Во земјава моментално се активни над пет илјади случаи со Ковид-19 и таа се наоѓа во жолта зона, а Комисијата за заразни болести засега не препорачува нови мерки.

Според министерот за здравство Беким Сали, ако се земат предвид моменталните бројки во сите инфективни одделенија во државава и искуствата од минатото, ситуацијата со пандемијата во државава е се уште „оптимистичка“.

– Ние забележуваме секојдневно благо зголемување на новоинфицирани во државата, Скопје се уште е жариште, односно црвена зона. Меѓутоа, од аспект на оптоварување на системот се уште сме во жолта зона, појасни Сали, вчера на отворањето на реновираниот Хируршки Ургентен Центар во склоп на ЈЗУ УК „ТОАРИЛУЦ“.

Апелира граѓаните со хронични болести да се вакцинираат со трета и четврта доза од вакцините против Ковид-19.

Согласно податоците од Институтот за јавно здравје, објавени вчера, направени се 1.602 тестови, а регистрирани се нови 855 случаи со Ковид-19 и 683 оздравени пациенти. Од вкупниот број на позитивни 22 проценти или 189 се реинфекции.

Во вчерашниот билтен не се пријавени починати лица. Согласно регистарот на умрени лица со дијагноза Ковид-19 од „Мој Термин“ се регистрирани две починати лица, по едно починато лице од Битола (85г) и Кочани (71г), двете лица се починати во болнички услови, лицата за починати се пријавени во период од 22.07-27.07.2022 година, соопшти вчера Министерството за здравство.

Според епидемиолошки анализи во моментов од 5 196 активни случаи, најголемиот дел или 43 проценти се во главниот град – Скопје. Во Битола има 441, потоа следат Прилеп – 271, Охрид - 263 и Куманово – 245.

Во Црна Гора, поради влошување на епидемиолошката состојба предизвикана од коронавирусот, во следните 15 дена ќе биде задолжително носење заштитни маски, а здравствените власти уште еднаш апелираа до граѓаните да се вакцинираат против Ковид-19.

Поради зголемувањето на бројот на заболени и хоспитализирани лица, директорот на Институтот за јавно здравје Игор Галиќ изјави дека е воведено задолжително носење заштитни маски во сите институции на јавната администрација, продавници за храна, аптеки и бензински пумпи.

Во Португалија носењето заштитни маски во јавниот превоз поради Ковид-19 останува задолжително барем до крајот на август, одлучија вчера португалските власти.

Кинеските здравствени власти водат посебна статистика за асимптоматски случаи на инфекција со коронавирусот. Во Кина, како што соопштија тамошните здравствени власти, во изминатите 24 часа регистрирани се 564 нови случаи на зараза со коронавирус од кои 109 симптоматски и 455 асимптоматски.

Приходите од наплата на патарина на Јавното претпријатие за државни патишта (ЈПДП) во првиот квартал годинава изнесуваат 581.137.560 денари, односно 16,37 проценти од вкупно планираниот приход во тој основ за 2022 година.

Во споредба со истиот период лани приходот од патарини е поголем за 6,81 процент, односно за 37.070.841 денар, покажува Извештајот за финансиското работење на ЈПДП за првиот квартал годинава.

Од делот од акцизата од нафтени деривати приходите на ЈПДП во првиот квартал годинава изнесуваат 992.499.126 денари, односно 21,34 проценти од планираните за годинава.Приходот по тој основ во првите три месеци од годинава споредено со истиот период лани се зголемени за 50,54 проценти, односно за 333.191.925 денари.

Според извештајот на ЈПДП, приходите од надоместот за употреба на јавните патишта за моторни и приклучни возила (патна такса) што се наплаќа при регистрација на возила изнесуваат 406.271.881 денар, или над 19 проценти од планираните средства за годинава.

Во периодт јануари-март годинава во споредба со истиот период лани ЈПДП има оставрено повеќе приходи за 386.856.456 денари.

Мијалник до кој не може ни да се приближите поради ѓубрето, валканите WC школки и урината на подот, сето тоа го забележал згрозен читател на Задарски.хр, кој ги обезбеди фотографиите

По гламурозната прослава на отворањето на Пељешкиот мост минатиот вторник, излегоа и не толку гламурозни фотографии од јавниот тоалет кој се наоѓа недалеку од влезот на мостот.

Мијалник до кој не може ни да се приближи поради ѓубрето, валканите WC школки и урината на подот, сето тоа го виде згрозениот читател кој ги обезбеди фотографиите.

Влезот на Пељешкиот мост, гордоста на хрватската држава и ова. Да имаше некој емотикон да покаже како се чувствувам, тоа ќе беше, извинете, - знакот „помочан“! Сè уште ја чувствувам смрдеата на урината и еден час откако го напуштив овој (тогаш) толку потребен објект - раскажува читателот за Задарски.хр.

Извор и фото: Задарски.хр и 24 сата.хр принтскрин

Првите постпандемиски пописи на населенијата во земјите од регионот покажаа загрижувачки бројки.

Исчезнување на населението

Доколку се спореди пописот од 1991-ва година со последните достапни бројки за земјите од регионот, видливо е дека бројот на населението значително се променил.

Гледајќи збирно, само во Србија, Хрватска и Босна и Херцеговина денеска живеат 2,3 милиони луѓе помалку отколку во 1991-ва година.

Србија на последниот попис на населението направен во 2011-та година броела 7.186.862 жители. Со пописот не е опфатена територијата на Косово, а делумно е нецелосен резултатот и поради бојкотот на пописот во Прешево, Бујановац и Медвеџе.

Ако тоа се спореди со бројката од 1991-ва година (7,8 милиони), јасно е дека Србија за 20 години изгубила 650.000 жители. Се очекува дека пописот во октомври 2022-та година ќе покаже дека таа бројка е поголема, а многу аналитичари сметаат дека се големи шансите Србија да падне под седум милиони жители.

Хрватска денес има 3.888.528 жители, што е речиси 900.000 помалку отколку во 1991-ва година.

Според првиот повоен попис во 2013-та година, Босна и Херцеговина има 3,5 милиони жители. Тоа значи дека во период од 22 години, бројот на жители се намалил за 834.000.

Македонија во 2022-ра година, по 19 години спроведе попис на населението. Тој откри дека во тој период државата изгубила речиси 190.000 луѓе. Бројот на жители не се менувал значајно до 1991-ва до 2002-ра година (11.000 помалку).

Пописот во Словенија открил дека бројот на жители во 2011-та година бил поголем отколку во 1991-ва година, за речиси 100.000 жители.

Во Црна Гора во 2011-та година живееле 5.000 повеќе луѓе отколку во 1991-ва.

Хрватска во една деценија "изгубила" речиси 400.000 жители, додека Македонија за две децении изгубила 185.000 жители, пишува "Al Jazeera Balkans".

Со увид во статистичките записи, јасно е дека на просторите на поранешна Југославија денес живеат речиси 2,7 милиони луѓе помалку отколку во 1991-ва година.

Со оглед на тоа дека за повеќето држави од регионот резултатите од новите пописи ќе дојдат оваа и следната година, таа бројка веројатно надминува три милиони.

Пописот од 1991-ва година, спроведен во време кога почнувале војни на просторите на поранешната држава, бил повторен во некои поранешни републики кои стекнале независност за да се утврди официјалниот резултат.

Според пописот од 1991-ва година, убедливо најбројна југословенска република била Србија со речиси 9,8 милиони жители. Во Србија без Косово и Војводина живееле 5.808.906 жители, во Војводина 2.031.992, додека таа бројка за Косово всушност е проценка на Статистичкиот завод, бидејќи повеќето Албанци од Косово го бојкотирале пописот. Според таа евиденција, во Србија без територијата на Косово живееле 7,8 милиони жители.

Хрватска во 1991-ва година имала речиси 4,8 милиони жители, а Босна и Херцеговина 4.365.369.

Македонија тогаш броела нешто повеќе од два милиони жители, а Словенија речиси два милиони.

Поранешна република со најмал број на жители била Црна Гора - со 615.000 жители.

Војни, природен раст и заминување на Запад

Страшниот период на војни на просторите на поранешна Југославија е еден од клучните фактори кој влијаел на намалувањето на бројот на жители во 90-тите како и на големиот број интерно раселени.

Меѓународниот центар за транзициска правда проценува дека во војните во поранешна Југославија загинале вкупно 140.000 луѓе, а дека четири милиони станале бегалци.

Најголема штета претрпела Босна и Херцеговина. Се проценува дека во оваа држава во војната животот го загубиле 100.000 луѓе. Најголеми загуби претрпеле Бошњаците и се смета дека биле убиени околу 64.000 луѓе, што е три проценти од нивната вкупна популација во однос на пописот од цела Југославија во 1991-ва година.

Се проценува дека војната на подрачјето на Хрватска однела 20.000 животи, а на подрачјето на Косово 13.500.

Сепак, воените дејствија не можат да го објаснат исчезнувањето на населението кое се забележува на последните пописи.

Сепак, можеби клучна и најболна причина за големиот пад на населението е огромниот број на луѓе кои заминуваат од Западен Балкан.

Младите и се почесто цели семејства, често не само поради финансиски причини, заминуваат во земјите од западна Европа, со карта во една насока во џеб, додека земјите од Балканот се повеќе стануваат земји на стари луѓе.