на булеварот „Митрополит Теодосиј Гологанов“, на кружниот тек кај Католичка црква.

Останува отворено прашањето дали ќе биде исполнето барањето на синдикатот за зголемување на минималната плата на 18.000 денари. Одлуката ќе се носи во среда на Економско-социјалниот совет на кој ќе присуствуваат и работодавачите како трета страна на социјалниот дијалог.

Синдикатот бара зголемување на минималната плата веднаш и спирално зголемување на сите останати плати, а доколку не биде исполнето ова нивно барање, најавуваат штрајк, но не се исклучени и други форми на изразување незадоволство како протести и блокирање улици.

Минималната плата се усогласува секој март во годината, но синдикатот бара зголемување веднаш. Ваквото барање е егзистенцијално имајќи го предвид зголемувањето на трошоците за живот, економската и енергетската криза. Како аргумент плус го посочуваат и тоа дека две минимални плати не се доволни да ги задоволат минималните трошоци на едно семејство. Минатата недела, презентираа и анализа која покажува дека зголемувањето на минималната плата не влијае негативно на фирмите и на нивната профитабилност, туку ја зголемува мотивираноста и продуктивноста кај работниците, а со тоа позитивно влијае и врз профитабилноста на компаниите.

Минималната плата беше воведена во јануари 2012 година, кога беше донесен Законот за минимална плата. Тогаш минималната плата изнесуваше 8.050 денари, освен за текстилната и кожарската индустрија, сектори во кои оваа сума беше достигната во 2015 година. Последната законски утврдена минимална плата беше во 2019 година, кога беше утврдена на 14.500 денари. Во меѓувреме со усогласувањето со трошоците на живот таа се искачи на околу 15 илјади денари.Висината на минималната плата во 2019 година беше усогласена по неколкумесечно преговарање преку социјален дијалог со сите социјални партнери, во договор и со синдикатите и работодавачите.

Како би се чувствувале кога вашите колеги би знаеле точно колку плата имате?

За некои тоа е непријатно, за други, како помладите вработени, тоа може да биде природен чекор кон поправедно работно место.

Една нова студија го поткрепува овој аргумент со податоци.

Деловно училиште на Универзитетот во Јута ги собра платите на речиси 100.000 академици со седиште во САД во осум држави во период од 14 години. Нивните наоди покажуваат дека транспарентноста на платите има големо влијание врз еднаквоста на платите особено во однос на полот и возраста.

Нееднаквоста на платите, исто така, падна за околу 20%, рече Облој, истакнувајќи дека транспарентноста на платите води до „компресија на платите“, при што сите плати во дадена организација стануваат послични. 

Ова се неколку причини зошто луѓето може да се двоумат да ви кажат колку заработуваат:

Едноставно кажано: Разговарањето за платата со колегите може да доведе до голема неправда ако некој открие дека заработувате повеќе пари отколку друг. Многу е често кога некогаш ќе имате двајца соработници кои имаат сосема иста работа и ниво на искуство, а земаа различна плата. Со други зборови, практично е невозможно да се споредуваат платите од човек до човек. Без разлика дали некој колега доброволно или случајно ќе ја сподели својата плата, не можете секогаш да верувате дека информациите се целосно вистинити. А во некои случаи, дури може да се работи за измама за да ве натера да се навредите.