Македонската претставничка на Евровизија, Андреа Коевска, на фотосесија во Торино прво се сликаше со македонското знаме, а потоа го фрли знамето на земја, за да се фотографира без него. Со реакција и осуда се јави Македонската Радио Телевизија.

Македонската Радио Телевизија најостро го осудува потегот на нашата претставничка на ‘Песна за Евровизија 2022‘, Андреа Коевска којашто за време на фотографирањето во Торино го фрли на земја државното знаме. Јавниот сервис на ниту еден начин не стои зад ваквото скандалозно однесување на нашата евровизиска претставничка, која со тој гест покажа непочитување кон националното обележје, што е казниво со закон, соопшти МРТ.

ЗАКОН ЗА УПОТРЕБА НА ГРБОТ, ЗНАМЕТО И ХИМНАТА НА РЕПУБЛИКА МАКЕДОНИЈА

Член 8

Грбот и знамето на Република Македонија, како и грбовите и знамињата на други држави и меѓународни организации кои се употребуваат во Република Македонија согласно со одредбите на овој закон, не смеат намерно да се кинат, палат, газат или на друг начин да се скрнават или изложуваат на презир или исмејување.

МРТ очекува од Андреа да им се извини на граѓаните за ваквото однесување. Јавниот сервис  ја разгледува можноста за нејзино повлекување од Евровизија, иако ќе се води сметка да не се предизвика поголема штета по МРТ.

Од МРТ додаваат дека против одговорните во македонската делегација ќе бидат преземени сите законски можности за најстрого санкционирање за овој скандал.

Наредба за работа подолга од полното работно време ТУКА

Побарувачката за работници во Германија сега е поголема од кога било, пренесува германската агенција ДПА.

Побарувачката за работници во Германија е поголема од кога било, пишува агенцијата ДПА. Подобрувањето на состојбата со корона вирусот во Европа придонесе за укинување на рестрикциите, а со тоа и пролетното заживување на пазарот на трудот. Зголемување на побарувачката за работници има и во април, пренесува Вечерњи.ба.

Недостигот од работници ги погоди речиси сите сектори, особено угостителството, пренесува „ДПА“. Вицепремиерот на Северна Рајна-Вестфалија Јоаким Стамп рече дека „недостигот на работници во некои сектори се заканува да ја убие економијата“. Тој смета дека е потребна брза правна промена на претходниот договор „за да им биде доволен договор за вработување со германска компанија за имигрантите како легален пристап до германскиот пазар на труд“.

Дополнително, треба да се укинат сите забрани за работа. „Не можеме да си дозволиме да одбиеме луѓе кои сакаат да работат“, рече Стамп, кој е и министер за семејство и интеграција во сојузната покраина Северна Рајна-Вестфалија, пренесува Хајат.

Експертот за пазарот на труд на конзервативната ЦДУ/ЦСУ во Бундестагот, Марк Биадак, повика на „проширување на законот за имиграција на квалификувани работници“. „Проблемот на германскиот пазар на труд не е невработеноста, туку самата невработеност е проблем“, рече Биадак, истакнувајќи дека недостигот на работна сила ги зголемува цените и го забавува закрепнувањето на германскиот пазар на труд, кој мора да стане поатрактивен за имигрантите.

ФОТО: EPA/CLEMENS BILAN

Во текот на вчерашниот ден санкционирани се 232 возачи за брзо возење на територија на Република Северна Македонија, информира Министерството за внатрешни работи.

Од нив 33 возила се движеле со брзина над 50 километри на час повеќе од дозволеното, а четири возила се движеле со дури над 70 километри на час. Притоа, 60 возачи ја пречекориле брзината во населено место, а 172 надвор од населено место, соопшти МВР.

Од Министерството додаваат дека засилените акциски контроли продолжуваат и во наредните денови и апелираат до учесниците во сообраќајот да ги почитуваат сообраќајните правила и прописи со цел побезбеден сообраќај.