KARIERA.mk со радост најавува ексклузивна работилница на 10.02.2023 во Skopje Marriott Hotel за сите маркетинг професионалци и ентузијасти! Предавач на еднодневната работилница ќе биде директорката на Google Marketing Platform Turkey, Ece Ozturk Dogan.

На работилницата ќе се работи на практични маркетинг предизвици и решенија и е наменета за сите маркетинг ентузијасти од почетен степен до сите маркетинг експерти од државата и регионот. Сите учесници по завршувањето на работилницата ќе добијат сертификат. 

Дополнително ги повикуваме и компаниите кои сакаат да инвестираат во маркетинг знаењата на своите вработени да бидат дел од овој одличен настан. 

Теми кои ќе бидат опфатени на работилницата:

• Google tools for startups
• How Google ads work?
• Digital maturity framework
• Youtube and display ads
• Enterprise advertising solutions
• Ga4 and the future of Google

Карти за работилницата може да се купат онлајн на следниот ЛИНК

За било какви дополнителни информации и консултации ви стоиме на располагање на [email protected] или пак на 078 479 306

Сопственикот на „Тесла“ и „Твитер“ Илон Маск влезе во Гинисовата книга на рекорди како најголем губитник во историјата, бидејќи од ноември 2021 до декември 2022 година загубил околу 165 милијарди долари, според Гинисовата книга на рекорди.

Овие бројки се засноваат на податоци на Форбс, но Гинис наведе дека други извори укажуваат дека загубите на Илон Маск би можеле да бидат уште поголеми, пренесува Би-Би-Си.

Во изјавата на Гинис се наведува дека „точниот износ на загубата на Маск е речиси невозможно да се одреди“, бидејќи некои медиуми проценуваат дека тој изгубил повеќе од 200 милијарди долари во 2022 година, но неспорно е дека го соборил претходниот рекорд, кој е со загуба од 58, 6 милијарди долари во 2000 година во сопственост на јапонскиот инвеститор Масајоши Сон.

Намалувањето на богатството на Маск во најголема мера е последица на големиот пад на вредноста на акциите на Tesla, кои загубија околу 65 отсто од нивната вредност во текот на најлошата година во историјата на компанијата, пренесува N1.

Маск не е единствениот милијардер чие богатство се намали во 2022 година, бидејќи американските милијардери минатата година изгубија вкупно 660 милијарди долари.

На второто место на листата на минатогодишни губитници е сопственикот на „Амазон“ Џеф Безос, кој загуби 80 милијарди долари, а претходниот рекорд го собори сопственикот на компанијата „Мета“ Марк Цукерберг, кој минатата година загуби 78 милијарди долари.

И покрај рекордната загуба, Маск и понатаму е вториот најбогат човек во светот. Форбс неговото богатство го процени на 320 милијарди долари во 2021 година, а сега му останаа „само“ 138 милијарди.

Според Форбс, моментално најбогат човек на светот е Французинот Бернар Арно, со имот вреден 190 милијарди долари.

Министерството за труд и социјална политика соопшти дека во тек е исплатата на паричната помош согласно Законот за финансиска поддршка за ранливи категории на граѓани за справување со енергетската криза.

Поддршката се однесува на: корисниците на правото на социјална сигурност на стари лица, корисниците на посебен додаток, корисниците на правото на надоместок заради попреченост, корисниците на надоместокот за попреченост и трајни промени во здравствената состојба, кои користат надоместок за помош и нега од друго лице, а не користат право на надоместок заради попреченост, без потреба од контролен преглед и самохраните родители кои се евидентирани корисници на гарантирана минимална помош.

Овие граѓани добиваат финансиската поддршка од 3.000 денари месечно, за период од четири месеци.

Денеска се исплаќа и финансиската поддршка за невработени лица-корисници на право на материјално обезбедување во вид на паричен надоместок, согласно Законот за материјално обезбедување на невработените лица поради приватизација на претпријатијата со доминантна сопственост на државата.

Финансиската поддршка за овие корисници изнесува 3.000 денари месечно, за период од четири месеци и го исплаќа Агенцијата за вработување на Северна Македонија.Преку Фондот за пензиско и инвалидско осигурување се исплаќа финансиска поддршка за корисници на право на пензија во висина до 14.000 денари и тоа за корисници со пензија до 11.525 денари месечно, 1.500 денари месечно, за период од четири месеци, и од 11.526 денари до 14.000 денари месечно, изнесува 750 денари месечно, за период од четири месеци. За корисниците на правото на надоместок за телесно оштетување 750 денари месечно за четири месеци.

Стандардот на пензионерите никогаш не бил вака штитен како што е денес. Методолгијата која ја утврдивме заедно со Сојузот на здружение на пензионерите на Македонија (СЗПМ) дава резултати на долг рок. Усогласувањето според оваа методологија се врши два пати во текот на годината, во март и септември, и ги следи промените на двата индекса за усогласување, изјави премиерот Димитар Ковачевски по денешната средба со претставниците на СЗПМ.

Премиерот најави дека пензионерите на своите сметки утре ќе ја добијат втората исплата на финансиската поддршка за пензионерите со пониски пензии од 14 илјади денари, од вкупно четири исплати, односно финансиска поддршка во времетрање од четири месеци.

На почетокот на новата година се сретнав со раководството и со членовите на Сојузот на здруженијата на пензионерите на Македонија за да потврдиме дека партнерски продолжуваме да се грижиме за животниот стандард на пензионерите преку системски и одговорни политики, а не како во некои минати времиња кога пензионерите без злоупотребувани за предивборни цели, изјави Ковачевски по средбата, на која присуствиваше и министерката за труд и социјална политика Јована Тренчевска.

На денешната средба, како што додаде Ковачевски, заеднички констатирале дека од голема помош е поддршката што како Влада ја даваат на пензионерите, како со усвојувањето на новата методологија за пресметка на пензиите, така и со антикризните мерки.

Минатиот месец, посочи, со исплатата на декемвриската пензија финансиска поддршка од 1.500 денари добија 62.951 лице, чија пензија е до 11.525 денари и по 750 денари добија 65.704 лица, со износ на пензии од 11.526 до 14.000 денари.

Ова не е единствена финансиска поддршка за пензионерите предвидена со антикризни мерки. Финансиска помош во вкупна вредност од 3.000 денари добија 330 илјади пензионери за месеците март, април и мај во 2022 година, додаде премиерот.

Тој напомена и дека пенизонерите во 2023 година влегоа со повисоки пензии за околу 10 проценти.

Ова е историско покачување на пензиите и тоа за период од само една година. Следува ново усолгасување на пензиите за два месеци во 2023 година во март, според трошоците за живот и пораст од над просечната плата. За една календарска година растот на пензиите ќе биде околу 16 проценти и тоа календарска година која не е изборна година, рече Ковачевски.

Тој информираше дека во буџетот на Министерството за труд и социјална политика во 2023 година предвиден е трансфер од околу 30 милијарди денари кон Фондот за пензиско и инвалидско осигурување заради навремена исплата на пензиите и за усогласувањата предвидени со закон.

Претседателката на Сојузот на здруженија на пензионерите на Македонија, Станка Трајкова по средбата изјави дека со новата методологија се постигна основната цел за пензионерите, а тоа е пензиите да се усогласуваат со дел од порастот на трошоците на животот и дел од порастот на платите, во еднаков процент.

Благодарение на новата методологија, во 2022 година сите пензии беа усогласени со 10 проценти. Првпат во работењето на СЗПМ, бевме активни чинители на работните средби во врска со креирање на новиот модел за усогласување на пензии. Тоа е фер и коректно решение, и на тој начин ќе се надмине проблемот на создавање различни нивоа на пензии меѓу пензионери кои под исти услови остваруваат право на пензија, додаде Трајкова.