Кинески научници развија маска што предупредува на изложеност на коронавирус или грип, се наведува во студијата водена од шестмина научници од универзитетот Тонги во Шангај, објавена во научното списание Матер.

Сензорот вграден во маската може да ги детектира вирусите Ковид-19, Х5Н1 и Х1Н1 во рок од десет минути и да испрати известување до уредот, кој е надвор од маската и има литиумска батерија. Симулирано е веројатно сценарио каде некој зборува или кашла тогаш сензорите реагираа и испраќаат предупредувања до безжични уреди како што се телефоните.

Претходните истражувања покажаа дека маските го намалуваат ширењето на вирусот. Затоа сакавме да направиме маска што корисниците ги предупредува на присуство на вирус во воздухот, изјави Јин Фанг од Универзитетот Тонги и еден од авторите на студијата.

Како што тврдат истражувачите, најдобро е уредот да се користи во затворени простории, каде висок е ризикот од зараза. Се работи на тоа да се намали времето за детекција и на чувствителноста на уредот што по потреба, може да се конфигурира за различни вируси.

Регулаторната комисија за енергетика и водни услуги на Република Македонија донесе Одлука со која се врши намалување на малопродажните цени на нафтените деривати во просек за 1,00% во однос на одлуката од 19.09.2022 година.

Малопродажната цена на ЕУРОДИЗЕЛ (Д-Е V) се намалува за 2,00 ден/лит.

Малопродажната цена на Екстра лесното масло за домаќинство на (ЕЛ-1) се намалува за 2,50 ден/лит и сега ќе изнесува 86,50 ден/лит.

Малопродажните цени на бензините  ЕУРОСУПЕР БС-95 и ЕУРОСУПЕР БС-98 и на Мазутот М-1 НС не се менуваат.

Од 22.9.2022 година од 00:01 часот максималните цени на  нафтените деривати ќе изнесуваат:

• Моторен бензин  ЕУРОСУПЕР БС – 95  84,50 (денари/литар)
• Моторен бензин  ЕУРОСУПЕР БС – 98    87,00  (денари/литар)
• Дизел гориво   ЕУРОДИЗЕЛ БС (Д-Е V)     90,00 (денари/литар)
• Масло за горење   Екстра лесно 1 (ЕЛ-1)    86,00 (денари/литар)
• Мазут М-1 НС    50,391 (денари/килограм)

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,552%, кај дизелот за 4,177%, кај екстра лесното масло за 4,421%  и кај мазутот намалување е за 1,503%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,519%.

Напоменуваме дека ова се максималните цени на нафтените деривати од 00:01 часот на 22.9.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна.

Напуштањето на работата може да изгледа како голема одлука и има многу причини поради кои може да одлучите дека е вистинското време. Можеби ќе бидете заинтересирани да истражувате друга индустрија или ќе бидете возбудени од нов предизвик. Или можеби се чувствувате незадоволни од вашата моментална улога. 

Можеби е време да се откажете од работата кога веќе не сте мотивирани да ги завршувате секојдневните задачи, се чувствувате преморени или сакате да ја прoминете вашата моментална позиција во понапредна. Ова се неколку знаци дека можеби е време да ја напуштите работата и да добиете подобра која поефективно ги задоволува вашите потреби:

• Кариерата не ви е повеќе предизвик;
• Со години сонувате да работите нешто друго;
• Лошо влијае на вашето здравје;
• Вашите вредности и приоритети се променети;
• Немате повеќе страст кон тоа што го работите.

Без разлика како се чувствувате кон вашата компанија или шеф кога давате отказ покажете почит за вашето време таму. Ова не значи дека не треба да ги надминете недоразбирањата или да бидете неискрени.Тоа само значи дека треба да се фокусирате на добрите работи што сте ги искусиле во работата и да одржувате став на позитивност во текот на целиот процес.

Шефот на една компанија го отпуштил својот вработен бидејќи излегол од работа две минути порано. Шефот го начекал вработениот на паркингот и го известил за отказот.

Според медиумите во Австрија, вработениот работел како инженер за продажба во компанија за висока технологија. Со оглед на тоа што неколку пати бил ангажиран и за техничка поддршка, едвај му останало време за вистинската задача, односно грижата за клиентите.

Тој го предупредил шефот на компанијата за проблемот, но му било кажано дека може да работи прекувремено, а доколку тоа не му успее, може да се грижи за своите клиенти во слободното време. Десет часа прекувремена работа месечно и онака е „нормално“.

Меѓутоа, дотогаш вработениот веќе работел повеќе од 130 часа прекувремена работа. Кога истиот ден, на крајот од нормалното работно време во фирмата, вработениот отишол да пазари до најблискиот супермаркет, на паркингот го пречекал неговиот шеф, кој на лице место го известил за отказот, објаснувајќи дека тој веќе се одјавил од работа во 16:28, значи 2 минути прерано.

Дополнително, директорот на компанијата побарал итно враќање на клучот од службениот автомобил. Не обрнал внимание на зборовите на вработениот дека во возилото се‘ уште има лични работи.

Без автомобил и без цент за да купи барем автобуска карта, целосно збунетиот вработен морал да чека час и половина за да дојде неговата девојка да го земе. Веднаш стапил во контакт со Работничката комора. Меѓутоа, интервенцијата кај работодавачот поради неоправдано отпуштање била неуспешна. Компанијата дури се спротивставила на писмото за интервенција.

Вака случајот заврши пред судот за труд и социјала, за кој АК Долна Австрија на човекот му даде бесплатна правна заштита за да поднесе тужба против отказот. „Преплаќањето на колективниот договор не е билет со кој се овозможува слободно отстранување на вработените. Само шест прекувремени часови месечно се компензираат со плата“, вели претседателот на АК Долна Австрија и претседател на ÖGB Долна Австрија, Маркус Визер.

Дури пред усната расправа директорот сфатил дека губи со својата позиција. Затоа се обврзал да ја врати прекувремената работа и отпремнина од 8.370 евра, кои биле побарани како резултат на неоправданиот отказ, пишува Феникс Магазин.

Фото: unsplash