Крајот на годината е период кога на вработените во приватниот сектор треба да им се исплати регрес за годишен одмор популарно познат како К-15.

Право на регрес за годишен одмор имаат сите вработени во приватниот сектор кои работеле кај ист работодавач најмалку шест месеци во текот на календарската година.

Износот на К-15 е различен секоја година и зависи од движењето на просечната нето и бруто плата во државата.

Според Колективниот договор, основицата за пресметување на регресот за годишен одмор на работниците преставува просечната месечна нето-плата по работник во Македонија исплатена во последните три месеци.

Минималниот износ на К-15 не треба да биде помал од 40% од просечната нето плата во последните три месеци додека пак максималниот износ треба да биде до 40% од просечнтата бруто плата во последните три месеци, пресметана од страна на Државниот завод за статистика.

Според последните податоци на ДЗС, износот на К-15 треба да изнесува минимум 12.740 данари, а маскимумот треба да е 19.055 денари.

Крајниот рок за исплата на К-15 е 31 декември 2022 година, а за работодавците кои нема да им исплатат регрес за годишен одмор на своите вработени, законот предвидува казна до 4.000 евра, од кои од 2.000 до 3.000 евра за компанијата и од 500 до 1.000 евра за одговорното лице во неа.

Бензинот ЕУРОСУПЕР БС-98 од полноќ се намалува за два денара, а цените на бензинот ЕУРОСУПЕР БС-95, на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) остануваат исти, одлучи денеска Регулаторната комисија за енергетика.

Новата цена на ЕУРОСУПЕР БС – 98 ќе биде 92 денари.

За 1,660 денари поевтинува и  Мазутот М-1 НС, и еден килограм ќе чини 45,962 денари. 

Министерот за економија Крешник Бектеши посочи дека веќе започнал трендот на намалување на цените на млекото и лебот.

Само еден пример, одреден производител на млеко имаше цена над 80 денари, денес е 76 денари и од 1-ви декември уште ќе паѓа цената. Одредени производители на леб имаа цени над 40 денари за лебот, денес се движат од 36 до 38 денари и таму очекуваме дополнително намалување. Истото важи и за месните производи, истакна Бектеши.

Тој очекува до првата недела од декември да има дополнително намалување од 5 до 12-13% на основните прехранбени производи.

Ако нема толкаво намалување во зависност од производите, секако дека ќе ги донесеме новите мерки кои се веќе подготвени од Министерството за економија. Тие се мерки кои што произлегуваат од Законот за трговија, додаде Бектеши на денешната прес-конференција по средбата со компаниите за производство на храна.

Паметните телефони и интернетот сменија речиси сè, вклучувајќи го и нашето помнење. Со неограничен број на информации на дофат, не е изненадување што нашата способност да помнење започна да атрофира.

Без разлика дали учите нов јазик или само се обидувате да го запомните кодот за пристап до вратата од вашата канцеларија, постојат неколку трикови кои можат да ви помогнат поефикасно да ги запомните информациите.

За понапорни задачи, визуелизирајте делови од местото каде што се наоѓате (на пр. собите од вашиот дом). Оваа техника ги користи вашите вештини за навигација и просторна меморија за да ви помогне да се потсетите на делови од информации на линеарен начин.

Една техника која може да ви помогне да запомните списоци се нарекува поврзување или асоцијација. Со ментално поврзување на ставките од линијата една со друга на креативен начин, ќе имате поголема веројатност да запомните отколку ако едноставно сте се обиделе да ја запаметите листата на памет.

Покомплексните информации - на пример долги броеви - полесно се запомнуваат кога ги делиме на делови. Познат пример за „делење“ е начинот на форматирање на телефонските броеви.

Ова се само од неколкуте начини како да ја подобрите вашата меморија на работното место па и воопшто за подобро помнење и извршување како на работните така и на секојдневните задачи со успех.