Желбата за поголем профит на угостителите го наруши имиџот на земјава. Високите цени за сместување и откажувањето на резервации за поголем профит, на неколку недели до одржувањето на Суперкупот, веќе избркаа голем број на странски навивачи кои за спектаклот наместо во Скопје, ќе се сместат во соседните држави.

Поради ваквата постапка на хотелиерите земјава се најде и во странските медиуми. Тоа пак ги натера Скопјани да помогнат да се смени сликата. Покренаа иницијативи преку социјалните мрежи за бесплатно сместување на странските навивачи. Од фан клубот на Манчестер Јунајтед велат дека по нивната акција на социјалната мрежа Фејцбук, добиле стотици пораки од фанови кои бесплатно ќе ги сместат странските гости.
„Добивам преку сто пораки да им се помогне за сместување, дури и бесплатно ќе ги сместиме.“ – вели Васко Кочковски – МУСЦ-Македонија.
На акцијата се приклучи и актерката Софија Куновска, која на својот фејсбук профил понуди дека ќе обезбеди две бесплатни ноќевања за странски туристи во нејзиниот дом. За цените за Суперкупот и откажувањето на резервациите од хотелите реагирале и амбасадите во земјава откако до нив стигнале поплаки од фанови кои сакале да дојдат во Македонија.
Па така, 40-тина фанови кои треба да пристигнат од Словенија за суперкупот, велат откако им била откажана резервацијата, своето незадоволство го изразиле во амбасадата во Скопје, од каде реагирале до хотелите, по што сопствените на хотелите сепак се премислиле и не ги откажале резеврациите.
„Тоа го пренесовме и во нашата амбасада во Скопје, им раскажавме што се случува. Ја пропатував цела Европа и вакво нешто не сум видел.“ – вели Мартин Стебловник – Фан од Словенија.
Дека цените се превисоки потврдуваат и од Здруженитето на угостителство и туризам. Од таму велат дека постојано апелирале до хотелите да ги намалат цените бидејќи така се оставал лош впечаток не само за земјава туку и за добивање на големи настани како суперкупот и во иднина.
„Во моментов сме ставени на голем испит, како сега ќе се покажеме трака ќе добиеме следен настан од големите сојузи и федерации кога зборуваме за спортот.“ – вели  Горан Дамчевски – Заменик претседател на здружение за туризам и угостителство
„Цените се превисоки, не ги знаеме цените за сите хотели и не треба да зборуваме паушално. Но, тоа е ризик за секој хотел.“ – вели Славе Сирачевски – заменик претседател на здружение за туризам и угостителство.
Цени од 500 до 2.000 евра за ноќевање во хотелите во Скопје, можеа да се видат на „онлајн“ страниците за резервација уште пред повеќе од еден месец од одржувањето на Супер купот. Во моментов, сместување и ноќевање за двајца на осми август може да се пронајде од 400 евра, па сe до суми кои достигнуваат цифри и до 1.500 евра.

Државниот инспекторат за труд донесе решение за забрана за работа на Агенцијата за посредување при вработување во земјата и странство „Венера Кемаловски’’ од Битола.

Забраната е во траење од триесет дена, а инспекторатот ќе поднесе барање за поведување прекршочна постапка.

Вонредните инспекциски надзори беа извршени на 5 и на 14 јули по објавените информации дека група студенти биле измамени за работа во Германија од страна на оваа агенција.

На 2628 странци лани им се издадени дозволи за работа во БиХ, покажуваат податоците од Агенцијата за работа и вработување во БиХ. 

Работници во БиХ имало од Србија, Турција, Хрватска, Кина и Италија. 

Врз основа на податоците може да се заклучи дека работодавците ќе мораат да увезуваат работници затоа што домашните работници заминуваат во странство. 

Од вкупниот број на издадени дозволи, 60% се за работа во трговија. 

Има голем број дозволи за преработувачката индустрија, 430, за работа со недвижнини се издадени 278 дозволи и за во образование имало 246 дозволи. 

Лани во БиХ дошле поради работа 752 граѓани на Србија, 322 од Турција, 197 од Хрватска, 170 од Кина и 128 од Италија. 

Во Хрватска денеска на сила стапи закон за субвенционирање станбени кредити со кој е предвидено државата 4 години да плаќа половина од ратата за кредит на млади брачни парови за купување прв стан или куќа.

Доколку во тој период добијат дете рокот ќе се продолжи за две години.

Со законот се овозможува купување нови и стари станови или куќа чија вредност не надминува 1.500 евра по квадрат.

Државата кофинансира кредити што не надминуваат 100.000 евра.

Со банките е договорено ефективната каматна стапка на тие кредити да не надминува 3,75 отсто годишно.