Министерот за финансии Фатмир Бесими синоќа во „Топ Тема“ објави дека ДДВ-то за електричната енергија од први јануари ќе биде 10 отсто проценти, а не 5 проценти како што изнесуваше изминатите година и пол дена.

Повластената стапка за прометот на електричната енергија кон домаќинствата и понатаму останува, но наместо 5, ќе изнесува 10 отсто.

Со измени на Законот за данокот на додадена вредност, даночната стапка за прометот на електричната енергија за домаќинствата во јули минатата година се намали од 18 на 5 проценти.

Владата за оваа година уште на почетокот на 2022 рече дека ако цената на електричната енергија на берзите и натаму остане висока, ДДВ-то за струјата нема да се зголеми на очекуваните 10 отсто.

Даночната реформа, според Бесими, ќе разгледа неколку модели, но се задржува на две нивоа – одредени производи на кои во текот на годините им се намалило ДДВ-то на 5%, да се вратат на ДДВ како што биле претходно, а и во делот на персоналните даноци и придонесите кои во нив треба да се вметнат, да нема едно решение, туку да има избор во однос на плаќањето, бидејќи висината на хонорарите се различни.

Министерот за економија, крешник бектеши, при денешната посета на РЕК Осломеј, во изјава за медиумите рече дека 600 пекарници ќе добијат поевтина електрична енергија за мали потрошувачи.

Оваа мерка ќе оди заедно со претходно најавената за 200 компании кои вршат производство на основни прехранбени производи. За сите 800 субјекти цената на електрична енергија ќе биде по 80 евра за мегаватчас.

За сите овие компании веруваме дека нивната потрошувачка нема да биде над 33 гигават часови, така што нема да надминат помош од 3,5 милиони евра. За помошта за електрична енергија за средни и основни училишта фискалните импликации би биле до 2 милиони евра , а исто толку и за водоводите, кои најавија поскапување на своите услуги поради високите сметки, но Владата нема тоа да го дозволи, рече Бектеши во Кичево.

Пред почетокот на втората половина од 2022 беше одлучено електричната енергија за малите потрошувачи, во кои спаѓаат и пекарниците, да поскапи многу повеќе во однос на покачената цена за домаќинствата.

Вчера во 09.30 часот, полициски службеници од СВР Куманово го лишиле од слобода Р.Х.(48) од Куманово.

Тој се сомничи дека откако пронашол платежна картича на 40-годишна жена од Куманово од неа извршил повеќе нелегални трансакции во вредност од 229.531 денари.

Платежната картичка била пронајдена и вратена на сопственичката.

Лицето било задржано во полициска станица и по целосно документирање на случајот против него ќе следува соодветна пријава.

Здруженијата Ванчо Михајлов и Цар Борис Трети и официјално ќе се соочат со забрана за користење на имињата. 

Откако пратениците денеска на пленарна седница, ги усвоија измените на Законот за здруженија и фондации во рок од три месеци спорните клубови ќе треба да го усогласат својот назив пред Централен регистар откако за тоа ќе добијат позитивно мислење од Комисијата за употреба на имиња. Ако не добијат согласност ќе бидат избришани.

Со измените сега се забранува упис на организација ако називот, името, програмата, целите и дејностите им се насочени кон насилно уривање на уставниот поредок на Македонија, поттикнуваат и одобруваат фашизам, нацизам, националсоцијализам и третиот рајх. Законските измени се на предлог на опозициската ВМРО ДПМНЕ а ги поддржаа и пратениците од владејачкото мнозинство со што беа изгласани со 67 гласаа ЗА.

Сметам дека навистина после се она што се случуваше во последните денови е исклучително важно да се оградиме од ваквите случувања, да не дозволиме да ни се формираат такви здруженија во државата, и ова е начинот како практично може да се стави браната, изјави – Соња Мираковска – Пратеник од НСДП.

Предложените законски измени на двете партии следат по отворањето бугарски клубови во земјава со имињата „Ванчо Михајлов“ во Битола и „Цар Борис Трети“во Охрид. Потоа беше формирано Советодавно тело, чиј прв тест беше употребата на името Цар Фединанд за ново здружение во Богданци кое беше одбиено. Финалната одлука ќе ја има Централниот регистар, појаснуваат од Министерството за правда.

Одлуката дали ќе се дозволи регистрацијата со тој назив е на Централниот регистар, Министерството за правда само ќе го проследи до нив мислењето на советодавното тело.-Министерство за правда.

Но сега извесно е дека и ова ад хок тело ќе ја промени својата структура со оглед на тоа што според законот ќе премине во Комисија за употреба на имиња, која биде составена од пет члена – по еден ќе предложат министерствата за правда и култура, еден член ќе биде од Институтот за национална историја и уште две места ќе пополнат членови на МАНУ.