Продолжува тенденцијата на зголемена купопродажба на станови во земјава. Дека интересот за купување станови не стивнува покажуваат и податоците од Агенцијата за катастар на недвижнини на Македонија.

Во последниот објавен квартален извештај на Агенцијата може да се види дека во првите три месеци од годинава се направени повеќе договори за купопродажба на недвижен имот во споредба со истиот период минатата година.

Имено, во првиот квартал од 2022 година, во базата на Регистарот на цени и закупнини се регистрирани 8.012 трансакции, од кои 5.919 продажби на недвижности и 2.093 закупи на недвижен имот. Притоа вкупната вредност од купопродажба на недвижности достигнува 218 милиони евра.

- Споредбено по месеци од овој квартал може да се забележи дека најголем број трансакции има во март, односно во Регистарот на цени и закупнини се регистрирани 3.267 трансакции. Најмалку трансакции се регистрирани во јануари, и тоа 2.091, додека во февруари се регистрирани 2.654 трансакции. Доколку се разгледа обемот на трансакции по месеци и по тип на трансакција, може да се заклучи дека најголем број купопродажби се регистрирани во март, односно 2.437 купопродажби, исто така најмногу регистрирани закупи се евидентирани во март т.е. 830 закупи - се посочува во извештајот.

Целиот текст прочитајте го на Фактор.мк

ВАБТЕК е светски позната водечка компанија од областа на железничката индустрија која произведува локомотиви и друга опрема за возови, трамваи и шински возила. Почетоците на компанијата датираат од далечната 1869 година во САД кога е формирана од страна на познатиот американски изумител Џорџ Вестингхаус, близок пријател и соработник на Никола Тесла. Низ текот на годините, ВАБТЕК прераснува во лидер во своjата област и во моментов е рангирана на листата на Fortune 500 набјогати компании во светот, присутна во повеќе од 50 држави и вработувајќи повеке од 27.000 лица од целиот свет.

Bo својт производствен погон во Скопје, ВАБТЕК произведува сопирачки системи за товарни и патнички возови и шински возила и вработува повеќе од 320 лица.

Кочниците на ВАБТЕК Скопје се користат низ целиот свет, од далечните Кина и Индија, преку најголемите западно-европски држави како Италиjа, Германиjа, Франциjа до егзотичните Бразил, Мексико и Јужна Африка.

Темелните вредности на ВАБТЕК се клучниот аспект кој го разликуваат ВАБТЕК од останатите компании. Една од темелните вредности е „Безбедноста пред се" - мото кое значи безбедна и здрава работна средина за сите. Грижата за вработените и нивната безбедност е топ приоритет на компанијата. Освен за безбедноста, ВАБТЕК се грижи и за мотивираноста на своите вработени преку нивен постоjан кариерен развој, одржување на конкурентно ниво на плати и останати додатоци и надоместоци, учество на броjни спортски активности и настани кои не само што го градат тимскиот дух туку и служат за поттикнување на здрав начин на живот. Неодамна компанијата во своите објекти отвори и просторија за спорт и рекреација на вработените во која тие може да ја поминат својата дневна пауза и да се рекреираат од дневните обврски и задачи. 

Освен по безбедноста и грижата на вработените, ВАБТЕК Скопје е познат и по иновациите и воведувањето нови технологии. Компанијата е во постојан процес на усовршување на своите производи, така што досега е носител на голем број патенти и иновации. Дополнително, компанијата постоjано прави трансфер на нови технологии и процеси преку комуникација со своите сестрински компании од други држави. Во моментот ВАБТЕК Скопје располага со најголемиот машински парк на ултра-модерни CNC машини во државата. Компаниjата има долгорочни планови за проширување на своjот бизнис и инвестирање во нови машини, технологии но и во стручен кадар кој ќе биде двигател на иднината.

Доколку сакате својата кариера да ја градите во модерна компанија со меѓународно бизнис опкружување, доколку ве привлекува машинството и работењето со најсовремени CNC машини, доколку сте инженер, техничар, но и економист, специалист за набавки, човечки ресурси, контролор за квалитет или Е - технолог и барате личен кариерен развој по највисоки светски стандарди, тогаш ВАБТЕК Скопје е вашата следна кариерна дестинација!

Еврото падна на новото 20-годишно најниско ниво од 0,9809 долари. Европската централна банка вчера попладне го одреди курсот на единствената европска валута на 0,9906 долари за едно евро. 

Се повеќе инвеститори претпочитаат да ги инвестираат своите пари во долари.

Силната позиција на американскиот долар врши притисок врз еврото и многу други валути. Американската валута доби поттик од агресивната монетарна политика на Бордот на Федералните резерви, кој синоќа ја зголеми основната каматна стапка за уште 0,75 процентни поени во борбата против високата инфлација. Доларот се повеќе го бараат и инвеститорите поради влошените односи меѓу Западот и Русија.

Под притисок утрово е и јапонскиот јен. Централната банка на третата по големина економија во светот се држи до својата либерална монетарна политика со оглед на тоа што инфлацијата во земјата е сè уште многу пониска отколку во другите земји. Централната банка на Јапонија одлучи да ја задржи каматната стапка на долгорочните кредити на нула, како и да го остави прагот за зголемување на овие стапки на 0,25 отсто. Регулаторот води политика на негативни каматни стапки за да го стимулира растот на јапонската економија, додека инфлацијата во земјата останува многу пониска од онаа на остатокот од светот. Паѓа и фунтата.

Директорите на банките во Германија заработуваат најмногу на општинско ниво, покажува истражувањето на Универзитетот Цепелин во Фридрихсхафен, пишуваат германските медиуми.

Лидерите на финансиските институции заработуваат во просек по 373.000 евра годишно. Менаџерите на Шпаркасе банка со над 670 вработени во просек добиваат дури 466.000 евра. Директорите на државните банки чуваат повеќе од тоа во своите џебови, а во просек заработуваат околу 500.000 евра годишно, пишува Пословни дневник.

Во студијата било наведено дека директорите на болниците заработуваат 236.000 евра, а на комуналните и водоводните претпријатија околу 234.000 евра.

Според германските медиуми, студијата на Универзитетот Цепелин дава увид во структурата на платите на вработените во јавните претпријатија.

Тимот на автори предводен од економистот Улф Папенфус пишува дека само 22 отсто од општинските претпријатија ги објавуваат платите на нивните директори, додека таа бројка за јавните претпријатија на државно и регионално ниво е најмалку 44 отсто.

Генерално, авторите ги оценија податоците за платите за 1.140 фирми од моментално достапната финансиска 2020 година.

Папенфус за германските медиуми изјави дека се надева на поголема транспарентност на јавните претпријатија, пренесува Феникс магазин.

Фото: Freepik