Цените на половните автомобили се на пикот и наскоро веројатно ќе почнат да паѓаат, процени во четвртокот финансиското одделение на „Volkswagen“.

„Сега сме во пикот“, рекол шефот на продажба во концернот Ентони Бандман.

Тесните грла во снабдувањето и редукцијата на производството во фабриките за автомобили оваа година на германскиот пазар, цената на половните автомобили ја истуркале на 20-25 проценти над долгогодишниот просек, пренесува „dpa“.

Директорот за финансиски услуги на „Volkswagen“ Кристијан Далхајм се согласил со проценката дека трендот наскоро ќе тргне во спротивна насока, како и директорот за финансии Френк Фидлер, кој очекуваниот пресврт го припишува на воздржаноста на купувачите.

Цените веќе полека паѓаат, бидејќи луѓето очекуваат рецесија и се сè повнимателни со парите, рекол Фидлер.

На цените оваа година влијаеја повеќе фактори. Освен недостигот на нови возила, тука се и последиците од вој ната во Укр аина, односно крајот на периодот на евтини кредити.

Извор: tocka.com.mk

Новогодишните и Божиќните празници се приближуваат, но во главниот град сè уште нема празнична атмосфера. 

Јавноста во неколку наврати коментираше и прашуваше дали Скопје ќе блесне за престојните празници, а скромен одговор на тоа прашање, даде градоначалничката на Град Скопје, Данела Арсовска, во гостувањето во емисијата „360 степени“. Арсовска даде позитивен одговор и најави детали на прес-конференција.

Ќе имаме една посебна прес-конференција на којашто ќе ги истакнеме сите оние работи кои ќе се одвиваат, не само за новогодишното украсување, туку и за програмата која ја планираме за скопјани за новогодишната ноќ и верувам дека треба да биде споделена со целата јавност со деталите - рече Арсовска.

Нискобуџетниот авиопревозник „Визер“ ќе прекине да сообраќа на авионски линии од Скопје и од Охрид до четири европски градови.

Авионите на оваа компанија нема да летаат од Скопје кон Финска, односно, Турку и Билунд, и линијата до Турин, а се укинува и линијата Охрид-Фридрихсхафен, објавува exyuaviation.com

Летовите за Турку беа воведени во 2019 година, додека за Билунд во декември минатата година.

Освен што оваа авиокомпанија укинува летово од Скопје, ќе бидат прекинати и авиолиниите меѓу меѓу Шарлeроа во Брисел и Љубљана, Белград и аеродромот Хан во Франкфурт, како и меѓу Тузла и Ваксјо во Шведска.

Шеф плати патување во Дизниленд на 10.000 свои вработени и нивните семејства.

Милијардерот и сопственик на мултинационалниот фонд „Citadel LLC“, Кен Грифин, решил да ги награди своите вработени и нивните најблиски со патување во Дизниленд на Флорида. Тој ја доби титулата „најдобар шеф досега“. Како што објави Форбс, неговиот хеџ фонд е вреден приближно 31,7 милијарди долари, што го прави 40-ти најбогат човек во светот. Шефот им се заблагодарил на вработените за одличниот бизнис и рекол дека им претстои „неверојатна иднина“.

Портпаролот на Цитаделот, Зија Ахмед, откри како милијардерот плаќал авионски билети од Њујорк, Хјустон, Париз, Цирих и други градови, но платил и за хотелско сместување, билети за Дизниленд и храна, која вклучувала сè, од јагнешко месо до суши и паела. Грифин го изнајмил просторот во Дизниленд исклучиво за вработените во Цитадел и им платил на Колдплеј, Карли Реј Џепсен и диџеј Дипло за да ги забавуваат работниците и нивните семејства.

Ова не е прв ваков случај. Претходно, имаше и газди кои на своите вработени им нудеа гратис одмор на луксузни места.