Министерството за труд и социјална политика соопшти дека во тек е исплатата на паричната помош согласно Законот за финансиска поддршка за ранливи категории на граѓани за справување со енергетската криза.

Поддршката се однесува на: корисниците на правото на социјална сигурност на стари лица, корисниците на посебен додаток, корисниците на правото на надоместок заради попреченост, корисниците на надоместокот за попреченост и трајни промени во здравствената состојба, кои користат надоместок за помош и нега од друго лице, а не користат право на надоместок заради попреченост, без потреба од контролен преглед и самохраните родители кои се евидентирани корисници на гарантирана минимална помош.

Овие граѓани добиваат финансиската поддршка од 3.000 денари месечно, за период од четири месеци.

Денеска се исплаќа и финансиската поддршка за невработени лица-корисници на право на материјално обезбедување во вид на паричен надоместок, согласно Законот за материјално обезбедување на невработените лица поради приватизација на претпријатијата со доминантна сопственост на државата.

Финансиската поддршка за овие корисници изнесува 3.000 денари месечно, за период од четири месеци и го исплаќа Агенцијата за вработување на Северна Македонија.Преку Фондот за пензиско и инвалидско осигурување се исплаќа финансиска поддршка за корисници на право на пензија во висина до 14.000 денари и тоа за корисници со пензија до 11.525 денари месечно, 1.500 денари месечно, за период од четири месеци, и од 11.526 денари до 14.000 денари месечно, изнесува 750 денари месечно, за период од четири месеци. За корисниците на правото на надоместок за телесно оштетување 750 денари месечно за четири месеци.

Стандардот на пензионерите никогаш не бил вака штитен како што е денес. Методолгијата која ја утврдивме заедно со Сојузот на здружение на пензионерите на Македонија (СЗПМ) дава резултати на долг рок. Усогласувањето според оваа методологија се врши два пати во текот на годината, во март и септември, и ги следи промените на двата индекса за усогласување, изјави премиерот Димитар Ковачевски по денешната средба со претставниците на СЗПМ.

Премиерот најави дека пензионерите на своите сметки утре ќе ја добијат втората исплата на финансиската поддршка за пензионерите со пониски пензии од 14 илјади денари, од вкупно четири исплати, односно финансиска поддршка во времетрање од четири месеци.

На почетокот на новата година се сретнав со раководството и со членовите на Сојузот на здруженијата на пензионерите на Македонија за да потврдиме дека партнерски продолжуваме да се грижиме за животниот стандард на пензионерите преку системски и одговорни политики, а не како во некои минати времиња кога пензионерите без злоупотребувани за предивборни цели, изјави Ковачевски по средбата, на која присуствиваше и министерката за труд и социјална политика Јована Тренчевска.

На денешната средба, како што додаде Ковачевски, заеднички констатирале дека од голема помош е поддршката што како Влада ја даваат на пензионерите, како со усвојувањето на новата методологија за пресметка на пензиите, така и со антикризните мерки.

Минатиот месец, посочи, со исплатата на декемвриската пензија финансиска поддршка од 1.500 денари добија 62.951 лице, чија пензија е до 11.525 денари и по 750 денари добија 65.704 лица, со износ на пензии од 11.526 до 14.000 денари.

Ова не е единствена финансиска поддршка за пензионерите предвидена со антикризни мерки. Финансиска помош во вкупна вредност од 3.000 денари добија 330 илјади пензионери за месеците март, април и мај во 2022 година, додаде премиерот.

Тој напомена и дека пенизонерите во 2023 година влегоа со повисоки пензии за околу 10 проценти.

Ова е историско покачување на пензиите и тоа за период од само една година. Следува ново усолгасување на пензиите за два месеци во 2023 година во март, според трошоците за живот и пораст од над просечната плата. За една календарска година растот на пензиите ќе биде околу 16 проценти и тоа календарска година која не е изборна година, рече Ковачевски.

Тој информираше дека во буџетот на Министерството за труд и социјална политика во 2023 година предвиден е трансфер од околу 30 милијарди денари кон Фондот за пензиско и инвалидско осигурување заради навремена исплата на пензиите и за усогласувањата предвидени со закон.

Претседателката на Сојузот на здруженија на пензионерите на Македонија, Станка Трајкова по средбата изјави дека со новата методологија се постигна основната цел за пензионерите, а тоа е пензиите да се усогласуваат со дел од порастот на трошоците на животот и дел од порастот на платите, во еднаков процент.

Благодарение на новата методологија, во 2022 година сите пензии беа усогласени со 10 проценти. Првпат во работењето на СЗПМ, бевме активни чинители на работните средби во врска со креирање на новиот модел за усогласување на пензии. Тоа е фер и коректно решение, и на тој начин ќе се надмине проблемот на создавање различни нивоа на пензии меѓу пензионери кои под исти услови остваруваат право на пензија, додаде Трајкова.

Подружницата на Mellon Technologies и член на Mellon Group е основана во 2003 година во Скопје. Компанијата е воспоставена на пазарот поради нејзината доминантна улога во воведувањето и рационализирањето на имплементацијата на новите технологии, како и квалитетот на контакт центарот и аутсорсинг услугите. Вклучувајќи го меѓународното знаење на групата со локалната експертиза на компанијата, Mellon Solutions е уникатно позициониран за да ги олесни сигурните и трансформирачките трансакции.

Моментално се отворени следниве работни позиции:

ТЕХНИЧАР ЗА ОБЕЗБЕДУВАЊЕ НА ТЕЛЕКОМУНИКАЦИСКИ УСЛУГИ (ЗА СТРУМИЧКИ РЕГИОН)
ADMINISTRATIVE ASSISTANT
HR GENERALIST

Кога ќе успеете да ја пронајдете работата која што ја сакате ќе бидете многу среќни и задоволни, но сепак тоа претставува еден долг процес и нормално дека постои шанса да бидете одбиени од одредена позиција за која што сте аплицирале.

Биографијата која што ќе ја испратите за да аплицирате за некоја работа често може да ги зголеми или да ги намали вашите шанси за време на интервјуто. Има многу сoвети и трикови кои може да ги користите за да изработите одлична биографија.

Вашата биографија треба да биде лесна за читање, следење и визуелно привлечна. Постојат примери за тоа како би требало да изгледа една биографија кои може да ги најдете на интернет. Треба да знаете дека од особено значење е резимето да е пократко од аспект на сите професионални контексти, бидејќи вие имате ограничен простор, а регрутерот ограничено време. Скратете ја вашата биографија со тоа што ќе се ослободите од зборови како што се со цел, во основа, на пример, ослободете се од ирелевантните работни функции, скратете го растојанието помеѓу линиите и користете прецизни и моќни зборови.

Доколку ги применувате сите овие чекори,вашата биографија ќе изгледа многу повеќе професионално и ќе направи да изгледате по квалификувано за работната позиција за која што аплицирате.