Вицепремиерот за економски прашања, Кочо Анѓушев на средбата со претседателот на Европската енергетска заедница, Јанез Крпач, ја расчистил дилемата во јавноста околу евтината тарифа за електрична енергија и постигнал договор како да се воведе, истовремени исполнувајќи ги сите стандарди кои што се барани од Европската унија.

Евтината тарифа на струјата е мерка што беше во предизборната програма на владејачката партија и воедно дел од програмата на оваа влада. Беше кажано дека ќе се воведе евтина тарифа во текот на дневните часови. Вие знаете дека евтината тарифа денеска е само во недела и во текот на ноќните часови. Таа ќе биде воведена и во текот на дневните часови во период од 2 часа, како и во сабота за која ќе важи истото како за секој друг работен ден. Односно евтината тарифа ќе се врати на истиот начин како што граѓаните на Македонија ја знаеја во претходните години, наназад со децении, најави Ангушев.

Малта, Рим и Ваксјо, Швајцарија се трите нови дестинации кон кои ќе се воспостави директна авионска линија од скопскиот аеродром.

ТАВ Македонија и авиокомпанијата „Виз ер“ денеска ќе го означи отпочнувањето со летовите на овие три нови авиолинии.

„Виз ер“ го почна првиот лет од Македонија во јуни 2011 година и нуди 29 линии до 13 земји.

Министерството за финансии официјално ќе се обрати до PayPal и ќе ја отпочне постапката за воведување на услугата „прием на пари” (receive) во Македонија преку платежниот сервис PayPal, соопштија од иницијативата која се покрена на почетокот од месецот. Со ова ќе се овозможи македонските граѓани и фирми да продаваат свои производи и услуги на светските пазар и да вршат прием на плаќања преку PayPal. 

Добро е да се почне со PayPal бидејќи овој сервис е широко распространет, нуди сигурност на купувачите и со тоа македонските производи и услуги стануваат поатрактивни, и може да се продава дури преку електронски пораки,  изјави Венко Глигоров, водач на иницијативата за PayPal и управител на Логин Системи.

На македонскиот претприемач треба да му биде едноставно и ефтино својот производ или услуга да ги понуди на светскиот пазар. Десетте најпопуларни веб решенија за електронска трговија во светот имаат можност за сервисот PayPal. Покрај воведувањето на услугата, институциите може да направат популаризација за овие можности во македонската економија, додаде тој.

На средбата која се одржа во Министерството за финансии, присуствуваа претставници од Министерството за финансии, Народната банка на РМ, министерствата за Економија и Информатичко општество и претставници од 4 деловни банки во Македонија.

Од иницијативата велат дека банките покажале спремност за воведување на оваа услуга. Регулативата на Народната банка на РМ нема ограничувања за користење на PayPal за продажни места во Македонија. И од Министерството за економија потврдиле дека регулативата не спречува продажба и користење на PayPal за уплати.

Бидејќи македонската валута ја нема на листата на валути во PayPal, истакнувањето на цените на продажните места најверојатно би било во евра. Со тоа би се создала евентуална пречка за користењето на PayPal во рамките на Македонија помеѓу македонските резиденти (субјекти). Затоа, ако не се смени дел од регулативата за девизен режим, PayPal прво би се користел за прием на пари при продажбата на странските граѓани и фирми2, појаснуваат од иницијативата.

На средбата сите ја истакнале потребата Македонија да се отвори и за другите платежни сервиси како Страјп (Stripe), Скрил (Skrill) и други.

PayPal е корисна работа за сите и Мининстерството за финансии ќе се заложи PayPal да се воведе во Македонија, изјави Бранимир Јовановиќ, советник на министерот за финансии.

Иницијативата за PayPal за продажни места ја побараа преку 1000 физички и правни лица и таа беше доставена до Министерството за финансии на 29 јуни.

LG конечно го претстави малиот LG Q6, кој е првиот модел од Q-серијата од средна класа, нудејќи добар телефон со конкурентна цена. Главна предност е неговиот инвентивен FullVision дисплеј , со тенки алуминиумски рамки.

LG Q6 доаѓа во три варијанти: Првиот е со 5.5-инчен дисплеј со FHD+ резолуција и 1080 x 2160 пиксели, 8 јадрен Snapdragon 435 процесор, и Adreno 505 графички процесор. LG Q6+ има 4GB RAM/64GB меморија и достапен е во Astro Black, Ice Platinum и Marine Blue бои. LG Q6 доаѓа со 3GB RAM/32GB меморија и боите: Astro Black, Ice Platinum, Mystic White и Terra Gold. LG Q6a (стилизираниот Q6α) има 2GB RAM/16GB меморија и достапен е во Astro Black, Ice Platinum и Terra Gold боја.

Сите три верзии на LG Q6 се со 13MP задна камера и 5MP предна камера, што снимаат под агол од 100 степени. Модулот за снимање во коцка овозможува да правите колаж од слики, направен од неколку коцки. LG Q6 телефоните имаат Android 7.1.1 оперативен систем, со LG UX 6.0 кориснички интерфејс, кој има технологија за препознавање на лицето, со што по брза постапка го отклучува телефонот. Капацитетот на батеријата изнесува 3000mAh, што значи дека е доволно за да го држи телефонот вклучен цел ден.

LG Q6 доаѓа во Европа во август, за кого се уште цената е непозната, но прогнозираме дека нема да биде висока.