Како што најавија, од 6 часот утрово приватните превозници започнаа со блокади на булеварот „Илинденска“. 

Тие ги паркираа своите автобуси на крајот од сообраќајните ленти, на потегот од зградата на Владата до крстосницата кај МИ-ДА, „Слобода Превоз“ и „Макекспрес“ го бараат неисплатениот долг од ЈСП Скопје. Викендов ќе се бара решение за настанатата ситуација, но ако не дојде до истото, приватните превозници најавуваат целосна блокада на сообраќајот во Скопје. 

Тоа би значело одржување на протести на крстосниците кај „Мавровка“, кај Црвен Крст, како и целосно блокирање на „Илинденска“. 

Директорот на „Слобода превоз“, вчера на прес-конференција рече дека денешната блокада ќе покаже дали ќе се изнајде некое решение, а и најави продолжување на истата во текот на викендот и следната недела. Тој најави дека околу 200 автобуси ќе бидат паркирани пред објектите на Град Скопје. 

Град Скопје, пак, вчера информираше дека го раскинува договорот со приватните превозници, како што соопштија - заради неисполнување на обврските од страна на превозниците. Од здружението на приватни превозници за ова реагираа со информација дека ќе ја оспорат одлуката пред суд. 

Во Скопје утрово, токму заради протестот на превозниците, има посебен сообраќаен режин на „Илинденска“. Според информациите на МВР, посебен сообраќаен режим има од крстосницата на бул „Илинден“ со бул. „Св. Климент Охридски“ до крстосниците со бул. „8 Септември“  и околните улици. МВР со апел до граѓаните да ги почитуваат наредбите од полициските службеници. 

Се очекува во текот на денот да има и реакција од Град Скопје за протестот и дали ќе се изнајде соодветно решение, за да не дојде до целосна сообраќајна блокада во главниот град од понеделник.

„Од денеска компаниите производители на основни продукти ќе добиваат поевтина цена на електричната енергија, како дел од антикризните мерки преземени од страна на Владата предводена од СДСМ.“, стои во соопштението на СДСМ.

„Компаниите кои произведуваат основно прехранбени продукти од денеска ќе добиваат електрична енергија по фиксна цена од 80 евра за мегават час, што е двојно поевтина од цената на регулираниот пазар.

Ова ќе значи намалување на производствените трошоци, што ќе доведе до намалување на цените за крајните потрошувачи.

Треба да се напомене дека досега веќе е намалена цената на лебот, како и на некои млечни производи и масла за јадење, но во следниот период ќе се намалат цените и на останатите основни продукти помеѓу пет и 13 отсто.

Ова за граѓаните ќе значи поевтини производи и помали трошоци во семејниот буџет.

Инаку, Владата продолжува со субвенционирање на цената на електричната енергија од 80 отсто за 600.000 домаќинства и за 72.000 домашни компании.

Докажаниот метод на нашиот студент им помогна на илјадници луѓе да го подобрат видот – ги полуди сите во регионот
Продолжува и поддршката за субвенционирање на сметки за електрична енергија за околу 4.000 семејства со ниски примања.“, се вели во соопштението.

Денес, 01 Декември 2022 година започнува најновата хуманитарна кампања на Нептун Македонија и СОС Детско село.

Нептун продолжува статешки и континуирано да ја поддржува работата на СОС Детско село заедно со своите потрошувачи овој пат со цел да обезбедат сигурна иднина на младите без родителска грижа. Секој купувач во НЕПТУН продавниците во периодот од 01 декември до 31 декември 2022 година ќе можат да се приклучат во семејството поддржувачи на СОС Детско село преку иновативен начин на донирање. Секој купувач ќе може да ја заокружи својата сметка на каса и да донира за СОС Детско село со износ по свој избор во рамките на сметката.

Ги покануваме сите купувачи на Нептун заедно да овозможиме сигурна иднина на младите без родителска грижа и да менуваме животи на децата без родители и родителска грижа поддржани од СОС Детско село.

Регулаторната комисија за енергетика донесе одлука за нови цени на горивата кои ќе важат од полноќ.

Цената на дизелот од полноќ се намалува за два денари.

Цените на бензините, на Екстра лесното масло за домаќинство на (ЕЛ-1) и на мазутот М-1 НС не се менуваат.

Ова се цените на горивата кои ќе важат од полноќ:

Моторен бензин ЕУРОСУПЕР БС – 95 84,50 (денари/литар), Моторен бензин ЕУРОСУПЕР БС – 98 86,50 (денари/литар), Дизел гориво ЕУРОДИЗЕЛ БС (Д-Е V) 84,50 (денари/литар), Масло за горење Екстра лесно 1 (ЕЛ-1) 82,50 (денари/литар) и Мазут М-1 НС 41,810 (денари/килограм).