Немојте да бидете измамени од престижноста на сите тие канцеларии и компании кои кажуваат како нивните вработени имаат неограничен број на слободни денови, скратено работно време или пак ручек на работно место.

Сето тоа е само дел од суптилниот заговор за контрола на канцеларијата од страна на менаџерите. 

Неограничен број на денови

Прво, повеќето компании не би го дозволиле тоа. Компанијата за маркетинг Xiik, на пример, има неограничената понуда за одмор, но со нејзината парична казна ги обесхрабрува долгите одмори подолги од 2 недели.

Секако, три месеци одмор е премногу. Но, колку е во ред кога вашиот менаџер за човечки ресурси вели дека може да земете одмор колку што сакате? Вработените целосно губат осет кога тој или таа немаат утврден износ на денови за барање.

Кога има ограничен и претходно утврден број на денови секогаш на крајот на сезоната по некој вработен ќе рече - јас имам уште 3 неискористени денови иако во тој период од годината е најголемата гужва.

Бесплатен ручек

Кога една копманија ќе каже дека вработените имаат бесплатен ручек, тоа значи дека ќе мора да останете во канцеларија и за време на вашата пауза.

Немате простор да излезете на состанок со вашата најдобра пријателка и да испиете кафе на кратко со вашиот сопруг бидејќи секако ќе се вратите доцна дома навечер и нема да имате време да разговарате за сметките кои треба да ги платите до крајот на оваа недела.

На крајот, понекогаш и не сме баш гладни и сакаме само да излеземе од работното место на 30 минути и да седнеме на клупа во најблискиот парк.

Платени службени патувања

Сите ги сакаме службените патувања, меѓутоа и тоа некогаш знае да го измори организмот и да направи да ни недостасуваат најсаканите. Не секогаш, платените службени патувања се на 3- 4 денови туку понекогаш се работи за 3 неделни или пак неколку месечни отсуства од домот.

Кога ќе размилите добро, сепак ова не е баш интересно патување за фамилијарните луѓе - далеку од домот и своите деца и секогаш отсутни за најважните моменти во домот како родендени, годишници или пак првиот сигурен чекор на своето дете.

Како го трошите вашето дневно време? Ајде размислете како го потрошивте вашето последно деноноќие од 24 часа и внимателно започнeте да го анализирате.

Биолошко време, односно време во кое ќе спиете, јадете, вежбате, ќе ги извршувате основните физиолошки потреби и одржување на високо ниво на вашето здравје.

Потоа ќе имате време за вашето семејство во кое ќе поминувате разговарајќи со членовите на вашето семејство, учејќи со вашите деца, игра со децата и се друго што ве прави силно поврзан со вашите најмили.

Ќе имате и време за административни работи во кои ќе го подготвувате вашиот ден, што значи планирање и подготовка на се онаа што ќе треба да го правите во следната категорија на време. Оваа категорија на време ќе има силно влијание на следната категорија, но мора да ви биде јасно дека не смеете да дозволите оваа категроија да преовлада со вас.

Следната категорија и најважна кога станува збор за вашиот бизнис е вашето продуктивно работно време во кое ги изведувате задачите испланирани во административното време. Оваа време е време кое додава, односно кое има потенцијал да додаде вредност за вашата компанија. Во оваа категорија не влегува пиење кафе, ручек, пауза, барање на некој документ или состноци од неколку часа. Овие активност лесно се класифицираат во некоја од следните групи на вашето дневно време. Тука влегува времето кое го трошите на изведување на самите работни задачи, односно време откога ќе го најдете документот на вашиот компјутер, откако ќе го отворите и откако ќе започнете со пишување на тој документ.

Потоа ќе имате и време за социјализација кое едноставно ќе придонесе и за опуштање и за реенергизирање, но и за градење на врски, мрежи и потенцијални партнерства. Пиење на кафе, разговор со колеги, потенцијални купувачи или пак комуникација преку социјални медиуми е времето кое ви поминува во оваа категорија.

И на крај ќе имате загубено време, односно време кое го поминувате на состанок од неколку часа кој може да се заврши за дваесетина минути, или пак време на гледање на омилената серија, или пак време од неколкучасовно читкање по интернет итн. Оваа време морате да го елиминирате, или пак одржувате на минимум. Значи, кога станува збор за перфекционизам, оваа е времето на кое треба да се насочите и да се обидете да го елиминирате.

Целта на една ваква анализа и категоризација на вашето време е да се обидете да работите попаметно, наместо подолго и да направите оптимизација на итноста и важноста на вашите обрски во текот на денот со цел балансирано живеење по кое сите копнееме.

Македонската кошаркарска федерација од 17 до 26 август 2017 година ќе биде организатор на Европско првенство за кошаркарки до 16 години Дивизија Б во Скопје. На првенството, покрај кадетската репрезентација на Македонија ќе настапат уште 21 репрезентација. Натпреварите ќе бидат одиграни во VIP Арената при спортскиот центар„Борис Трајковски“ и во спортскиот центар „Јане Сандански“. Екипите и официјалните лица ќе бидат сместени во хотелите: „Континентал“ и во „Александар Палас“.

МКФ го објавува овој конкурс за ангажирање на лица кои ќе бидат дел од локалниот организациски комитет (ЛОК) и кои ќе придонесат за успешна организација на уште еден континентален собир во Скопје.

Ќе биде избран 21 водич (team attache) за гостинските репрезентации. 

Заинтересираните можат да се пријават со испраќање на CV со фотографија на [email protected], со назнака  „За конкурс за ЕП во Скопје“.

- Водич на репрезентациja | team atache  – е лице кое ја придружува екипата на тренинзи, натпревари и е одговорно за насоки и помош на својата екипа надвор од хотелот или спортската сала.

Пријавените треба да бидат на возраст од 18 до 25 години и со задолжително добро познавање на англискиот јазик.

Рокот за пријавување е до 3 август 2017 година во 16:00 часот.

Кандидатите кои ќе влезат во потесен круг ќе бидат контактирани најдоцна до 5 август 2017 година.

Ангажманите на избраните апликанти почнуваат на 15 август и траат непрекинато до крајот на првенството односно 26 август 2017 година.

Хонорарот за ангажманот изнесува 5.000 денари.

Основачот на „Амазон“, Џеф Безос, е на првото место на листата на најбогати луѓе во светот. 

Тој стана најбогат човек на светот,  откако цената на акциите на компанијата се зголеми, пишува магазинот „Форбс“, кој секоја година прави ранг-листа на најбогати луѓе во светот.

Безос располага со 17% од акциите на „Амазон“ и неговото богатство вреди нешто повеќе од 90 милијарди долари.

Аналитичарите сметаат дека цената на акциите на „Амазон“, која сега изнесува 1.071 долари за една акција, ќе се зголеми двојно. 

На второ место по богатство е основачот на „Мајкрософт“, Бил Гејтс, кој беше прв на листата од 2013 година. Гејтс има една милијарда помалку од Безос, односно 89 милијарди долари.

Безос ја основа „Амазон“ во 1994 година, откако ја напушта работата на „Вол стрит“. Тој е милијардер речиси 20 години, откако за прв пат влегува листата на „Форбс“ во 1998 година со богатство од 1,6 милијарди долари.