МТЕЛ, членка на Телеком Србија групацијата, од 26 октомври започна да пружа нови услуги во Северна Македонија – мобилна телефонија и интернет, како и пакет услуги кои што вклучуваат и сателитска телевизија. Мтел со ова ја проширува својата понуда на врвни сервиси и ексклузивни дигитални содржини, кои што на корисниците им нудат едно поинакво искуство во доменот на телекомуникациите. Понудата, која што Мтел им ја нуди на корисниците е осмисленa согласно потребите и желбите на граѓаните, како и според особеностите на домашниот телекомуникациски пазар. А, една од главните предност на Мтел е тоа што е единствениот телекомуникациски оператор кој што им овозможува бенефиции и пристап до ексклузивни дигитални содржини и на своите припејд корисници.

„За овие година дена, колку што сме присутни на пазарот, корисниците имаа прилика да нѐ запознаат, да ги пробаат услугите и поддршката која што им ја нудиме. Од денеска можат да ни се обратат и за врвно искуство во мобилната телефонија и интернетот, телевизија и пакет услуги. На корисниците особено внимание би им осврнал кон нашата понуда во при пејд сегментот, за која што сме уверени дека ќе претставува вистинско освежување на пазарот. Она што не издвојува, исто така, е понудата на дигитални сервиси – нашите корисници ќе можат да добијат ексклузивен пристап до две апликации mPlay TV и Balkan МYusic, кои нудат најдобар избор на содржина за забава, како и серии и филмови, така и атрактивна музика“, изјави генералниотдиректор на Мтел, Марко Лопичиќ.

Телеком Србија групацијата, во чии рамки делува и Мтел, настојува на секој пазар каде што е активна да понуди квалитетни услуги и врвна понуда, секогаш подобрувајќи го искуството на корисниците. По повод почетокот на понудата на услуги од мобилната телефонија, генералниот директор на Телеком Србија, Владимир Лучиќ истакна дека Мтел доаѓа од семејството на регионалниот телекомуникациски лидер, што секако позитивно ќе се одрази на квалитетот на вкупната понуда на пазарот.

„Нè издвојува доброто познавање на деловните активности во овој регион, бидејќи пружаме услуги и ексклузивни содржини преку мултимедијални платформи на целото подрачје, од Македонија до Словенија. Од Мтел во иднина треба да очекувате нови инвестиции, отворање на нови работни места и ширење на мрежата на локални партнери. Телеком Србија во овој момент е во голема експанзија. Додека овде почнуваме да нудиме нови услуги, истовремено ги прошируваме активностите на нашите компании на подрачјето на Европа, како неодамна во Швајцарија, а планот е наскоро да бидеме присутни и на пазарите во Германија и САД“, истакна Владимир Лучиќ.

Телеком Србија групацијата веќе пружа услуги од областа на мобилната телефонија, интернетот и телевизијата за повеќе од 11 милиони корисници во регионот и Европа. Компанијата константно настојува на своите корисници да им претстави нови концепти на услуги, да го унапреди искуството преку иновативна понуда, но и да биде двигател на развојот како на локалниот, така и на регионалниот пазар кон целосна дигитална трансформација.

Сите работни места од МТЕЛ достапни на КАРИЕРА.мк

Поевтинувањето на струјата за преработувачките на храна ќе донесе пониски цени на храната. Според најавите на надлжените се очекува храната да поевтини околу 10%, а тоа би се случило околи Нова година.

Граѓаните скептични и револтирани. Велат не може да скапне 100%, а сега да поевтини само 10%.

Кои цени ќе ги замрзне Владата? Тие што ги дигна до плафон! Нека ги врати старите цени ,па нека ги замрзнува и ич нека не ги одмрзнува!

Е да многу убаво, зголемени цени 100%, а сега намалени само 10%, не само младите сега и повозрасните си заминуваат од оваа вукојебина.

Реално храната треба да поевтини најмалку 40%. Секој ден нова цена на ист артикл. Ова е воено профитерство дозволено од власта.

Владината одлука се однесува на компаниите кои што произведуваат основни прехранбени производи во кои спаѓаат производителите на масло за јадење, леб и пекарски производи, брашно, млеко и млечни производи, месната и живинарската индустрија. Со оваа мерка, производителите на основните прехранбени производи ќе имаат предвидливост, стабилна и поевтина струја што крајно ќе влијае и на стабилизирањето на цените на финалните производи кои се произведуваат и се продаваат од овие компании, вели премиерот Ковачевски.

АД ЕСМ ќе набави природен гас од „Макпетрол“ за топланите „Исток“ и „Запад“ за периодот од 1 до 15 ноември и за КОГЕЛ во подружница „Енергетика“ за периодот 1 до 30 ноември, информираат од компанијата.

Со оглед на тоа што приватната гасна електрана ТЕ-ТО има обезбедено гас за својот режим на работа за ноември, за неа не е извршена набавка од АД ЕСМ. Фирмата ПГО извести дека не е во можност да почне да испорачува од 1 ноември, туку од 15 ноември, што дополнително ќе подлежи на нова понуда. Со овој понудувач ќе биде потребно да се комплетира и комуникацијата во однос на останатите документи кои се побаруваат пред склучување на договор, соопшти АД ЕСМ.

За понатамошниот период, се вели во соопштението, ќе се побараат нови понуди од заинтересираните фирми за снабдување, и тоа за топланите „Исток“ и „Запад“, за КОГЕЛ во „Енергетика“ и за евентуално ангажирање на приватната гасна електрана ТЕ-ТО од страна на АД ЕСМ.

Набавката на природен гас за пократок временски период е направена од причина што се бележи пад на цените на природниот гас на берзите и очекувањата се дека ќе се обезбедат поповолни услови, пред се финансиски, доколку се набавува сукцесивно за последователни покуси периоди, велат од ЕСМ.

Нагласуваат дека во следните денови, ЕСМ Дистрибуција на топлина ќе потпише и договор со ТЕ-ТО за ноември за преземање на топлинската енергија од оваа електрана, која ќе треба да влезе во системот на топлинска енергија за градот Скопје.

АД ЕСМ веќе ја информира јавноста дека алтернативно гориво за топланите е дизел горивото, за кое капацитетите технички и технолошки се подготвуваат да го користат и е полесно достапно за набавка. АД ЕСМ со своите друштва за топлинска енергија непрекинато испорачува греење за градот Скопје и така ќе продолжи и во следниот период, порачуваат од АД ЕСМ.

Котон е турска мултинационална компанија за облека. Заклучно со 2015 година, ланецот имаше над 362 продавници за малопродажба во 25 земји. Приказната за КОТОН, која започна во 1988 година со продавница од 25 квадратни метри, отворена во Кузгунчук, продолжува денес со речиси 500 продавници и 10.500 вработени во 28 земји. Со својот креативен персонал, КОТОН управува со модата и собира 250 милиони посетители годишно со над 60.000 производи.

Моментално се отворени следниве работни позиции:

ЗАМЕНИК РАКОВОДИТЕЛ НА МАЛОПРОДАЖЕН ОБЈЕКТ-СКОПЈЕ
ПРОДАЖЕН ПЕРСОНАЛ – ТЕТОВО
ПРОДАЖЕН ПЕРСОНАЛ - CAPITOL MALL
ЗАМЕНИК РАКОВОДИТЕЛ НА МАЛОПРОДАЖЕН ОБЈЕКТ-ТЕТОВО

Невработени?! Сите останати активни работни позиции можете да ги најдете ТУКА!