1. Кажете ни малку повеќе за почетоците на вашата компанија во нашата држава, бидејќи сте релативно нов бренд кој одлично се пробива  од кога постои во нашата држва, како помина првата година од поставувањето на основите?

МТЕЛ во Македонија почна со работа пред една година. Стартувавме со понуда на пакети за сателитска телевизија mSAT TV. Пристапот до ексклузивни содржини, квалитетниот избор на филмски, спортски, музички, информативни и документарни канали како и одличната услуга и корисничка поддршка кои што ги нуди МТЕЛ за брзо беа препознаени од македонските корисници. Од пред неколку дена, поточно од 26 октомври МТЕЛ ја лансираше и понудата на услуги за мобилна телефонија и интернет.

Инаку, МТЕЛ е членка на Телеком Србија, регионалниот телекомуникациски лидер кој што е присустен во речиси сите држави во регионот и испорачува телекомуникациски услуги кон 11 милиони корисници во регионот и држави од Европа.

2. Со оглед на тоа што публиката има големи очекувања од вас како голема конкуретска компанија во телекомуникацискиот сектор, би сакале да ни кажете нешто повеќе околу актуелните проекти на компанијата и секако плановите за иднина?

Како што споменував, МТЕЛ ја промовираше понудата на услуги од мобилната телефонија, интернет и комбинирани пакети кои што вклучуваат и сателитска телевизија. МТЕЛ со ова ја проширува својата понуда на врвни сервиси и ексклузивни дигитални содржини, кои што на корисниците им нудат едно поинакво искуство во доменот на телекомуникациите. Како нов мобилен оператор особено сме горди на понудата на дигитални сервиси – нашите корисници ќе можат да добијат ексклузивен пристап до две апликации mPLAY TV и Balkan МYusic, кои што нудат најдобар избор на содржина за забава, ТВ-канали во живо, како и серии и филмови, така и атрактивна музика. Понудата која што ја подготвивме за корисниците веруваме дека ќе допринесе за брз раст на бројот на корисници на МТЕЛ. Проширувањето на палетата на услуги кои што ги нудиме кон македонските корисници секако ќе резултира и со проширување на тимот на компанијата. Во моментов во МТЕЛ има околу 80 вработени, очекуваме во текот на следната година оваа бројка двојно да се зголеми. Така што од МТЕЛ во иднина може да се очекува нови инвестиции, квалитетни и ексклузивни понуди за корисниците, отворање на нови работни места и континуирано ширење на локални партнери.

3. Како HR manager,  веруваме дека имате исполент и активен ден во кој се стремите да завршите големи обврски, кажете ни кои се најголемите предизвици за вашата компанија во моментот и како изгледа еден ваш работен ден?

Би почнала со тоа како изгледа еден мој работен ден. Ух, многу динамичен! HR професијата е динамична, професија полна со предизвици што комплетно се вклопува на мојот карактер. Бидејќи веќе го збогативме нашето портфолио со услуги од мобилната телефонија и интернет, мојот ден е со огромен диверзитет на работни задачи. Го зголемуваме нашиот тим за повеќе од 150%. Се екипираме, постојано организираме внатрешни и надворешни обуки за нашите нови членови на тимот.

Потоа следува процес на прилагодување во одделот за кој новиот кандидат ќе работи.

Предизвик е да се работи во компанија како МТЕЛ која е трет најголем телекомуникациски оператор. Предизвик е да се работи во сектор кој е брзо растечки и постојано се развива. Но, викаат Sky is the limit. Јас се водам по оваа парола!

4. Бидејќи сте компанија која константно работи на проширување на својот тим, кажете ни кои отворени места фигурираат како активни во моментот и кои профили на луѓе се најбарани од ваша страна?

Постојано објавуваме огласи за отворени работни места, кои можете да ги следите преку kariera.mk, и подетално да се информирате за секој од нив. Бараме Агенти во контакт центар, агенти за теренска продажба, агенти за грижа на корисници, агенти за партнерска продажба, агенти за директна продажба, контрола на ризик и наплата итн. Но, во иднина како ќе се шириме потребни ќе ни бидат кадри од различни нивоа од различни професии и искуство.

5. Кажете ни нешто повеќе за тоа како изгледа едно интервју за вработување во вашата компанија?

Како и во многу нешта, па и во организирањето на интервју сме доста прилагодливи. Имало и ќе има класични интервјуа хибридни,  онлајн, имало и интервју на кафе... Неограничени ни се можностите. Во последно време, бидејќи нашиот тим расте со неверојатна брзина, а времето е кратко, ги комбинираме пред селекцијата, и првата селекција па ги организираме во поширок аудиториум. Наместо две интервјуа, сведени се на едно, но ефикасно интервју. Нашите интервјуа се опуштен разговор, другарски, со соговорникот. Многу ни е важно кандидатот да се вклопи во организациската култура. Зависи за која работна позиција е интервјуто може да има и мал тест, кој повеќе изгледа на игра отколку на класичен тест.

6. За крај, што би им препорачале на сите луѓе кои се двоумат дали да аплицираат на отворените работни места во вашата компанија и кои бенефити може да ги очекуваат од работењето во МТЕЛ?

Воопшто никој не треба да се двоуми да аплицира за било кое работно место во МТЕЛ. Тука владее пријатна работна атмосфера, владее изразен тимски дух, тука се дружиме, си помагаме, се поддржуваме. Немаме воспоставено строга хиерархија, тука се обраќаме со ТИ, тука сме сите еднакви, тука сме отворени за вашите идеи, кои доаѓаат од било кое ниво. Бидејќи идеите значат нови можности.

Како нова компанија нудиме можност за хоризонтален и вертикален кариерен развој многу побрз од било која етаблирана компанија. Затоа ги охрабрувам сите кои сакаат да бидат дел од едно уникатно искуство да аплицираат на нашите огласи.

Горди сме што сите огласи од МТЕЛ можете да ги најдете на KARIERA.mk

Планирани се повеќе средства за повисоки пензии, за поттикнување на приносите и производството во земјоделството, за усогласување на платите со минималната, но и за развој на економијата преку инвестиции во инфраструктурата и поддршка на приватниот сектот. Предлог-буџетот за 2023 година има за цел да одговори на тековната криза, со 250 милиони евра наменети директно за справување со истата. Но, тој и има за цел да ја стимулира економијата, за да понатаму се постигнат посакуваните и потребни стапки од 5% економски раст – пишува во својата најнова колумна министерот за финансии, Фатмир Бесими.

Во рамки на социјалните трансфери планирани се  75 милијарди денари за исплата на пензии, односно за околу 10% повеќе во однос на годинава, со цел да се обезбедат средства за усогласувањето на пензиите со растот на просечната плата и со трошоците за живот, по систем 50%-50%. Предвидени се и 12,5 милијарди денари за исплата на надоместоци за социјална заштита на најранливите слоеви на населението. Исто така, по 1,5 милијарди денари одделно, се планирани за исплата на паричен надоместок во случај на невработеност и за активни мерки за вработување, пишува Бесими.

Во однос на расходите за плати проектирани се 34,9 милијарди денари, согласно постојните законски решенија, односно сумата е повисока за 1,6 милијарди денари, во насока на усогласување со минималната плата во текот на следната година, согласно новата методологија. Сепак, продолжува и определбата за оптимизација на вработените во јавниот сектор.

Предвидени се и субвенции за справување со кризните состојби за снабдување со неопходните енергенси и стимулирање на домашното производство на електрична енергија. Исто така, издвоени се средства за субвенции за поддршка на земјоделскиот сектор, со цел зголемување на домашното растително и животинско производство и стимулирање на приносите. Планирани се средства за субвенции на приватниот сектор, наменети за поддршка на мали и средни претпријатија, зголемување на конкурентноста, иновативната дејност, технолошкиот развој и истражувањето, нови инвестициски вложувања, поддршка на извозот и освојување на нови пазари, поддршка за создавање на нови вработувања и слично.

Бесими истакнува дека она што со право на овој буџет му го дава епитетот развоен е тоа што Буџетот за 2023 година се заснива на „златното правило“ во јавните финансии, односно капиталните расходи да бидат повисоки од буџетскиот дефицит и да се позајмува само за да се проекти кои ќе дадат додадена вредност во економијата.

Со овој буџет планираме капитални расходи на ниво од 48,9 милијарди денари (791 милиони евра) или за околу 52,3% повисоки во однос на проекцијата за 2022 година. Планирано е интензивирање на инфраструктурните проекти, односно за инвестициски вложувања во патната и железничката инфраструктура, енергетската и комуналната инфраструктура, како и капитални инвестиции за подобрување на условите во здравствениот, образовниот и социјалниот систем, земјоделството, културата, спортот, заштитата на животната средина и правосудството. Во интерес на просторот и читливоста, ќе споменам само дел од проектите опфатени во оваа сума, пишува министерот за финансии.

Постојат уреди кои можат да ви помогнат да заштедите, а чија потрошувачка на енергија е многу занемарлива.

Експертот за електрична енергија Томислав Мициќ откри кои уреди во куќата трошат најмногу струја, како и неколку начини со кои можете да ја намалите потрошувачката и сметките. Тој особено нагласи дека многу луѓе мислат дека постапуваат правилно кога ги прашуваат за штедење, но не се ни свесни дека грешат.

Најголеми потрошувачи на струја во домаќинството се парното, односно домаќинствата кои имаат парно на струја. Значи, тоа се ТА печките, а бојлерот е само во позадина. Тоа е доста голем потрошувач, но не мора да биде, зависи од тоа колку топла вода ќе се потроши. Некои домаќини имаат навика да се тушираат два пати на ден и прилично се задржуваат во бањата, така што бојлерот троши многу. Инаку, има добра изолација и кога ја загрева водата ја задржува топлината - објаснува електричарот.

Ја реши и вечната дилема - дали е подобро бојлерот постојано да е вклучен или не.

Јас лично никогаш не го исклучувам бојлерот. Нема заштеда ако го исклучите. Јас сум поборник бојлерот да биде постојано вклучен, освен ако не е бојлер во викендица од која само повремено излегувате - вели Томислав.

Тој се осврна и на тоа што многумина мислат дека проточниот бојлер троши повеќе струја.

Проточниот бојлер не троши повеќе. Многу е помоќен, може да биде 9-10 пати поскап од обичен бојлер, но троши вода само додека тече топлата вода. Штом се затвори водата веќе ништо не значи. Ако се туширате 5 минути, тоа вади струја 5 минути, а потоа престанува - рекол електричарот.

Исто така, Томислав објаснува дека староста на уредот не влијае на тоа колку струја ќе потроши.

Староста на уредот не влијае на количината на потрошувачка, само доколку грејачот не изгори. Да речеме со ТА шпоретот кој има три грејни тела, а едната прегорела, тогаш помалку троши, но и помалку грее. Без разлика колку е стар уредот, тој троши исто количество електрична енергија.

Тој особено подвлекува дека најмногу може да се заштеди ако се земе предвид начинот на греење.

Повеќето луѓе ги заменија светилките со ЛЕД сијалици кои се 8 пати поекономични. Тие трошат помалку од класичните светилки. Најголемата заштеда е на парното. Треба да обезбедиме удобна температура, а тоа е најчесто кога гледаме телевизија. Во тие моменти најпријатна температура е 24 степени. Ако не можеме да ја обезбедиме поради недостиг на струја, тогаш има помошни уреди кои можат да помогнат - рече електротехничарот.

Според неговите совети, постојат одредени уреди кои можат да ве загреат сосема доволно, а чија потрошувачка е занемарлива, а ова е докажан начин да ја намалите сметката.

Тоа е, на пример, електричен грејач за нозе. Тоа е како еден чевел за две стапки. Троши струја како сијалица, што значи сосема занемарливо. Кога ќе ги загреете стапалата, можете да гледате телевизија и нема да чувствувате студ на 20 степени, а 4 степени значи многу заштеда. Има и електрични ќебиња. Треба да ги затворите просториите во кои не поминувате време, а ова ќебе троши многу малку струја и ќе ви биде топло. За престој во простор каде што е студено, околу 15 степени, има електричен елек. Работи на батерии и можете да го купите онлајн. Обезбедува доволно топлина“, вели Томислав.

И, на крај, откри на која температура да ги поставите климатизерите во текот на зимата.

Забележав дека нашите луѓе имаат навика кога станува збор за клима, летото да ја уклучуваат на 17 степени, најниска можна температура, а во зима на 30. Всушност и во лето и во зима, треба да ја постават на 24 степени. Во тој случај климата не троши многу струја. Многу е добра и за греење во зима, економична е - истакнува електричарот за ТВ „Прва“.

извор: stil.kurir.rs

Веб страната World Population Review објави податоци за просечната потрошувачка на алкохол во светот. Тоа варира од земја до земја поради културата, законите и други фактори.

Светската здравствена организација забележала потрошувачка на алкохол во секоја земја во литри чист алкохол за пиво, вино, жестоки пијалоци и други алкохолни пијалоци. Просечната светска потрошувачка е 6,18 литри, со исклучително висока концентрација на поголема консумација во Европа.

Ова се ТОП 10 земји со најголема потрошувачка на алкохол (во литри чист алкохол по глава на жител:

• Чешка – 14.26
• Летонија – 13.19
• Молдавија – 12,85
• Германија – 12,79
• Литванија – 12,78
• Ирска – 12,75
• Шпанија – 12,67
• Уганда – 12.48
• Бугарија – 12.46
• Луксембург – 12:45 

Забележливо е дека најголем дел станува збор за европски држави.

Податоците покажуваат дека во Северна Македонија се пијат просечно по 6,43 литри по годишно по глава на жител. Според оваа статистика, мажите во Северна Македонија пијат 10,36 литри наспроти жените кои пијат 2,54 литри. Од земјите во регионот, повеќе алкохол се пие во Црна Гора (12,24), Словенија (12,11), Грција (10,5), Србија (8,85), Хрватска (8,73), Босна и Херцеговина (7,81) и Албанија (6,82).

Во светот најмалку, односно воопшто не се пие алкохол во Сомалија, Бангладеш, Кувајт, Мавританија и Саудиска Арабија.