Винаријата Тиквеш е основана во 1885-та година, која претставува предводник во македонската винска индустрија, како и најстарата и најголемата винарница во регионот. Стручниот тим на Тиквеш од енолози претставува комбинација на долгогодишно меѓународно и локално искуство и соработува со Филип Камби, еден од најпознатите и најдобрите вински консултанти во светот.

Моментално ги има следниве работни позиции за вработување:

СОРАБОТНИК ЗА ВИНСКИ ПРОМОЦИИ И ПРЕЗЕНТАЦИИ
СОРАБОТНИК ЗА ПРОДАЖБА НА ИНТЕРНАЦИОНАЛНИ ПАЗАРИ
СОРАБОТНИК ЗА МАРКЕТИНГ
БРЕНД МЕНАЏЕР

Сите огласи за повеќе информации видете ги ТУКА!

Се почето сме сведоци на кражби на автомобили на бензинските пумпи, паркинзите па дури и во приватните гаражи. Билтенот секојдневно покажува барем по една кражба, а често грешката за тоа е кај нас самите.

Веројатно нема да ви се верува, но овој е еден од начините на кои во соседството се крадат автомобили, и тоа е еден многу едноставен трик за кој нема да бидете ниту свесни колку може да биде штетен.

На „Јутуб“ пред некоја година се појави  видео на кое се гледа како двајца кратци „оперираат“ во заедничка мисија. Најпрво едниот лепи лист на еден од прозорците додека другиот чека во скриена позиција и ви го краде автомобилот кога ќе излезете од него за да го извадите залепениот лист.

Погледнете го видеото и внимавајте доколку се најдете во слична ситуација:

Во земјава моментално се активни над пет илјади случаи со Ковид-19 и таа се наоѓа во жолта зона, а Комисијата за заразни болести засега не препорачува нови мерки.

Според министерот за здравство Беким Сали, ако се земат предвид моменталните бројки во сите инфективни одделенија во државава и искуствата од минатото, ситуацијата со пандемијата во државава е се уште „оптимистичка“.

– Ние забележуваме секојдневно благо зголемување на новоинфицирани во државата, Скопје се уште е жариште, односно црвена зона. Меѓутоа, од аспект на оптоварување на системот се уште сме во жолта зона, појасни Сали, вчера на отворањето на реновираниот Хируршки Ургентен Центар во склоп на ЈЗУ УК „ТОАРИЛУЦ“.

Апелира граѓаните со хронични болести да се вакцинираат со трета и четврта доза од вакцините против Ковид-19.

Согласно податоците од Институтот за јавно здравје, објавени вчера, направени се 1.602 тестови, а регистрирани се нови 855 случаи со Ковид-19 и 683 оздравени пациенти. Од вкупниот број на позитивни 22 проценти или 189 се реинфекции.

Во вчерашниот билтен не се пријавени починати лица. Согласно регистарот на умрени лица со дијагноза Ковид-19 од „Мој Термин“ се регистрирани две починати лица, по едно починато лице од Битола (85г) и Кочани (71г), двете лица се починати во болнички услови, лицата за починати се пријавени во период од 22.07-27.07.2022 година, соопшти вчера Министерството за здравство.

Според епидемиолошки анализи во моментов од 5 196 активни случаи, најголемиот дел или 43 проценти се во главниот град – Скопје. Во Битола има 441, потоа следат Прилеп – 271, Охрид - 263 и Куманово – 245.

Во Црна Гора, поради влошување на епидемиолошката состојба предизвикана од коронавирусот, во следните 15 дена ќе биде задолжително носење заштитни маски, а здравствените власти уште еднаш апелираа до граѓаните да се вакцинираат против Ковид-19.

Поради зголемувањето на бројот на заболени и хоспитализирани лица, директорот на Институтот за јавно здравје Игор Галиќ изјави дека е воведено задолжително носење заштитни маски во сите институции на јавната администрација, продавници за храна, аптеки и бензински пумпи.

Во Португалија носењето заштитни маски во јавниот превоз поради Ковид-19 останува задолжително барем до крајот на август, одлучија вчера португалските власти.

Кинеските здравствени власти водат посебна статистика за асимптоматски случаи на инфекција со коронавирусот. Во Кина, како што соопштија тамошните здравствени власти, во изминатите 24 часа регистрирани се 564 нови случаи на зараза со коронавирус од кои 109 симптоматски и 455 асимптоматски.

Приходите од наплата на патарина на Јавното претпријатие за државни патишта (ЈПДП) во првиот квартал годинава изнесуваат 581.137.560 денари, односно 16,37 проценти од вкупно планираниот приход во тој основ за 2022 година.

Во споредба со истиот период лани приходот од патарини е поголем за 6,81 процент, односно за 37.070.841 денар, покажува Извештајот за финансиското работење на ЈПДП за првиот квартал годинава.

Од делот од акцизата од нафтени деривати приходите на ЈПДП во првиот квартал годинава изнесуваат 992.499.126 денари, односно 21,34 проценти од планираните за годинава.Приходот по тој основ во првите три месеци од годинава споредено со истиот период лани се зголемени за 50,54 проценти, односно за 333.191.925 денари.

Според извештајот на ЈПДП, приходите од надоместот за употреба на јавните патишта за моторни и приклучни возила (патна такса) што се наплаќа при регистрација на возила изнесуваат 406.271.881 денар, или над 19 проценти од планираните средства за годинава.

Во периодт јануари-март годинава во споредба со истиот период лани ЈПДП има оставрено повеќе приходи за 386.856.456 денари.