Кога мислите на сајбер безбедност, веројатно помислувате на врвни технолошки алатки кои се користат за да се заштитат податоците на компаниите од надворешни напади. Но, вистинската закана можеби е помалку техничка отколку што сфаќаат повеќето организации тоа е: старата добра човечка грешка.

Над 80% од сите споделувања на податоците на компанијата се предизвикани од луѓе, според неодамнешниот извештај на платформата за ресурси за сајбер безбедност SANS. Од овие прекршувања, најпопуларниот вид вклучува измами со фишинг и компромиси за деловна е-пошта - кога луѓето се манипулирани од напаѓачот за да обелоденат деликатни информации.

Но, само вработените не треба да ја преземат целата вина. Компаниите исто така играат улога со ненавремена обука на своите вработени.

Решението е инвестирање толку многу ресурси во ангажирање на кадар за свесност на безбедноста со искуство во комуникациите и управувањето со луѓе, наместо само технологија.

Советниците на градскиот Совет ќе можат на продолжението на последната седница да се изјаснат за предлогот на градоначалничката Данела Арсовска за изменување на Програмата за активностите на Градот Скопје од областа на средното образование во 2022 година, каде една од предложените измени е и бесплатниот превоз за средношколците.

Па така, за организирање и спроведување на бесплатниот ученички превоз, наместо превидените 42 милиони денари, се предлага да се наменат 92 милиони, односно 50 милиони денари повеќе, кои, како што се наведува би се обезбедиле од повеќе ставки од градскиот Буџет.

На овој начин со средства од Основниот Буџет на Град Скопје се овозможува користење на бесплатен јавен превоз на сите ученици од средните училишта на Град Скопје во текот на целиот летен распуст. Со бесплатниот ученички превоз ќе се унапреди и олесни извршувањето на бројните воннаставни активности на учениците, нивните обврските за посетување феријална пракса, за дополнителна и подготвителна настава и за други спортски активности и потреби за движење. Истовремено со овој проект дополнително се олеснува товарот врз семејните буџети на сите ученици запишани во средните училишта на Градот Скопје, се вели во образложението на предложените измени на Програмата, пренесе Слободен печат.

Советот за сообраќај на Град Скопје определи три тарифи за такси-превозот во град Скопје, а по која ќе се наплатува, ќе зависи од тоа дали цената на бензинот ќе расте или ќе се намалува.

За тарифите треба да се произнесат советниците на наредната седница на Советот, која треба да се одржи на 11 јули, откако претходната беше прекината.

Оттаму појаснуваат дека првата тарифа е старата по која таксистите возат веќе 11 години и е 40 денари старт и 25 денари за секој изминат километар, како и чекање во место за еден час 300 денари.

Втората тарифа е 50 денари старт и 30 денари за секој изминат километар, како и 420 денари чекање во место за еден час, што ќе биде, всушност, и новата цена по која ќе возат таксистите.

Третата тарифа е 60 денари старт и 35 денари за секој изминат километар, како и 480 денари чекање во место за еден час

Овие три тарифи веќе биле усогласени и прифатени од Асоцијацијата на легални таксисти, Синдикатот на таксисти и Групацијата на автотакси-превозници.

Цените во предложените тарифи се оптимизирани со цените на горивата, при што предвид се земени и финансиската моќ на корисниците на услугите, пазарните услови, општата економска состојба на државата, како и финансиската исплатливост во дејноста, се наведува во образложението на предлог-одлуката за изменување и дополнување на Одлуката за автотакси-превоз на патници на подрачјето на градот Скопје и се додава дека причина за пристапување кон предложените измени е зголемувањето на цената на горивата, како и официјалните барања доставени до Град Скопје од страна на такси-компании и здруженија.

Од УХМР известуваат дека утре во текот на денот под влијание на влажен бран, најпрвин во западните, а во текот на ноќта и во сабота претпладне и во останатите подрачја ќе има врнежи од дожд, кои на места ќе бидат обилни (10 до 20 л/м2).

Локално процесите ќе бидат во форма на невреме со силни електрични празнења, интензивен пороен дожд (над 35 л/м2), град и силен ветер (над 60 км/час). Температурата ќе опадне за 7 до 9 степени.

Во Скопје од утре попладне, во текот на ноќта и во сабота претпладне ќе има врнежи од дожд кои во делови од котлината повремено ќе бидат обилни и поројни проследени со грмежи и засилен ветер во форма на невреме.

Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.