Maкедонката Емилија Стојменова Дух ќе биде министерка за дигитализација во новата словенечка влада. 

Таа е професорка на Електротехничкиот факултет во Љубљана и е основач и директор на мрежата FabLab Slovenia и директор на Digital Innovation Hub (DIH) Slovenia. Активна е во иницијативата за „паметни села“, која се имплементира под чадорот на Европската комисија и Европскиот парламент. Стојменова Дух ја претставува Словенија во мултирегионален проект  на Стејт департментот на САД, кој избра 50 жени од целиот свет кои се на битни позиции во науката, технологијата и математиката. По завршување на вторa година во природно-математичката гимназија во Виница се преселила во Марибор, Словенија. Од Агенцијата за развој на кадри во Словенија  добива стипендија за програмата Меѓународна матура во Втората Гимназија во Марибор каде го завршува средното образование. Потоа студиите по електроинженерство ги продолжува на Универзитетот во Марибор и ги завршува како најдобар студент. 

Инаку, Роберт Голоб доби 41 од 90 пратенички места, наспроти 27 за Јанес Јанша, и очекува поддршка од други левичарски, зелени и центристички партии.

На 1 јануари 2023 куната заминува во историјата, по што Хрватска ќе го воведе еврото. 

Хрватскиот парламент вчера со мнозинство гласови го изгласа Законот за воведување на еврото како официјална валута во Хрватска. За гласале 117 пратеници, 13 биле против и 1 бил воздржан. Десничарските партии во хрватскиот парламент се спротивставија на воведувањето на еврото, бидејќи сметаат дека тоа ќе ја зголеми сиромаштијата и ќе изврши притисок врз граѓаните. Двете валути ќе се користат паралелно во месеците по официјалното воведување на еврото.

foto freepik.com

Одлука за испратнина за одење во пензија ТУКА

Зонското паркирање во Карпош ќе биде воведено летово.  Со него ќе стопанисува ЈП „Градски паркинг“. Овој период сообраќајните проекти се изработуваат во Општина Карпош кои потоа треба да бидат одобрени од Министерството за внатрешни работи.

За станарите паркирањето ќе биде бесплатно за две возила, додека за жители на други општини 1 час паркирање ќе чини 25 денари. Ќе има месечни карти од 800 денари за вработени, а за гости еден час паркирање ќе биде 10 денари.

Н аплата ќе се воведе во Карпош 1, Карпош 2, кај млечен ресторан и на улица Народен фронт кај Министерство за економија, велат од јавното претпријатие.

- Во овие делови кои гравитираат кон Центар станарите имаа проблеми, бидејќи тука не се наплаќа паркирање и голем број граѓани тоа го користат. Станарите не можат да си додјат дома и да најдат слободно место и затоа голем дел од нив се изјаснија дека сакаат да се воведе зонско паркирање, велат од претпријатието.

Од таму додаваат дека зонското паркирање ќе стартува летово или најдоцна до есен.

На седница на Советот на општина Карпош која се одржа изминатите денови во просториите на Универзитетот за туризам и менаџмент – Скопје, советниците дискутираа во врска со предлогот за регулирање на наплатата на комунална такса по основ, организирање на зонско паркирање на дел од јавните паркиралишта на подрачје на општина Карпош. Одлуката за воведување на Зонско паркирање беше усвоено со мнозинство гласови. 

Од политичката партија Левица се спротивставија на оваа одлука. Од таму сметаат дека роблемот на недостатокот на паркинг места треба да се се решава со проширување на постоечките паркинг зони и поставување на монтажни паркиралишта, а не со воведување
на зонско паркирање.