Софтверските инженери на Фејсбук привремено ја деактивираа вештачката интелигенција којашто е во експериментална фаза, откако системот успеа да си создаде сопствен начин на комуникација, и практично излезе од нивната контрола, пишува бугарскиот портал „Калдата“.

Програмата која социјалната мрежа се уште ја разработува, ја прави комуникацијата и автоматските команди во Meсинџерот многу пореалистични. Сепак, кога програмерите се обиделе да пуштат два бота да „разговараат“ меѓу себе, програмата ги надминала нивните очекувања.

Сепак, не е првпат да се случи нешто вакво. И во лабораториите на Илон Маск два бота успеаја да креираат свој јазик за комуникација.

Анализата на експертите сепак, не покажала за што двата бота „говореле“ откако го промениле јазикот, и набљудувачите просто не ги разбирале повеќе. Но според нив, тоа покажува дека вештачкиот интелект е способен самиот автоматски да се надградува и развива.

Случајов, се чини, соодветствува со десетиците предупредувања на научници како Илон Маск и Стивен Хокинг, но и многу други кои стравуваат дека популарната приказна за Терминаторите може да стане реалност.

На 27ми јуни 2017 во малото место East Falmouth, Cape Cod, Америка, студентка од Македонија на летна размена на студенти беше дел од ужасна сообраќајна несреќа.

Во моментот Данче и нејзиното семејство имаат потреба од сите нас, на следниот линк може да ја прочитате страшната приказна и да донираме и да помогнеме сите заедно:

https://www.gofundme.com/sr5vm-danches-traumatic-head-injury-fund

Катар ервејс“ ги поканува патниците да се приклучат на прославата и да ја доживеат "најдобрата бизнис класа на светот" со цена од 1469 евра

Компанијата ги продолжува своите возбудливи планови за експанзија, со услуги до Прага, Чешка, Киев, Украина и Сохар, Оман, што ќе започнат ова лето

„Катар ервејс“ слави дека е именуван за "Најдобра бизнис класа на светот" на светските награди на меѓународната организација за оценка на воздухопловниот транспорт, „Скајтракс“ во 2017 година, нудејќи им на патниците тарифи од 1469 евра за бизнис класа до популарни дестинации низ својата растечка глобална мрежа, како дел од својата глобална продажна кампања "Летајте со најдобрата светска бизнис класа" која започна оваа недела.

Оваа специјална промоција следи низа големи победи за авиокомпанијата на светските награди на авиопревозниците „Скајтракс“ за време на Париското авиошоу минатиот месец, каде што беше наградена како "Авиокомпанија на годината", "Најдобра авиокомпанија на Блискиот Исток" и "Најдобар салон од прва класа во светот".

Патниците сега можат да ги искористат предностите нa специјални попусти за наградената бизнис класа за популарни туристички и деловни дестинации, вклучувајќи ги и неодамнешните нови дестинации до Ница, Франција, Даблин, Република Ирска и Скопје, како и многу други дестинации дел од брзото проширување на глобалната мрежа на авиокомпанијата. Авиокомпанијата продолжува со своите возбудливи планови за глобална експанзија ова лето, со започнувања на летови до Киев, Украина, Прага, Чешка и Сохар, Оман што почнуваат во август.

Главниот комерцијален директор на „Катар ервејс“ г-дин Ехаб Амин рече: "Ние сме многу горди што ја добивме наградата "Најдобра бизнис класа на светот" од „Скајтракс“, и ние сме среќни да ја прославиме оваа награда со нашите патници од целиот свет. Ги покануваме сите наши патници да ја искористат оваа уникатна промоција која ќе им овозможи да ја искусат нашата реномирана светска класа услуга од прва рака".

Од 31-ви јули до 9-ти август патниците ќе можат да резервираат летови на најдобрата бизнис класа на светот од 1469 евра до Доха (почнувајќи од 1469 евра), Бангкок (почнувајќи од 2369 евра), Сингапур (почнувајќи од 2889 евра) и Мелбурн (почнувајќи од 3179 евра) за патување до 31 март 2018 година. Понатамошни попусти се нудат и за нашите неодамна објавени нови дестинации Сохар, Оман, Киев, Украина и Прага, Чешка.

Авиокомпанијата неодамна ја претстави новата класа на патнички седишта од бизнис класа, Qsuite, донесувајќи искуство од прва клата во кабината за бизнис класа и поставување на нов стандард во патувањето за бизнис класата.

Qsuite го има првиот двоен кревет којшто е достапен во бизнис класата, со панели за приватност што се склопуваат, дозволувајќи им на патниците во соседните седишта да создадат сопствена приватна просторија. Прилагодливи панели и подвижни ТВ монитори во центарот на четири седишта овозможуваат колеги, пријатели или семејства да патуваат заедно за да го трансформираат својот простор во приватен апартман, овозможувајќи им да работат, вечераат и да се дружат заедно. Овие нови функции обезбедуваат крајно прилагодено патувачко искуство, овозможувајќи им на патниците да создадат средина која одговара на нивните сопствени уникатни потреби.

„Скајтракс“ 2017 авиокомпанија на годината има неколку нови возбудливи дестинации планирани за остатокот од оваа година и 2018 година, вклучувајќи ги и Канбера, Австралија, Чианг Маи, Тајланд, Рио де Жанеиро, Бразил, Сан Франциско, САД, и Сантијаго, Чиле, да именуваме неколку.

За да дознаете повеќе за дестинациите и промоциите на „Катар ервејс“, посетете ја qatarairways.com.qa

Дубаи веќе ја има славата на место, откако е дом на најзначајните згради и вештачки егзотични острови. 

Но, емиратот што е како магнет за туристи жедни за убавина- Катар, веќе има проект за создавање на вештачка Гора во луксузен хотел.

Хотел од синџирот "Rosemont Hotel Dubai" има изготвен проект за затворена прашума, која ќе биде распоредена на околу 7.000 квадратни метри. Тоа ќе биде прва ваква во Блискиот Исток. Во неа ќе клокотат потоци и водопади. Сето ова треба да биде готово во 2018 година и во него да уживаат туристите кои имаат можност да си дозволат ваков раскош.

Елегантната зграда ќе има плажа со песок и стаклен базен во кој ќе пливаат егзотични морски животни. Комплексот ќе вклучува две кули - едната ќе биде хотелот, а во другата ќе бидат приватни станови. Зградите ќе имаат 47 ката. Проектот е пресметан на 550 милиони долари и ќе биде изграден од ZAS Architects.

Јасно е дека штом шумата е тропска, тогаш во неа мора да има и обилен дожд. Таа наскоро ќе личи на тропска густа џунгла со потоци, водопади, дрвја, огромни аквариуми, вештачка плажа и дури водопад.

Футуристичкиот терариум ќе користи рециклирана вода, собрана од кондензација, за да личи максимално влажна клима на вистинските тропски шуми. И, се разбира, сето тоа ќе биде гарнирано и со класичен инфинити базен обесен над улиците на Дубаи.

Сите овие убавини ќе се наоѓаат некаде меѓу 47-те ката на две кули.Хотелот ќе вклучува куглана, кино, 3D анимација, неколку ресторани. Во вештачкиот аквариум пак ќе пливаат вистински ајкули. Дали тоа е опсесија за величие на шеици, или едноставно уште едно чудо што има за цел да привлече повеќе туристи со софистициран шик? Останува да видиме. Хотелот ќе биде управуван од Hilton Worldwide преку брендот Curio.